GBOO FEAN BƆƐ KƆYINDI KO A 11:3 - Yataa 'a Dɔbɛnɛ Nama

³ Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

GBOO FEAN BƆƐ KƆYINDI KO A 11:3 ပူးပေါင်းရင်းမြစ်များ

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

GBOO DOMI KO A 12:8

Ni an faa ma nande koe mu chɛndɛ chɛ, mmɔ a ma ka. Mɔ ɔ mɔ min mbe mɔ dɔ gbɛɛ n deman‑da, a ni an deman a faa gbɛɛ a. Ni mɔ ɔ mɔ ma‑a gbasaya ɔ, a mɔɛ chɛ ni wai chɛ chɛndɛ chɛ. A sin, ko chɛndɛ ma faa ɛ mɔɛ min dɔ, a mɔɛ chɛ ma a ya kɔɔɛ sisi, ni a ma‑a an ko chɛndɛ ma‑a mɔɛ n na.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

GBOO FEAN BƆƐ KƆYINDI KO A 11:20

Wo gbu sin mbe wo faa bia wan, mɔɛ ni wo yɔn bia wɛɛ chɛ. Chɛ ma, mɔɛ ni wo boo fenɛ daun, chɛ ma, a ni wo chii, chɛ ma, a ni a yombo sɔ a ma, chɛ ma, a ni wo ya a gbasi.

GBOO FEAN BƆƐ KƆYINDI KO A 11:29

Ni mɔɛ ɛ nɔ min gboo ɔ faenɛ ɛ, n bɛɛ, n gboo ɔ fa wan a mɔɛ chɛ ko a. Ni mɔɛ‑a a ma, a bɔɛ ni ko yama ma, n faa ɛ gbandia wan yɔ ta.

GBOO FEAN BƆƐ KƆYINDI KO A 2:17

Koe min na mu, nn mbe ee ka yɔ mɔ sɛsɛ dɔ nu, miin mbe Yataa 'a bai ya, fen sɔn koe a a ɔ dechee. Chɛɛ Yataa an‑na nn sɔ. An fɛ mu, nn fan wai chɛ mɔɛ nu Chasi ye, nn mbe a 'a sakana bai ɔ yian tea chia a, a chen kɔɔ.

GBOO FEAN BƆƐ KƆYINDI KO A 4:2

Chɛɛ nn‑na nn yii na chii, nn ma nn boo chɛ ni mauma koe kan kɔ kan dɔ, a ni ma nun dɔ wɛɛ a. Nn sin mbe ee koe n ma, miin mbe mɔɛ n bun. Nn gbu sin mbe ee Yataa 'a bai ma sa chia ɔ chia a. Chɛɛ nn mbe fɔɛ min dɔ, Yataa chen kɔɔ, basɔmaya da faenɛ kɔɔ mu. A sin, chɛ ɛ na tena wan pɛmbɛ a nn ko a, mɔɛ gbɛɛ tena, yiinachii chɛndɛ ɔ.

Gboo Kadesia Ko A 1:6

Da ɔ gbaa koe mu n tena, mbɛ wo‑a wo ya a mun sakana bai dɔ mende ma. A ɔ wuuma a, wo bun‑da ka‑a Yataa fɛ, min‑na wo chee, Chasi 'a koadia demanɛ ɔ.

Gboo Kadesia Ko A 2:4

Chɛɛ mmɔ suun ma nyɔɛ dɔ nu Chasi ɔ, a wakoe ɛ sa ɔ dechee miin ya kɔɔɛ, chɛɛ a ee an faa ɔ, an toen ni chɛ an na. A sin, an na‑a wan nn tɛ ɔ yɛdɛn, min mbe a ma, an ni nn na tɛ. An ni a ɔ gbɛ, Chisɔsi‑a mmɔ bɔ buɛ min dɔ sawa chɛ boo ɔ, mbɛ an‑na a ma to, mmɔ yɛ‑a an yɔncha ɔ.

