Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




GBOO FEAN BƆƐ KƆYINDI KO A 11:23 - Yataa 'a Dɔbɛnɛ Nama

23 Ni wai chɛ mɔɛ mu an na, Chasi ko a, n mbe wɛɛ ka koɔ‑a yɔ woo mɔɛ, chɛɛ an wai chɛ mɔɛ chɛndɛ gbu mu n na, a ben an ma. N‑na wai chɛ, a ben an ma, n ta‑a pimbi chenɛ a, a ben an ma. N‑na gbasi min sin dɔ yen, dan mbe ee a ma. Tima sɛsɛ ko a, n ni ma wan saya baima, a ben an ma.

အခန်းကိုကြည့်ပါ။ ကော်ပီ




GBOO FEAN BƆƐ KƆYINDI KO A 11:23
43 ပူးပေါင်းရင်းမြစ်များ  

Chɛɛ Chu dɔ n ka‑a wan Andiɔki duu ɔ, Pisidia chɛnyɛ ɔ, dɔ n bɛɛ ka‑a Ikoniɔn duu ɔ. An‑na a ma wan, mɔ fanka chɛ n yiima mun‑da, an‑na Pɔɔ ma bon bon fan, mbɛ an‑na a konkon, a bɔ duu ɔ. A ni an yii ma, mbɛ a fa‑a.


Mɔɔ dechee Yataa Nyina ɛ min fɔ tena n ye, duu kan kɔ kan dɔ, n mbe ta min dɔ. Mbɛ tɔɔya sɛsɛ, a basan pimbi chenɛ a sa a, ɛ wan n ya ɔ.


Akabɔsi chɛ na‑a wan nn tena, mbɛ a‑a Pɔɔ 'a bu tɛ chii yuu ya, a‑a a wandi chenɛ ɔ chii, a basan a boo a. Mbɛ a‑a a fɔ, a ɔ, “Yataa Nyina ɔ te, a ɔ, mɔɛ min ta mu bu tɛ chii yuu chɛ a, Chu mɔɛ n mbe a chii‑a ka wan Chuusaɛn duu ɔ. A ɔ, an sin mbe a be‑a wan mɔɛ chɛ n ma, miin ma Chu mɔ a.”


An‑na tee kuunden ya kɛn nɔ, Kɔfana Fesɔsi‑a Pɔɔ wakoe ɔ yian fan mansa chɛ a. A ɔ te, “Kaminɛ ɛ wan nɛ, Kɔfana Fedisi‑a min to pimbi chenɛ a.


A tima che‑a, dɔbɛnɛ chɛ‑a wan nn si koe a dɛndɛ ɔ, a ta Itadi chɛnyɛ ɔ. An‑na Pɔɔ be wan, a basan pimbi chenɛ a sa mɔɛ dɔ mende n na, Chudiɔsi dɔndɔ ma. Chudiɔsi chɛ, a ni soya gbakoo an na, soya chɛmɛ dɔndɔ ko a, an ni miin chee, an dɔ, Domi Kun Ti Wa Soya nu.


A sin, nn che‑a kɛn Domi duu ɔ, an‑na a ma wan, Pɔɔ ma‑a a kun ma chenɛ a. Chɛɛ soya mɔɛ ya gba ni wan a fɛ.


San fea ko a, Pɔɔ ni wan nɔ Domi duu ɔ, an chen chɛ a, a wandi kun ma a a. A sin, a ni a boo si wan mɔɛ gbɛɛ kɔɔ, miin ni na a tena.


A sin, n mbe a ɔ yian‑da wan a a gbɛ, a wɛɛ, ɛ mɔnɛ min nyɔn sima ɔ bia‑a n ko a.”


Yɔ Yataa 'a gboo‑a a fɔ buɛ min dɔ, a ɔ, “I wan Yataa ko a, nn mbe wan saya ma chianɛ kɔɔ tee ɔ tee a, nn mbe wan gbɛ dechee yɔ sa miin mbe sɔ ɔ yuu a, fa koe a.”


Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.


