GBOO FEAN BƆƐ KƆYINDI KO A 11:2 - Yataa 'a Dɔbɛnɛ Nama

² N faa gbaaen mu kaka wo ko a, yɔ Yataa faa gbaaen mu buɛ min dɔ. Koe min na mu, wo e wan yɔ sɛnama, min ma kai koe ɔ sɔn. N‑na wo yan mɔ dɔndɔ gbe an ko a, min mu Chasi a.

GBOO FEAN BƆƐ KƆYINDI KO A 11:2 ပူးပေါင်းရင်းမြစ်များ

CHƆN 3:29

Sɛnama tana, musu fuu kai an ta mu a a. Chɛɛ an kai chɛ bɔɛ tana, min mbe ta a ya ɔ, dɔbɛn chɛ koe a, a too an ma sɔenɛ ɛ ma dechee. A bu ɔ dia‑a wan, ni a‑a musu fuu kai gbu kuiɛ a min. N ta buɔdia da faen mu ka wan gbɛ.

GBOO DOMI KO A 7:4

N suun ma nyɔɛ nu Chasi ɔ, wo wɛɛ ɛ ka wan. Sawa ta fɛ chia a, a maen fan mu dechee yɔ wo wɛɛ na‑a fa wan. Chasi‑a saya min chɛ, a‑a a ma yɔ wo wɛɛ fa‑a sawa tena. A sin sanche gbɛ, wo e Chasi an ko a, min kɔɔ sɔ‑a saya ɔ. Chɛ ma‑a, min mbe a ma, mmɔ ni gbɔɛ be Yataa ko a.

GBOO SAA KƆYINDI KO A 4:15

Wo kan mɔɛ n ni ma wu sɛsɛ wɛɛ, ni wo ma‑a mɔ dɔndɔɛ a, wo bɛ Chasi a, wo fa ɛ dɔndɔ gbe. Koe min‑na a ma, n ma‑a wo fa a, an nɛ sakana bai chɛndɛ chɛ a, a si Chisɔsi ma, n na‑a min na wo tena.

GBOO FEAN BƆƐ KƆYINDI KO A 4:14

Nn‑na a ɔ sɔn fan, mbɛ Yataa an‑na a ma, Mansa Chisɔsi kɔɔ sɔ‑a a ka saya ɔ. Ɛ a ma‑a wan nn bɛɛ kɔɔ ni sɔ, a ka saya ɔ, nn ni bɔ Chisɔsi gba ɔ. A sin mbe ta‑a wan nn na, a basan wo wɛɛ a, mmɔ ni ma a chen kɔɔ.

Gboo Kadesia Ko A 4:11

N mbe faagbaa an dɔ, mbɛ n tɔɔya‑a wo ko a fuu.

Gboo Fiipai Ko A 1:8

Koe min na mu, n toen mu wo a, yɔ Chisɔsi Chasi 'a koadia ɛ buɛ min dɔ. Yataa wandi an mu n 'na siiya a, ni tea ma chɛ a.

Gboo Kɔdɔsai Ko A 1:28

A wan Chasi chɛ, nn mbe an bakoe ɔ yian mɔ ɔ mɔ a. Nn mbe dasi be tena wan, nn mbe ta‑a mɔɛ gbɛɛ kan‑da nn ta yiimatɛ chia gbɛɛ a. Chɛ ni a ma, nn ni kun a ma‑a, mɔɛ gbɛɛ ni na Yataa chen kɔɔ, an yiima da faenɛ ɛ, a si Chasi ma.

Gboo Saa Tɛsadonika Ko A 2:11

Wo‑a a ɔ sɔn fan, nn‑na wo bia buɛ min dɔ dɔndɔ dɔndɔɛ a, yɔ fa n bɛ denɛ n na.

KO Ɔ NUNDENƐ 14:4

Mɔɛ chɛ n fan nii nɛ, miin nii ma koa dɔndɔ bun ni, an bɛ musu kan kɔ kan na, an nii ma musu koe ɔ sɔn, an ma koenɛ ni fion. Mɔɛ chɛ n fan ni bea sa tɔngbɔɛ chɛ fɛ kan kɔ kan, a ni ta kaina min. Mɔ gbu n gbɛɛ tɛ ɔ, an tana, an‑na kunka ma sɔn fan. An ma‑a wan Yataa 'a mɔɛ saa n na, sa tɔngbɔɛ 'a mɔɛ saa nu, yɔ chin fenɛ saa, min mbe be Yataa ma.