Gboo Kadesia Ko A 3:1

Wo wan Kadesia mɔɛ nu, wo wooen mu. N ma a ɔ sɔn mɔɛ min nya‑a wo a. Wo wandi gbu, wo too n‑na a a min fan, mɔɛ n‑na Chisɔsi Chasi gbangban buɛ min dɔ kɔn gbengbandenɛ ma, a fa‑a nɔ.

Gboo Kadesia Ko A 4:11

N mbe faagbaa an dɔ, mbɛ n tɔɔya‑a wo ko a fuu.

Gboo Ɛfisɔsi Ko A 4:14

Chɛ an mbe a ma‑a, mmɔ ee ma‑a yɔ den mɛsɛ nu, an mbe miin woo, fania fania kanɛ kan kɔ kan na. Mɔɛ chɛ nu, miin yaaen mu ka, an fan mbe an bun ka, yaa chia a.

Gboo Ɛfisɔsi Ko A 4:22

Wo kan‑da wan, mbɛ wo ni wo sɔn kɔma chɛ n boo ka. Wo sɔn chɛ nu, miin beaen mu, wo tachɛ buɛ kɔma chɛ n fɛ, fɔɛ ɔ. A tima chɛ a, wo wakoe ni yɔn tena wan gbata gbata. Koe min na mu, wo toen ni ko yama n fan ma koe a, a sin, an ko yama chɛ ni wo bun tena wan.

Gboo Ɛfisɔsi Ko A 6:24

Koadia ɛ miin gbɛɛ faa ɔ, mmɔ 'a mansa Chisɔsi Chasi ko a, koadia min mbe ee danka kuɔ fɔ, Yataa ni an gbɛɛ dua.

Gboo Kɔdɔsai Ko A 2:18

Wo ma dɔn mɔɛ chɛ n ni a fɔ wo ye, mbɛ wo ee Yataa chia ma. Mɔɛ chɛ nu, miin toen mu chii koe a wo ma, kooya be koe a maeka n ma, mbɛ wo‑a an fai. A yɛ to, an mbe a fɔ, an dɔ, an mbe koe n dɔ yen fan, miin dɔ nunden mu. An mbe ma‑a ka fania an dɔ, an mbe yonka tɛ‑a, mɔgbuya chia a, tea sin mbe ee a ɔ.

Gboo Kɔdɔsai Ko A 2:4

N mbe chɛ fɔ tena, min mbe a ma, mɔ ɔ mɔ ma na wo bun, an 'na daɔdia bai ma kawaenɛ n na, an mbe miin dɔ yian‑da.

Gboo Kɔdɔsai Ko A 2:8

Wo wo kun ma fɛn, wo ma na ma yɔnɛ a, mɔ dɔ mende n 'na yiinachii ɔ yansama boo ɔ. An ma na wo bun, wo ni bea mɔ gbu ta manda n fɛ, wo ni bea dunya chɛ ma nyina n fɛ. An mbe ee ma‑a Chasi ta chia fɛ.

Gboo Saa Tɛsadonika Ko A 3:5

N nii ma a ɔ sɔn, wo ni gbɛ buɛ min dɔ. Ni wo ni wan tun sɔ ɔ gban, Chasi ko a. Chɛ ma, ni Sitana kun‑da wan wo ma, wo ni wo kan kɔ sɔ Chasi a. Mbɛ nn 'na wai nyima gbɛɛ, a ma‑a fufafuu a. N ma che ni to chɛ ɔ bia‑a. Chɛ an fɛ mu, n‑na Timoti a na wo tena, a ni a gba bɔ.

1 TIMOTI 1:3

N toen mu i ni ma Ɛfisɔsi duu ɔ wan. I ma ka nɔ, yɔ n na‑a a fɔ buɛ min dɔ i ye, tima min na ni n mbe ta‑a Masidonia chɛnyɛ ɔ. Mɔɛ chɛ nu Ɛfisɔsi, miin mbe ka fania kan chɛ a, a fɔ an ye an ni sɛmbɛ a a.

1 TIMOTI 2:14

A sin, ka nii ma Adami an woo ni, a na‑a Ifi an woo, min‑na a ma, a ma‑a ko yama ma mɔɛ a.