Chɛɛ n fan Pɔɔ, n ma mɔ a, Apɔdɔsi wɛɛ ma mɔ ɔ mɔ a. Min sin sien mu nn ma, Yataa 'a yɔnɛ gbama mu nn na, miin‑na a ma, wo dan‑da Chisɔsi Chasi a. Mansa Yataa‑a nn sɔ wai chɛ‑a buɛ min dɔ, nn‑na a chɛ ka wan.


Chɛ ko a, wo nn ya, mbɛ bɔi denɛ mu nn na, Chasi ko a. Nn‑na ko sɛsɛ ɔ sɔn fan, a si Yataa ma, mɔ dɔ gbɛɛ ma min dɔ sɔn. Nn sin fan yaen mu, a ɔ yian koe a mɔɛ n na.


A sɔ sanche ma, nn mbe ee daun chɛ tima dɔ a, nn sin kanɛ a ɛ gbaa wan. Nn ma chiienɛ ɛ koa taa an na, nn mbe ee si kaina dɔndɔ, nn sin mbe gbasi ɔ yen ka wan.


Chɛɛ n ta yiinachii ɔ, mansa ma nn na. Nn fan, Chasi 'a sɔ mɔɛ chɛ nu, nn maen fan mu yɔ mɔɛ nu, Yataa‑a miin ma yii, ma yii dankama a. Nn mbe wan yɔ mɔɛ nu, ya ɔ sɔɛ n mbe ta miin na, an mbe an fa mɔɛ gbɛɛ ya kɔɔ. Ɛ ka wan, koe min na mu, mɔɛ gbɛɛ ya an mbe nn na. Mɔ gbu n bɛ maeka n na, an ya an mbe nn na, kɔ an ni a ɔ yen, koe min mbe ma‑a nn na.


Wo ya ɛ dechee fen chɛ n fan na, miin mbe wo ya kɔɔ. Ni mɔɛ ɛ wan nɔ wo tɛ ɔ, min danden mu a a, ɛ Chasi an ko a, chɛ wɛɛ ni ma a yii ma. Mbɛ Chasi ɛ buɛ min dɔ a mɔɛ chɛ ko a, nn bɛɛ, ɛ ka wan nn ko a.


Chɛɛ n ta yiinachii ɔ, n ma dan ni a a, mbɛ mɔɛ chɛ n benden fan mu n ma ɛnden bɛɛ a, wo e mɔɛ miin ya ka Chisɔsi 'a sɔ mɔ wa an na.


An‑na a ma nn ma‑a wai chɛ mɔɛ chɛndɛ n na, Yataa 'a dɔbɛn nama chɛ ko a. Dɔbɛn nama chɛ sin, sawa ma min nyɛnden mu, chɛɛ Yataa Nyina mu. Sawa min nyɛnden mu, ɛ na saya an na, chɛɛ Yataa Nyina ta na, ɛ na fɔɛ an na.


Nn 'na fɔɛ gbɛɛ ɔ, saya ɛ wan tun ben‑da nn na san‑da, Chisɔsi wakoe a. Chɛ ni a ma, a ni fɔɛ min nyɔn sima ɔ, a ni yen nn gboo chɛ ɔ.


Mɔɛ dɔ n sin dɔ, mɔ ɔ mɔ ma nn sɔn. Chɛɛ chɛ gbɛɛ ɔ, mɔɛ n‑na nn sɔn fan. Saya ɛ ben‑da nn san‑da, chɛɛ yɔ wo‑a a ɔ yen buɛ min dɔ, nn mbe wɛ tun fɔɛ ɔ. An mbe nn tɔɔya tena wɛɛ boo ɔ boo, chɛɛ nn ma fa ni.


A ka gbɛ sanche ma, aan a ta, mɔ ɔ mɔ ma n ya kɔɔ tawa. Koe min na mu, paa, an mbe n gboo ma, min mbe a ɔ yian, mbɛ Chisɔsi 'a yɔnɛ mu n na.


Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.


Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.


