GBOO FEAN BƆƐ KƆYINDI KO A 12:11 - Yataa 'a Dɔbɛnɛ Nama

¹¹ N mbe ka wooya koe n fan ma tena, chɛɛ wo wan‑na a din n ma, a ma koe a. Koe min na mu, a ni nyan fan, wo ni n pɛmbɛ. Ni mɔ a tenden bɛɛ gbu ma n na, chɛɛ mɔɛ chɛ nu, wo e miin chee ka Chasi 'a sɔ mɔɛ wa n na, an ma ben ni n ma chia ɔ chia a.

GBOO FEAN BƆƐ KƆYINDI KO A 12:11 ပူးပေါင်းရင်းမြစ်များ

DUKU 17:10

Wo wɛɛ, wo e ka wan. Ni wo ban‑da koe chɛ n gbɛɛ ma‑a, n mbe wo sɔ‑a min chɛ koe a, wo e a fɔ‑a wan, wo ɔ, bɔi den gbama mu wo a. Wo ɔ, wai bɔ ee wo ko a.”

GBOO SAA KƆYINDI KO A 13:2

Chɛ n bɛɛ, n mbe na tena ka miin ma dan‑da, an ni ma wɛɛ n boo ɔ, koadia ni ma n faa ɔ. Gbasaya ni ma n boo ɔ, Yataa da a kuiɛ ɔ yian koe a mɔɛ n na. A ni ma n boo ɔ, koe gbɛɛ mɔ gbu ee kun min dɔ gbɛ koe a, n ni an dɔ gbɛ. A ni ma to n boo ɔ, n ni n kai fa Chisɔsi a gbeden, min mbe che a ma‑a, n ni a fɔ kɔnkɔɛ ma, n dɔ, a ni ka a gba ɔ, mbɛ a kuɛn‑da. Chɛ n gbɛɛ ni ma wɛɛ n boo ɔ, ni koadia ee n faa ɔ, mɔ ma n na.

GBOO SAA KƆYINDI KO A 3:22

Pɔɔ ni ma, Apɔdɔsi, ni Pita, an mbe wo wan ko a. Dunya chɛ wɛɛ, fɔɛ chɛ, saya, fenɛ miin mbe sanche, ni miin mbe kɔkɔɛ ya ɔ ma, an gbɛɛ, an mbe wo wan ko a.

GBOO FEAN BƆƐ KƆYINDI KO A 1:6

Ni nn‑na ko yawaenɛ ɔ bia tima ɔ tima, wo nande koe mu, wo ni bauncha ma sɔn. Ni nn‑na nande ma sɔn, mbɛ wo wɛɛ‑a a ma sɔn. Mbɛ wo‑a fanka ma sɔn, wo faa bia koe a, wo ni ko yawaen chɛ n dɔ bia, nn bɛɛ‑a miin dɔ bia.

GBOO FEAN BƆƐ KƆYINDI KO A 11:1

Ɛ n bu ɔ dia‑a wan, ni wo‑a wo faa bia n na, n ni wooya bai ɛnden sa. Wo dimu.

GBOO FEAN BƆƐ KƆYINDI KO A 11:5

Chɛɛ n ta yiinachii ɔ, n ma dan ni a a, mbɛ mɔɛ chɛ n benden fan mu n ma ɛnden bɛɛ a, wo e mɔɛ miin ya ka Chisɔsi 'a sɔ mɔ wa an na.

GBOO FEAN BƆƐ KƆYINDI KO A 12:12

Yataa‑a a ma wan, n‑na kamaya ko wa sɛsɛ ma, a ɔ yian koe a wo a, mbɛ Chisɔsi 'a sɔ mɔɛ mu n na. N na‑a an ma wan, faabia wa ɔ.

GBOO FEAN BƆƐ KƆYINDI KO A 12:6

Ni n toen mu wɛɛ, n ni yonka tɛ, n mbe ee che ma‑a woo mɔɛ a. Koe min na mu, n mbe ma‑a ka tea an fɔ‑a. Chɛɛ n mbe ee yonka tɛ. Koe min na mu, n ma to ni mɔ ɔ mɔ ni n ya mɔ chenama a, a ben koe n ma, an mbe n yen miin ma‑a, a ni ben to koe n ma, an mbe miin na min n da a.

GBOO FEAN BƆƐ KƆYINDI KO A 3:1

Nn‑na gboo min nyɛn ka, a ee a ɔ yian tena, mbɛ nn bun‑da ka yonka an tɛ‑a, a si nn fandi ma. Nn mbe ee ka yɔ mɔɛ dɔ nu. Nn ma to ni mɔ ni nn pɛmbɛ gboo chɛ nyɛn koe a wo tena. Nn ma to ni wo wɛɛ, wo ni a nyɛn, a si nn bakoe ma.

GBOO FEAN BƆƐ KƆYINDI KO A 5:13

Koe min na mu, ni nn wooen bɛɛ mu, mbɛ Yataa an ko a mu. Chɛ ma, ni nn yiima tɛen fan mu, mbɛ wo sin fan ko a mu.

Gboo Kadesia Ko A 6:3

Koe min na mu, ni mɔ ɔ mɔ‑a yiinachii chɛ, mbɛ mɔɛ mu a a, min sin mu ka mɔ a tenden ma a, ɛ a wandi an bun tena ka.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.