2 TIMOTI 3:13

A sin, mɔ yama nu, ni kankancha tɔɛ nu, an kun ma ɛ chɛ‑a wan tun tun. An mbe mɔɛ n na bea‑a wan, a sin mbe ma‑a an fandi wɛɛ a da bea an na.

TAITƆSI 1:10

Koe min na mu, mɔɛ n mbe nɔ kaka, miin mbe an kaa sa tena kan chɛndɛ chɛ a, fia faenɛ an da ɔ ben‑da an bɔɛ n bun koe a. A bɛbɛɛ gbu chɛ nu, miin ni a fɔ, an dɔ, mɔ ee bauncha ma sɔn, ni i a ma kamincha ni.

GBOO IBU MƆƐ N KO A 13:9

Wo ma dɔn kan sɛsɛ nu, miin kaen mu sakana bai chɛndɛ chɛ ma, an ni wo ka Yataa chia ma. A nyin mmɔ ni faa sɔɛ ma sɔn, koadia demanɛ ɔ, Yataa ɛ min chɛ. Chɛ benden mu bea koe ma sawa n fɛ, miin sien mu daun fenɛ n ma. Mɔɛ miin mbe bea sawa chɛ n fɛ, an nii ma an deman ni.

2 PITA 3:17

Chɛɛ n dia nyɔɛ nu, wo tana, wo‑a chɛ ɔ sɔn fan gbɛ. Chɛ an fɛ mu, wo wo kun ma fɛn, sawa sɔn bai chɛ n ma na a ma, wo ni saman, mbɛ wo ka‑a chia ma. An ni a ma, wo ni bea, a bɔ wo sɔ tena chɛndɛ chɛ ɔ.

2 PITA 3:3

Koe saa saa gbu, a nyin wo ni min dɔ sɔn an nɛ. Mbɛ tee dankama nɛnɛ chɛ n kɔɔ, Chisɔsi Chasi e na to na‑a, mɔɛ n mbe na‑a wan wo tɛ ɔ, miin mu yɔnɛ n na. An mu yɔnɛ n na, an 'na fɔɛ ɔ, an faa ma koe yama n boo ɔ. An mbe wo ma yɛn‑da wan.

1 CHƆN 2:18

N 'na denɛ nu, mmɔ ɛ ka gbɛ tee dankama tee an kɔɔ, Chisɔsi Chasi na koe a to. A na‑a a fɔ wan wo ye, mbɛ Chasi chɛɛ ma nyɔɛ ɛ na tena wan, ɛ bɔ‑a mɔ gbu n tɛ ɔ wan. Sanche chɛ ɔ, a chɛɛ ma nyɔɛ n‑na an kun na bɔ. Chɛ an mbe a ɔ yian mmɔ a, mbɛ tee dankama tee che‑a.

1 CHƆN 4:1

N dia nyɔɛ nu, wo ma dan mɔɛ n gbɛɛ a, miin mbe a fɔ‑a, mbɛ Yataa Nyina ɛ wan an fɛ. Wo an mɔɛ chɛ n fɔ bai ma mɛn pɛn, min mbe a ma, wo ni a ɔ sɔn, ni Yataa Nyina an mbe an fɛ tea ko a. Wo chɛ ma, koe min na mu, fania fɔ mɔɛ n sɛsɛ fasanden mu a ɔ, an mbe an fandi ya‑a Yataa 'a gbonka chɛ mɔɛ n na.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.

KO Ɔ NUNDENƐ 12:15

Mbɛ ka chɛ‑a yii a fu, min ma‑a yii wa a, a ni ta musu chɛ san‑da, a ni ta a a.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 20:2

Mbɛ a‑a fɔɛ fen chɛ bia gban, fɔɛ fen ma chianden ba chɛ. An fɔɛ fen chɛ mu ka kɔkɔ wa chɛ an na, nyina yama n 'na mansa chɛ, min tɔ mu Sitana. Mbɛ maeka chɛ‑a a chii fɔin kundu yɔɔɛ chɛ a, san wu dɔndɔ (1,000) ko a.