Koe min na mu, bai chɛ an ko a mu ka, n mbe sa ɔ pimbi chenɛ a. Wo samunɛ chɛ n ko a, min mbe a ma, n ni koɔ mɔɛ gbɛɛ tena, faagbɛa ɔ, yɔ a nyin n ni koɔ buɛ min dɔ.


Chɛ‑a a ma gbɛ, mɔɛ gbɛɛ, an‑na a ɔ sɔn, mbɛ n mbe sa ɔ pimbi chenɛ min na, Chasi an fɛ mu. Soya chɛ n gbɛɛ nɛ, miin mbe Domi kun ti wa 'a kata kun ma fɛn, an‑na chɛ ɔ sɔn fan, a basan mɔ sɛsɛ dɔ gbɛɛ n bɛɛ a nɛ.


Wo e wo wandi be tena wan yɔ yasi, wai chɛ koe a Chasi ko a. Koe min na mu, wo‑a wo kai fa a a. N bu ɔ di, n sin mbe buɔdia bɔ‑a wan wo gbɛɛ a, an ni a ma wɛɛ, n wii ni bɔn, yɔ an mbe gbɛ bɔ buɛ min dɔ yasi a.


Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.


N mbe wai chɛ tena n sɔɛ gbɛɛ a, chɛ an ko a. Chasi wan sin‑na an gbasaya wa chɛ chɛ n dɔ.


Mbɛ Timoti sin, nn‑na a sɔ wo tena. Mmɔ suun ma nyɔɛ chɛ, nn bɛ ɛ wai chɛ tena min na Yataa ko a, sakana bai chɛndɛ sa koe a, a si Chasi ma. Nn‑na a ta wo tena, a ni a ma, wo ɔ ni gbɛa, wo ni wo kai fa Chisɔsi a gbau gbau.


Ni i gboo ɔ ma fa ni dasi chɛ be koe a suun ma nyɔɛ n ma, ni i‑a Chisian danaya ɔ bai sa i faa ɔ, a basan kan chɛndɛ a, i bea‑a min fɛ chɛ gbɛɛ ɔ, e ma‑a wan wai chɛ mɔɛ chɛndɛ a Chisɔsi Chasi ko a.


Mansa Chisɔsi ni chinchin Wɔnesifɔyɔsi 'a chenɛ ma, koe min na mu, a ni buɔdia be wan n ma tima sɛsɛ ko a. A ma mau ni n ma, n 'na pimbi chen na sa ko a.


Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.


Sakana bai chɛndɛ chɛ an fɛ mu n mbe tɔɔ tena ka, n chenɛ ɔ chiienɛ ɛ yɔ sawa yɔn mɔɛ. Chɛɛ Yataa 'a bai chen dɔ ma chii ni.


I‑a a ɔ sɔn fan, an‑na ko yawaenɛ min si n na, ni tɔɔya gbɛɛ n‑na miin dɔ bia. I‑a a ɔ sɔn fan, fen ko si‑a n na kɛn n ni Andiɔki duu ɔ, ni Ikoniɔn duu ɔ, a basan Diisa duu ɔ a, n tɔɔ‑a buɛ min dɔ duu chɛ n dɔ. Chɛɛ Mansa Chisɔsi‑a n kun bɔ wan an gbɛɛ ɔ.


Chɛɛ i 'a koadia n faa ɔ, a‑a a ma, n mbe i disa tena wan gbɛ. N fan Pɔɔ, n mbe chɛ ma tena wan, chenan kai mu wɛɛ n na, a sin, n mbe to sa ɔ pimbi chenɛ a Chisɔsi Chasi ko a.


Wo chinchin‑da chɛ n ma, miin ni sa ɔ pimbi chenɛ a. A yɛ to, an‑na wo boo fenɛ n bɔ kɛn wo boo ɔ gbasaya a, wo faa nii ma yɔn ni ɛnden bɛɛ a. Koe min na mu, wo na‑a a ɔ sɔn fan, fenɛ ɛ wan wo ko a, min benden mu an ma, fenɛ min mbe ma‑a kuɔ fɔ ko a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