GBOO FEAN BƆƐ KƆYINDI KO A 11:14 - Yataa 'a Dɔbɛnɛ Nama

¹⁴ Chɛɛ tɛnɛ ko ma chɛ nɛnɛ a. Sitana wandi gbu wɛɛ, ɛ kun fan, a ni a wandi ma yɔ maeka, min mbe man taun Yataa 'a manɛ a.

GBOO FEAN BƆƐ KƆYINDI KO A 11:14 ပူးပေါင်းရင်းမြစ်များ

GBOO FEAN BƆƐ KƆYINDI KO A 11:3

Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

GBOO FEAN BƆƐ KƆYINDI KO A 2:11

Chɛ ni a ma, Sitana ma na mmɔ bɔ yaa a. Koe min na mu, mmɔ‑a a ɔ sɔn fan a yiima ɛ buɛ min dɔ.

Gboo Kadesia Ko A 1:8

Chɛɛ an ni a fɔ wɛɛ, nn fan, nn ni sakana bai dɔ mende sa, a si Chisɔsi ma, Yataa ni nn danka kuɔ fɔ ko a. Chɛ ma, maeka gbu wɛɛ, min ka‑a banda bu ɔ, ni a wɛɛ‑a chɛ ma, danka ni ma a ma kuɔ fɔ ko a.

Gboo Ɛfisɔsi Ko A 6:12

Koe min na mu, mmɔ ee butuinɛ chɛ tena mmɔ fian mɔ gbu n fan na, chɛɛ mmɔ ɛ a chɛ tena nyina yama n fan na. An fan mu ya ɔ sɔɛ n na, gbasaya ɛ miin boo ɔ kaina nu, banda a. A sin, an pimbi bundenɛ ɛ dunya chɛ kun ma.

Gboo Kɔdɔsai Ko A 1:12

Nn mbe Yataa wai bɔ tena tima ɔ tima, tɔnɔnɛ chɛ n bɛɛ ma sɔn koe a, a‑a miin be koe fɔ a ta mɔɛ n ma, miin mbe a 'a manɛ kɔɔ. A wan Yataa dɔndɔ gbe, an mbe a gbasaya be wo ma, an ma sɔn koe a.

Gboo Kɔdɔsai Ko A 1:13

A‑a mmɔ bɔ wan ko yama pimbi 'a gbasaya boo ɔ, mbɛ a‑a mmɔ don a faa ma denɛ 'a mansaya kɔɔ yɛdɛn.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.