GBOO FEAN BƆƐ KƆYINDI KO A 11:20 - Yataa 'a Dɔbɛnɛ Nama

²⁰ Wo gbu sin mbe wo faa bia wan, mɔɛ ni wo yɔn bia wɛɛ chɛ. Chɛ ma, mɔɛ ni wo boo fenɛ daun, chɛ ma, a ni wo chii, chɛ ma, a ni a yombo sɔ a ma, chɛ ma, a ni wo ya a gbasi.

GBOO FEAN BƆƐ KƆYINDI KO A 11:20 ပူးပေါင်းရင်းမြစ်များ

MAKI 12:40

An mbe fuinya musu n boo fenɛ n gbɛɛ daun fan, kafaya ɔ. An gba yama chɛ ma nun koe a, an mbe samun dɔ yansama an chɛ. Chɛ ko a, Yataa wɛɛ ɛ an tɔɔya‑a wan, a ni ben mɔɛ tɔɛ n gbɛɛ ma.”

DUKU 6:29

Ni mɔ ɔ mɔ‑a wo gban fɛ dɔndɔɛ gbasi, wo dɔndɔɛ wɛɛ a mun, a ni a wɛɛ gbasi. Ni mɔ ɔ mɔ‑a wo 'a doma kun ma doma ya, wo a kɔɔ nɛnɛ wɛɛ be a ma.

GBOO SAA KƆYINDI KO A 4:11

A sɔ sanche ma, nn mbe ee daun chɛ tima dɔ a, nn sin kanɛ a ɛ gbaa wan. Nn ma chiienɛ ɛ koa taa an na, nn mbe ee si kaina dɔndɔ, nn sin mbe gbasi ɔ yen ka wan.

GBOO FEAN BƆƐ KƆYINDI KO A 1:24

Nn mbe ee a din tena wo ma fɔsɛɛ a, wo e dan koe min na. Nn‑na a ɔ sɔn fan, wo kai faen fan mu Chisɔsi a gban. Nn mbe a ma tena, tee ɔ tee a, mmɔ bɛ ɛ wai chɛ tena, wo 'a buɔdia ko a.

GBOO FEAN BƆƐ KƆYINDI KO A 10:5

Kɔɔsa bia gbɛɛ, nn mbe a yɔn fan. Nn ni yɛ, dɔpandaya min mbe mɔɛ n dɔ, min mbe an ka‑a tena Yataa sɔn‑da, nn ni a yɔn. Yiima kan kɔ kan ni ma nn boo ɔ bia ɔ, don koe a Chasi kɔɔ.

GBOO FEAN BƆƐ KƆYINDI KO A 11:3

Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

GBOO FEAN BƆƐ KƆYINDI KO A 12:16

Chɛɛ wo dɔ nu, wo dɔnden fan mu a ma, mbɛ n ma n 'na suun feanka si ni wo kun ma. Chɛɛ chɛ gbɛɛ ɔ, ɛ wo 'a yiinachii ɔ, mbɛ yaa tɔɛ mu n na, a sin n na‑a wo boo bia wan yii kɔɔ.

Gboo Kadesia Ko A 2:4

Chɛɛ mmɔ suun ma nyɔɛ dɔ nu Chasi ɔ, a wakoe ɛ sa ɔ dechee miin ya kɔɔɛ, chɛɛ a ee an faa ɔ, an toen ni chɛ an na. A sin, an na‑a wan nn tɛ ɔ yɛdɛn, min mbe a ma, an ni nn na tɛ. An ni a ɔ gbɛ, Chisɔsi‑a mmɔ bɔ buɛ min dɔ sawa chɛ boo ɔ, mbɛ an‑na a ma to, mmɔ yɛ‑a an yɔncha ɔ.

Gboo Kadesia Ko A 4:25

Aka chɛ mu gbɛ kɔnkɔɛ chɛ an na, min tɔ mu Saina, Adebia chɛnyɛ ɔ. A sin, a sɔen mu duu wa chɛ an ko a sanche, min mu Chuusaɛn na. Koe min na mu, nɔ ɛ yɔncha an dɔ, a basan a ɔ mɔɛ n na.

Gboo Kadesia Ko A 4:3

A chia dɔndɔ gbe chɛ a, mmɔ wɛɛ, mmɔ ni wan denmɛsɛya ɔ. A sin, yɔnɛ ni mmɔ a, nyina yama n 'na gbasaya kɔɔ dunya chɛ ɔ.

Gboo Kadesia Ko A 4:9

Chɛɛ sanche chɛ ɔ, wo‑a Yataa sɔn gbɛ. Chɛɛ tea gbu ko a, Yataa an‑na wo sɔn. Tea gbu ko a, a ee che ma‑a wo 'a yiinachii ɔ, wo ni mun to, wo ni bea nyina yama chɛ n fɛ, fanka ee ka miin na, a sin, an mbe ben‑da fen fuinɛ a. Wo e chɛ ma wan? A ee ma to wo 'a yiinachii ɔ ɛnden bɛɛ a, wo ma koe a to, an 'na yɔnɛ n na.

Gboo Kadesia Ko A 5:1

Ni yɔncha tana mu, Chasi‑a mmɔ bɔ a ɔ. Chɛ an fɛ mu, mmɔ sɔ chidi, a ko a. Wo butuin chɛ, min mbe a ma, wo ma na don to an yɔncha fanka ma chɛ kɔɔ.

Gboo Kadesia Ko A 5:10

N yii faen fan mu Mansa Chisɔsi ma, mbɛ wo ee bea‑a mɔ dɔ mende da a kuiɛ fɛ, chɛɛ wo e bea‑a n ta an fɛ. A sin, mɔɛ min mbe wo tɔɔ‑a, gbɛmbo ɛ wan a ko a. Chɛ ɛ ma‑a wan, a ni ma mɔ ɔ mɔ a.

Gboo Kadesia Ko A 6:12

Mɔ dɔ gbɛɛ ee a din‑da wo ma, wo a kamincha koe a. Mɔɔ dechee mɔɛ chɛ nu, miin toen mu an ni an fandi ɔ yian, mɔ gbu gboo ta chia a. A sin, an mbe chɛ ma‑a dechee chia an na, an mbe ee kun, an ni ko yawaenɛ sa an ma chia min na, Chasi 'a kɔn gbengbandenɛ ko a.

Gboo Fiipai Ko A 3:19

An 'na Yataa mu an 'na dunya ma buɔdia an na. Koe min ma mauen mu, a ma koe a, an mbe yonka tɛ an ma koe a. A sin, an yiima gbɛɛ ɛ dunya ma koe n fan ma. An danka, ɛ ma‑a kasaa an na.

Gboo Saa Tɛsadonika Ko A 2:5

Wo‑a a ɔ sɔn fan chɛndɛ chɛ, mbɛ nn ma na ni wo tena wo bun bai n fan na. Nn mbe ee koɔ, min mbe a ma, nn ni tɔnɔnɛ ma sɔn wo a. Nn sii mu Yataa an na.