GBOO FEAN BƆƐ KƆYINDI KO A 11:19 - Yataa 'a Dɔbɛnɛ Nama

¹⁹ Wo e wo faa bia wan woo mɔɛ n na, buɔdia a, a yen ko wo wandi gbu yiima tɛen ba mu.

GBOO FEAN BƆƐ KƆYINDI KO A 11:19 ပူးပေါင်းရင်းမြစ်များ

GBOO SAA KƆYINDI KO A 10:15

Yiimatɛ tɔɛ mu wo a, chɛ an fɛ mu, n mbe koɔ tena wo tena. Wo ni bai chɛ tɛnsɛ wo yii ma, n mbe ka min fɔ‑a wo ye.

GBOO SAA KƆYINDI KO A 4:10

Nn tana, mɔɛ n mbe nn ya woo mɔɛ n fan na, wai chɛ koe a Chasi ko a. Chɛɛ wo tana, wo e wo wandi ya yiimatɛ tɔ wa n fan na, koe min na mu, mɔ dɔndɔɛ mu wo a, wo bɛ Chisɔsi Chasi a. Mɔɛ n mbe nn ya, mbɛ gbasaya ee nn boo ɔ, wo sin tana, wo‑a wo wandi ya, mbɛ ɛ wan wo boo ɔ. Wo e baa be wan wo wandi ma, chɛɛ nn tana, mɔ ɔ mɔ ee baa be nn ma.

GBOO SAA KƆYINDI KO A 8:1

Ka n mbe koɔ gbɛ, a si daun fenɛ n ma, mɔɛ ɛ miin bɔ yasi n na, fen chɛ n tena, miin ma Yataa a. Wo‑a gboo nyɛn fan, a si a ma. Mmɔ gbɛɛ, yiimatɛ ɛ wan mmɔ ɔ, yɔ wo e a fɔ buɛ min dɔ. Chɛɛ an yiimatɛ chɛ sima, ɛ mmɔ kunɛ koa dɔpanda an na. Chɛɛ koadia tana, ɛ chen sɔ wan mmɔ kɔɔ.

KO Ɔ NUNDENƐ 2:2

A ɔ, “N‑na ko ɔ ko kan kɔ kan dɔ sɔn fan a si wo ma. N‑na a ɔ sɔn fan, wo‑a min chɛ Ɛfisɔsi chɔchi ɔ. A yɛ to, n‑na a ɔ sɔn fan, wo e fɔɛ min nyɔn sima a tachɛ tena. N‑na a ɔ sɔn fan to, wo e wo faa bia tena buɛ min dɔ Chisian wai ɔ. N danden fan mu a a, mbɛ wo ee che wo boo si‑a mɔ yama n kɔɔ. Chɛɛ mɔɛ chɛ nu, miin mbe an fandi chee n 'na sɔ mɔɛ n na, wo‑a an dɔ siman fan. Mbɛ wo‑a a ɔ yen, mbɛ fania fɔ mɔ gbama mu an na.

KO Ɔ NUNDENƐ 3:17

Koe min na mu, wo e a fɔ wan, wo ɔ, wo nyanden mu, wo ɔ, fen fen mbe wan wo boo ɔ, wo ɔ, fen fen ma gbɔsɔɛ ee wo ma. Chɛɛ wo ma a ɔ sɔn, mbɛ wo ma chinchinden mu, wo yɔnden mu, a ma boo kan kɔ kan mbe ee wo ye, wo fiondenɛ mu, wo ma senɛ ɛ.