GBOO FEAN BƆƐ KƆYINDI KO A 11:29 - Yataa 'a Dɔbɛnɛ Nama

²⁹ Ni mɔɛ ɛ nɔ min gboo ɔ faenɛ ɛ, n bɛɛ, n gboo ɔ fa wan a mɔɛ chɛ ko a. Ni mɔɛ‑a a ma, a bɔɛ ni ko yama ma, n faa ɛ gbandia wan yɔ ta.

GBOO FEAN BƆƐ KƆYINDI KO A 11:29 ပူးပေါင်းရင်းမြစ်များ

MATIU 11:6

Wo a fɔ, wo ɔ, mɔ ɔ mɔ, i wɛn gboo ɔ ma fa ni dan koe a n na, e dua ma sɔn‑da wan.”

CHƆN 2:17

Mbɛ a puin‑da a fɛ denɛ n yii ma, mbɛ Yataa 'a gboo‑a a fɔ wan, a ɔ, “Fa Yataa, i 'a chen chɛ 'a koadia koo n faa ɔ, n mbe fa tena wan a ko a.”

GBOO DOMI KO A 12:15

Mɔɛ miin mbe buɔdia ɔ, wo bɛ ni an buɔdia bɔ an na. Mbɛ miin mbe chinchin di chɛ‑a, wo‑a an kan dɔ bia.

GBOO DOMI KO A 15:1

Mmɔ gbɛɛ, mmɔ wɛn 'na danaya Yataa a, a ɔ gbɛ gbechen, mmɔ faa ma gbaa dechee mmɔ wandi an deman koe a. Chɛɛ mmɔ mɔɛ chɛ n deman, miin 'na Chisian danaya ɔ ma gbɛ.

GBOO SAA KƆYINDI KO A 11:22

Gba! Chenɛ n mbe wan wo boo ɔ, wo e daunɛ chɛ kaina min, wo e fenɛ n min nɔ. Chɛ ma, wo ma wo yii dɛn Yataa 'a chɔchi kun ma. Wo ma mɔɛ chɛ n na mau, fen mbe ee miin boo ɔ. N ma a ɔ sɔn, n mbe fen fɔ wo ye, a si chɛ ma. Wo toen mu, n ni wo tando wan. Chɛɛ n mbe ee che wo tando‑a chɛ ko a, ɛnden bɛɛ a.

GBOO SAA KƆYINDI KO A 12:26

Ni mɔ gbu sɔna dɔndɔ wɛɛ tɔɔya‑a, a ni ma a tɔɛ chɛ n gbɛɛ a tɔɔya a. Ni an sɔna dɔndɔ a basɔmaya ma sɔn, a tɔɛ chɛ n gbɛɛ ni buɔdia bɔ a a.

GBOO SAA KƆYINDI KO A 15:36

Woo mɔ tisa an nɛ, e ka min chɛ‑a. Ni i‑a chin fenɛ chin duu gboo ɔ, ɛ tui pɛn, mbɛ a fɛn‑da gbɛ.

GBOO SAA KƆYINDI KO A 8:13

Chɛ an fɛ mu, ni n daun fenɛ an mbe a ma, n suun ma nyɔɛ ɛ ko yama ma, mbɛ n mbe ee soe daun‑da to. Min mbe a ma, n ma na n suun ma nyɔɛ a dɛ ko yama ɔ.

GBOO SAA KƆYINDI KO A 8:9

Chɛɛ wo tima an ya dechee, wo e koe n ma buɛ min dɔ. Min mbe a ma, gbasaya min been mu ka wo ma daun chɛ koe a, a ma na a ma miin 'na danaya ɔ ma gbɛ, an ni ko yama ma.

GBOO SAA KƆYINDI KO A 9:22

Ni n ma‑a wai chɛ‑a mɔɛ chɛ n tɛ ɔ, miin 'na danaya ɔ ma gbɛ, Chisɔsi a, n bɛɛ, n mbe a ma wan yɔ n ta wɛɛ ɔ ma gbɛ. N mbe chɛ ma, n ni an ma sawan Chasi tena. Chɛ ɛ a ɔ yian, mbɛ n mbe mun fan mɔ kan kɔ kan na, mɔɛ kan kɔ kan tena. N mbe chɛ ma, an dɔ n baun koe an na, chia ɔ chia a.

GBOO FEAN BƆƐ KƆYINDI KO A 13:9

Koe min na mu, n bu ɔ diama an mbe ma, tima ɔ tima ko a, gbasaya ee wɛɛ nn boo ɔ, chɛɛ wo sin dɔ gbɛama ɛ. Nn mbe samunɛ chɛ min ko a, an nɛ, mbɛ mabɔ ma na ma wo ma.

Gboo Kadesia Ko A 2:14

Chɛɛ n na‑a a ɔ yen fan, mbɛ an nii ma tan ni, min sien mu tea ma, sakana bai chɛndɛ chɛ ɔ. Mbɛ n‑na a fɔ Pita ye, an gbɛɛ ya kɔɔɛ ma, n dɔ, “I wan Pita, i wɛn mu Chu mɔɛ a, chɛɛ e koe ma‑a yɔ mɔɛ min ma Chu mɔ a. Fen ko a, e a din‑da mɔɛ n ma, miin ma Chu mɔ a, an ni koe ma yɔ Chu mɔɛ nu?”

Gboo Kadesia Ko A 6:2

Wo wo boo si wo nyɔn na ya kɔɔ tawa kɔɔ, min mbe a ma, wo ni Chasi 'a sawa bia a chia ma.

KO Ɔ NUNDENƐ 2:2

A ɔ, “N‑na ko ɔ ko kan kɔ kan dɔ sɔn fan a si wo ma. N‑na a ɔ sɔn fan, wo‑a min chɛ Ɛfisɔsi chɔchi ɔ. A yɛ to, n‑na a ɔ sɔn fan, wo e fɔɛ min nyɔn sima a tachɛ tena. N‑na a ɔ sɔn fan to, wo e wo faa bia tena buɛ min dɔ Chisian wai ɔ. N danden fan mu a a, mbɛ wo ee che wo boo si‑a mɔ yama n kɔɔ. Chɛɛ mɔɛ chɛ nu, miin mbe an fandi chee n 'na sɔ mɔɛ n na, wo‑a an dɔ siman fan. Mbɛ wo‑a a ɔ yen, mbɛ fania fɔ mɔ gbama mu an na.

KO Ɔ NUNDENƐ 2:20

Chɛɛ n bu ɔ ma di chɛ a, a si wo ma. Wo ee ko ɔ ko ma tena, a si musu chɛ ma, Chɛsibɛɛ musu chɛ, min‑na a wandi ya Yataa 'a gbonka chɛ mɔɛ a. Chɛɛ ɛ kanɛ min chɛ tena, ɛ n 'na mɔɛ n sɔ tena chia yama an ma, an mbe ko yama tɛ‑a, a basan daun fen daunɛ a, min mbe bɔ yasi a fenɛ n tena, an mbe miin ya yataa a.