GBOO FEAN BƆƐ KƆYINDI KO A 11:25 - Yataa 'a Dɔbɛnɛ Nama

²⁵ Si tena sawa gbɛ, Domi mɔɛ n ni n gbasi kɔnɛ an na. Mɔɛ n‑na n ma bon bon gba dɔndɔ, senɛ a, n fa koe a. Gba sawa gbɛ, dɛndɛ wɛɛ ɛ gban‑da n na, yii a. A sin, n ni wan yii a su ɔ tee a, tima dɔndɔ ko a.

GBOO FEAN BƆƐ KƆYINDI KO A 11:25 ပူးပေါင်းရင်းမြစ်များ

MATIU 20:19

mbɛ an‑na n be mɔɛ chɛ n ma, miin ma Chu mɔ n na. An mbe n ma yɛn‑da wan, an ni n bosa, mbɛ an‑na n gbangban kɔn gbengbandenɛ ma, n mbe fa‑a kaina. Chɛɛ tee fea, a sawan bɔɛ, Yataa ɛ a ma‑a wan, n ni n kɔɔ sɔ a ka saya ɔ.”

MATIU 21:35

Chɛɛ yadi kun ma fɛn mɔɛ chɛ n chɛ‑a wan bɔi den chɛ n ma. An‑na dɔndɔɛ bia wan, an‑na a gbasi, an‑na dɔndɔɛ fa, mbɛ an‑na dɔndɔɛ ma bon bon, a fa koe a.

CHISƆSI 'A SƆ MƆƐ NU 14:19

Chɛɛ Chu dɔ n ka‑a wan Andiɔki duu ɔ, Pisidia chɛnyɛ ɔ, dɔ n bɛɛ ka‑a Ikoniɔn duu ɔ. An‑na a ma wan, mɔ fanka chɛ n yiima mun‑da, an‑na Pɔɔ ma bon bon fan, mbɛ an‑na a konkon, a bɔ duu ɔ. A ni an yii ma, mbɛ a fa‑a.

CHISƆSI 'A SƆ MƆƐ NU 14:5

Mbɛ mɔɛ dɔ nu, miin nii ma ka Chu mɔ a, an bɛ Chu mɔɛ dɔ n na, an‑na a siman fan, maumaya koe sɛ koe a an ma, an ni an ma bon bon senɛ a, aan an ni fa.

CHISƆSI 'A SƆ MƆƐ NU 16:33

A tima dɔndɔ gbe chɛ kɔɔ yɛɛ chɛ ma, pimbi chen kun ma fɛn mɔɛ chɛ‑a an ya wan, mbɛ a‑a an ma gba tena n na ko fo. A sin, a ya kɔɔɛ a, Pɔɔ an fea Sidasi a, an‑na yii chɛ wan a kunɛ ɔ, Yataa chia a, a basan a 'a chen 'na mɔɛ n gbɛɛ a.

CHISƆSI 'A SƆ MƆƐ NU 16:37

Chɛɛ Pɔɔ‑a a fɔ wan an ye, a ɔ, “Nn ma ko kan kɔ kan yɔn ni, chɛɛ chɛ gbɛɛ ɔ, an‑na nn gbasi fanka ɔ den. Min gbu sin mu ka Domi mɔɛ tiki tiki mu nn na. Mbɛ an yɛ‑a to, an‑na nn na dɛ pimbi chenɛ a. Mbɛ sanche gbɛ an toen mu, an ni nn na bɔ pimbi chenɛ a, nun dɔ. Chɛ ee ma. Ɛ nyan fan, Domi mansa chɛ n fandi gbu, an ni na nn na bɔ.”

CHISƆSI 'A SƆ MƆƐ NU 22:24

Mbɛ Domi mɔɛ soya n kun ti chɛ, a‑a a fɔ a 'a mɔɛ n ye, a ɔ, an ni ta Pɔɔ a baachi ɔ. A‑a a fɔ wan to an ye, a ɔ, an ni a gbasi pien bosa a, mbɛ an yɛ‑a, an‑na a ɔ tisa, ni fen‑na a ma, mɔɛ n mbe yee bonda chɛ tɛ tena ka a ma.

1 TIMOTI 1:19

Danaya Chisɔsi Chasi ko a, a fea yiima a koenɛ a, a bia i boo fea a. Mɔɛ dɔ n mbe sɛmbɛ wan dan koe a Chasi a, koe min na mu, an mbe koe ma an yiima ma dɔn ni, min ma koe a.

GBOO IBU MƆƐ N KO A 11:37

An‑na an ma bon bon fan, an fa koe a, an‑na dɔ n tɛka fea a, mbɛ dɔ n sin, an‑na an fa chɛɛ chɛ mɛ a. An ni ben ben fan, an ma chiienɛ ɛ sa gboo a, chɛ ma, ba gboo. An yɔnden ni, an mbe ko ma gbaaenɛ sa‑a an ma, an mbe an bia yama yama.