GBOO FEAN BƆƐ KƆYINDI KO A 11:26 - Yataa 'a Dɔbɛnɛ Nama

²⁶ N 'na tachɛ sɛsɛ n dɔ, n ni wan chianɛ kɔɔ, yii fa boo ɔ, a basan kanka n na. N ni wan chianɛ kɔɔ, n bɔ Chu mɔɛ n boo ɔ, ni mɔɛ chɛ n bɛɛ boo ɔ, miin ma Chu mɔ a. Ko ma chiandenɛ n ma‑a wan duu wa n dɔ, an ma‑a fuinɛ ma, an ma‑a kɔ yii a. N suun ma nyɔɛ chɛ n gbu wɛɛ Chasi ɔ, a wakoe ni sa ɔ dechee miin ya kɔɔɛ, chɛɛ a ee an faa ɔ, n chiandenɛ ni wan an ma.

GBOO FEAN BƆƐ KƆYINDI KO A 11:26 ပူးပေါင်းရင်းမြစ်များ

CHISƆSI 'A SƆ MƆƐ NU 13:45

Chu mɔɛ chɛ nu, an‑na fanka wa chɛ yen kɛn, toomaya‑a an faa fa wan gban. Mbɛ an‑na Pɔɔ da a bai gbɛɛ kɔɔsa bia, an yɛ‑a to, an‑na a main.

CHISƆSI 'A SƆ MƆƐ NU 13:50

Chɛɛ musu gbakoo nu an duu chɛ ɔ, miin ni kooya be Yataa ma, an bɛ nɔ mɔ kaima gbakoo n gbɛɛ a, Chu mɔɛ chɛ n‑na an gbɛɛ a sɛ wan Pɔɔ n ma. An‑na ko ma gbaaenɛ sa wan Pɔɔ ma, an fea Banabasi a, mbɛ an gbu‑a an gbain an tanda gbu ɔ.

CHISƆSI 'A SƆ MƆƐ NU 14:19

Chɛɛ Chu dɔ n ka‑a wan Andiɔki duu ɔ, Pisidia chɛnyɛ ɔ, dɔ n bɛɛ ka‑a Ikoniɔn duu ɔ. An‑na a ma wan, mɔ fanka chɛ n yiima mun‑da, an‑na Pɔɔ ma bon bon fan, mbɛ an‑na a konkon, a bɔ duu ɔ. A ni an yii ma, mbɛ a fa‑a.

CHISƆSI 'A SƆ MƆƐ NU 14:5

Mbɛ mɔɛ dɔ nu, miin nii ma ka Chu mɔ a, an bɛ Chu mɔɛ dɔ n na, an‑na a siman fan, maumaya koe sɛ koe a an ma, an ni an ma bon bon senɛ a, aan an ni fa.

CHISƆSI 'A SƆ MƆƐ NU 15:40

Chɛɛ Pɔɔ‑a Sidasi an ya, mbɛ an suun ma nyɔɛ nu Chasi ɔ, an‑na an konan Mansa Yataa ma. An dɔ, Mansa Chisɔsi 'a koadia demanɛ ni an kun ma fɛn.

CHISƆSI 'A SƆ MƆƐ NU 17:13

Chɛɛ Chu mɔɛ chɛ nu Tɛsadonika, an‑na a a min kɛn, mbɛ Pɔɔ ɛ Yataa bai sa‑a Bɛyia wɛɛ, an na‑a wan nɔ. Mbɛ an bun‑da mɔ fanka chɛ a sɛ‑a Pɔɔ ma, gbunɛ a bea koe a.

CHISƆSI 'A SƆ MƆƐ NU 17:5

Chɛɛ toomaya faa chɛ‑a wan Chu mɔɛ n dɔ, min‑na a ma, an‑na tataya tɔɛ n na sɔn sɔn dani ma ben‑da, gbunɛ a bea koe a. An ben‑da wan duu ɔ yee tɛ‑a, mbɛ an‑na butuinɛ a bea kamin dɔndɔ 'a chenɛ a. Kamin chɛ tɔ ni Chason. A ni wan an yii ma, mbɛ Pɔɔ an fea Sidasi a, an ni an bɔ nɔ, mbɛ an ta‑a an 'na mɔɛ n tena baa ma.

CHISƆSI 'A SƆ MƆƐ NU 18:12

Chɛɛ an‑na Kadio ma tima min na kɔfana a, Akaya chɛnyɛ kun ma, Chu n‑na kuiɛ a kanɛ chɛ Pɔɔ ma, mbɛ an‑na a bia, an na‑a a a kɔfana chɛ 'a kuti ɔ.

CHISƆSI 'A SƆ MƆƐ NU 19:1

Apɔdɔsi ni kɛn Kɔyindi duu ɔ, Pɔɔ bɔ‑a wan chɛnyɛ kun ma chia a, mbɛ a che‑a Ɛfisɔsi duu ɔ, a‑a Chisɔsi fɛ mɔɛ dɔ n tan kaina min.

CHISƆSI 'A SƆ MƆƐ NU 19:23

A tima chɛ a, gbunɛ min‑na a kuu sɔ Ɛfisɔsi, a nii ma dɔ, a si mɔɛ n ma, Chisɔsi fɛ chia a.

