GBOO FEAN BƆƐ KƆYINDI KO A 11:15 - Yataa 'a Dɔbɛnɛ Nama

¹⁵ Chɛ an fɛ mu, kɔndɔfii ko ma, ni Sitana 'a wai chɛ mɔɛ n bɛɛ, an‑na an fandi mun tea wai chɛ mɔɛ n na. A dankama a, an mbe pawa min sɔn‑da, a ɛ kan‑da an wai chɛ buɛ an na.

GBOO FEAN BƆƐ KƆYINDI KO A 11:15 ပူးပေါင်းရင်းမြစ်များ

CHISƆSI 'A SƆ MƆƐ NU 13:10

mbɛ a ɔ, “I wan, Sitana 'a denɛ. Ko chɛndɛ kan kɔ kan chɛɛ ma nyɔɛ mu i a. Chɛwɛɛ yama yama gbɛɛ ɛ i ɔ, mɔɛ n bun koe a. A sin, e butuin chɛ tena wan tima ɔ tima, i ni Mansa Yataa 'a tea mun fania a.

GBOO DOMI KO A 2:6

Koe min na mu, an tee chɛ ma, mɔ ɔ mɔ na‑a wai chɛ buɛ min dɔ, Yataa ɛ a ma‑a wan, a ni a tɔnɔnɛ ma sɔn a buɛ ɔ.

GBOO DOMI KO A 3:8

Ni tea mu chɛ a, mbɛ mɔɛ dɔ n mbe a fɔ‑a wan gbɛ, an dɔ, “Mmɔ ko yama ma, min mbe a ma, ko chɛndɛ ni bɔ a ɔ.” Mɔɛ dɔ n‑na kun chɛ an si n kun ma, mbɛ n fan, n‑na chɛ an fɔ chinɛn, mbɛ an‑na n main a ko a. Chɛɛ mɔɛ miin mbe chɛ fɔ tena, an fandi an mbe tɔɔya ɔ fai tena Yataa ma.

GBOO SAA KƆYINDI KO A 9:11

Nn‑na koe n sa wan wo faa ɔ, Yataa Nyina ɛ miin be. Chɛ ko a, kafa ma, ni nn‑na wo ɔ tisa dunya chɛ ɔ tɔnɔnɛ ko a.

GBOO FEAN BƆƐ KƆYINDI KO A 11:13

An mɔɛ chɛ nu, fania mɔɛ nu mu, an fandi ya koe a sɔ mɔɛ n na. Wai chɛ mɔɛ n fan nɛ, miin mbe mɔɛ n bun, an mbe ben an fandi ya‑a mɔɛ n na, miin mu Chasi 'a sɔ mɔɛ n na.

GBOO FEAN BƆƐ KƆYINDI KO A 11:23

Ni wai chɛ mɔɛ mu an na, Chasi ko a, n mbe wɛɛ ka koɔ‑a yɔ woo mɔɛ, chɛɛ an wai chɛ mɔɛ chɛndɛ gbu mu n na, a ben an ma. N‑na wai chɛ, a ben an ma, n ta‑a pimbi chenɛ a, a ben an ma. N‑na gbasi min sin dɔ yen, dan mbe ee a ma. Tima sɛsɛ ko a, n ni ma wan saya baima, a ben an ma.

GBOO FEAN BƆƐ KƆYINDI KO A 3:9

Koe min na mu, sawa chɛ, min mbe a ma kaa ɛ tɛ mmɔ ma, mmɔ ni tɔɔ, ɛ na wan manɛ a. Ni chɛ ɛ ma wan, mbɛ Yataa Nyina ta manɛ tana, ɛ koa‑a wan kaka. Koe min na mu, a wan mbe mɔɛ n ya mɔ tandenɛ n na Yataa chen kɔɔ.

Gboo Ɛfisɔsi Ko A 6:12

Koe min na mu, mmɔ ee butuinɛ chɛ tena mmɔ fian mɔ gbu n fan na, chɛɛ mmɔ ɛ a chɛ tena nyina yama n fan na. An fan mu ya ɔ sɔɛ n na, gbasaya ɛ miin boo ɔ kaina nu, banda a. A sin, an pimbi bundenɛ ɛ dunya chɛ kun ma.

Gboo Fiipai Ko A 3:19

An 'na Yataa mu an 'na dunya ma buɔdia an na. Koe min ma mauen mu, a ma koe a, an mbe yonka tɛ an ma koe a. A sin, an yiima gbɛɛ ɛ dunya ma koe n fan ma. An danka, ɛ ma‑a kasaa an na.

2 PITA 2:3

Fania kan chɛ mɔɛ chɛ n fen ko yaen mu kaka. Chɛ an mbe a ma, an mbe tai n dɔ bɛn bɛn a fɔ koe a wo ye, min mbe na tɔnɔnɛ a an tena. Chɛɛ Yataa wɛn mbe kaa a tɛ tena an bakoe ma, a ni an tɔɔ, a ɔ mɛen mu gbɛ, a ma bɛndenɛ ɛ. A sin mbe an kasaa tena wan, a ee chinɔɛ ɔ ɛnden bɛɛ a.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.

KO Ɔ NUNDENƐ 13:14

A sin, a 'a kamaya koe chɛ n‑na mɔɛ n gbɛɛ bun fan dunya ma, Yataa‑a a too ka a ma ka koe miin ma koe a, soe yama saa chɛ ya kɔɔ. Soe yama fean bɔɛ chɛ‑a a saa chɛ a gbasaya a tachɛ wan, a fɔ koe a mɔɛ n ye, an ni soe yama saa chɛ bɔ nyɔɛ nyan. Mɔɛ ɛ a yen, yɔ an na‑a an soe yama saa chɛ fa wan chɛɛ chɛ mɛ a, mbɛ a yɛ‑a to fɔɛ ɔ.

KO Ɔ NUNDENƐ 13:2

N na‑a soe min yen ka, a bɔen ni kui an na. Chɛɛ a chenɛ ni wan yɔ nyima soe dɔ mende, a nyɛnsenɛ n bɔenɛ a sa n dɔ, a da sin yɔ yaa da. Mbɛ fɔɛ fenɛ ma chianden ba saa chɛ, a‑a a 'a sɔ tena dɔ be soe yama nama chɛ ma, a basan a 'a mansaya gbasaya wa dɔ a dunya ma.

KO Ɔ NUNDENƐ 9:11

Mansa ni wan an kun ma, min ni maeka chɛ a, min ni son chɛ kun ma, sonɛ min danka ee ka. An mbe an maeka chɛ chee Ibu koɛ ɔ, an dɔ, Abadon. Kiisi mɔɛ n sin, an dɔ, Apɔdiyon, yɔ mɔɛ ɛ a fɔ, a ɔ, Fen yɔn fenɛ.