CHISƆSI 'A SƆ MƆƐ NU 20:19

Chu mɔɛ n‑na kun puinɛ chɛ wan, a yama boo a, a si n ma. Chɛɛ n‑na n fandi ma yii wan, n‑na wai chɛ wan Mansa Chisɔsi ko a, di ni wɛɛ n ya a, n faa wɛɛ yɔndenɛ ɛ, a si ko ma gbaaen chɛ n ma, Chu mɔɛ n‑na min sa n ma.

CHISƆSI 'A SƆ MƆƐ NU 20:3

a ni kaina kau sawa ko a. A ɛ gbɛ a ma bɛn tena wan, ta koe a Siyia chɛnyɛ ɔ dɛndɛ ɔ, mbɛ a‑a a ɔ gbɛ, mbɛ Chu mɔɛ n ni dɔbɛnɛ an dɔ, a fa koe a. A wɛɛ‑a a yiima mun fan, mbɛ a yɛ‑a to Masidonia.

CHISƆSI 'A SƆ MƆƐ NU 23:10

An to‑a kɔɔsa chɛ an dɔ, mbɛ a ma‑a sɔnkɔ sɔnkɔ wa a. Chɛ‑a a ma wan, soya chɛ n kun ti chɛ chian‑da, mbɛ a‑a a yii na chii Pɔɔ bɔ koe a an tɛ ɔ, an ma na a a panda panda an boo a. Mbɛ a‑a a fɔ a 'a soya mɔɛ n ye, a ɔ, an ni ta, an ni Pɔɔ bɔ an tɛ ɔ gbasaya a, an ni na a a baachi ɔ.

CHISƆSI 'A SƆ MƆƐ NU 25:3

a ni basan an ma, a ma koe a, an ni na Pɔɔ a Chuusaɛn duu ɔ. An‑na chɛ fɔ, koe min na mu, an na‑a a ɔ bɛn fan, a fa koe a chia tɛ.

CHISƆSI 'A SƆ MƆƐ NU 27:42

Mbɛ soya chɛ n‑na a ɔ bɛn, an ni mɔɛ n gbɛɛ fa, miin ni an boo ɔ bia ɔ. Koe min na mu, an nii ma to ni, an dɔndɔ wɛɛ ni nɔɔɛ chɛ, a ni yii tɛ, mbɛ a‑a a nun, an boo ɔ.

GBOO DOMI KO A 15:19

A yɛ to, a bɔ‑a to koe n tɔmɔsi gbau gbau n dɔ, a basan kamaya koe wa n na, n‑na miin ma. A sin, Yataa Nyina‑a gbasaya be n ma koe chɛ n gbɛɛ ma koe a. A sin chia chɛ a mu, Yataa 'a sakana bai chɛndɛ chɛ a si Chasi ma, n‑na a sa wan kan kɔ kan, a ka Chuusaɛn duu ɔ, a ta Idiikɔn chɛnyɛ ɔ.

GBOO DOMI KO A 8:35

Ko ɔ ko ee nɔ, min mbe a ma, mmɔ ko sɔɔ ni bɔ Chasi ɔ. Ko yawaenɛ ee kun chɛ ma‑a, yakɔɔtawa ee a ma, mɔɛ n mbe ko ma gbaaenɛ min sa mmɔ ma, a nan fan mbe ee a ma. A yɛ to, kɔnkɔ ee a ma, mmɔ yɔn koe ee a ma, ko yama ma chiandenɛ ee a ma, saya wɛɛ ee kun a ma‑a, mmɔ ko sɔɔ ni bɔ Chisɔsi ɔ.

GBOO SAA KƆYINDI KO A 15:30

Nn ta nan gbu, ni kɔɔ sɔ ee nɔ, a ka saya ɔ, mbɛ nn mbe ka nn fɔɛ ma tachɛ‑a gbama gbama an ko a.

GBOO SAA KƆYINDI KO A 15:32

N‑na butuinɛ chɛ wan, Ɛfisɔsi duu ɔ, nn fea nyima soe a. N nii ma chɛ ma ni dechee, mɔgbuya ɔ koe an ko a. Chɛɛ tɔnɔnɛ kan kɔ kan mbe ee bɔ‑a chɛ ɔ, ni faa mɔɛ ee a kɔɔ sɔ, a ka saya ɔ. Mbɛ ɛ ma‑a wan dechee, yɔ an mbe a fɔ buɛ min dɔ, an dɔ, “Mmɔ ni daunɛ chɛ, mbɛ mmɔ‑a mmɔ min,” an dɔ, “koe min na mu, saya ɛ na tena wan sinan bɛɛ.”

GBOO FEAN BƆƐ KƆYINDI KO A 11:32

N ni kɛn Damasikɔsi, duu mansa min ni nɔ Mansa Ayetasi kɔɔ, a‑a mɔɛ n sɔ wan chia kunɛ gbɛɛ a, duu wa chɛ a tindanɛ. A ɔ, an ni n bia.

Gboo Kadesia Ko A 2:4

Chɛɛ mmɔ suun ma nyɔɛ dɔ nu Chasi ɔ, a wakoe ɛ sa ɔ dechee miin ya kɔɔɛ, chɛɛ a ee an faa ɔ, an toen ni chɛ an na. A sin, an na‑a wan nn tɛ ɔ yɛdɛn, min mbe a ma, an ni nn na tɛ. An ni a ɔ gbɛ, Chisɔsi‑a mmɔ bɔ buɛ min dɔ sawa chɛ boo ɔ, mbɛ an‑na a ma to, mmɔ yɛ‑a an yɔncha ɔ.