GBOO FEAN BƆƐ KƆYINDI KO A 11:10 - Yataa 'a Dɔbɛnɛ Nama

¹⁰ Chasi 'a tea, ɛ ka buɛ min dɔ n dɔ, n mbe ka yonka min tɛ‑a, a ɔ ee maun‑da Akaya chɛnyɛ gbɛɛ ɔ.

GBOO FEAN BƆƐ KƆYINDI KO A 11:10 ပူးပေါင်းရင်းမြစ်များ

CHISƆSI 'A SƆ MƆƐ NU 18:12

Chɛɛ an‑na Kadio ma tima min na kɔfana a, Akaya chɛnyɛ kun ma, Chu n‑na kuiɛ a kanɛ chɛ Pɔɔ ma, mbɛ an‑na a bia, an na‑a a a kɔfana chɛ 'a kuti ɔ.

CHISƆSI 'A SƆ MƆƐ NU 18:27

Chɛ gbakɔ, a toen ni kɛn a ni ben Akaya chɛnyɛ ɔ, suun ma nyɔɛ chɛ nu Chasi ɔ, an‑na a faa ma nande wan. Mbɛ an‑na gboo nyɛn an suun ma nyɔɛ chɛ n tena Akaya, an dɔ, an ni an boo si a kɔɔ chɛndɛ chɛ. A che‑a kɛn Akaya, a basan‑da wan mɔɛ chɛ n ma kaka, miin na‑a an kai fa Chisɔsi a, koadia demanɛ 'a gbasaya ɔ, Yataa ɛ min chɛ.

GBOO DOMI KO A 1:9

Yataa an mu n 'na sii a, mbɛ n mbe bai min fɔ tena, tea bai mu. A sin, n mbe wai chɛ tena an ko a n faa gbɛɛ a. Sakana bai chɛ, a si a 'a denɛ ma, n mbe a ɔ yian‑da mɔɛ n na. Yataa‑a a ɔ sɔn fan, mbɛ wo e wan n 'na yiinachii ɔ tima ɔ tima ko a.

GBOO DOMI KO A 16:5

N mbe chɔchi mɔɛ chɛ n bɛɛ kɔndɔn tena, miin mbe bɛn n bɔɛ chɛ n na chenɛ a. N mbe n dia nyɔɛ Ɛpainɛtɔsi kɔndɔn tena. An mu mɔɛ saa saa a Esia chɛnyɛ chɛ ɔ, min‑na a kai fa Chisɔsi Chasi a.

GBOO DOMI KO A 9:1

N mbe ka tea bai an fɔ tena. N mbe ee fania fɔ tena, a mu min na, Chasi an ta mu n na. N 'na yiinachii gbu wɛɛ, an fea Yataa Nyina a, ɛ min 'na gbasaya kɔɔ, an dɔnden fan mu n 'na tea chɛ ma.

GBOO SAA KƆYINDI KO A 16:15

N suun ma nyɔɛ nu Chasi ɔ, sanche chɛ ɔ, wo‑a a koe ɔ sɔn fan, a si Sitɛfanasi ma, ni a 'a chen na mɔɛ nu. An fan pɛn‑na an kai fa Chisɔsi Chasi a, Akaya chɛnyɛ chɛ ɔ. A sin, an‑na an fandi be, wai chɛ koe a, Yataa 'a mɔɛ n ko a. N mbe chɛ ma din wo tena,

GBOO FEAN BƆƐ KƆYINDI KO A 1:1

N fan Pɔɔ, n fan mbe gboo chɛ nyɛn tena, nn fea mmɔ suun ma nyɔɛ a Chasi ɔ, min mu Timoti a. Chisɔsi Chasi 'a sɔ mɔɛ mu n na. Yataa wandi an dɔn‑da, n ma koe a sɔ mɔɛ chɛ a. N mbe a nyɛn tena wo wan tena, wo wɛn mbe Yataa 'a chɔchi ɔ, Kɔyindi duu ɔ, wo bɛ Yataa 'a mɔɛ n gbɛɛ a, miin mbe nɔ Akaya chɛnyɛ tɔɛ gbɛɛ ɔ.

GBOO FEAN BƆƐ KƆYINDI KO A 1:23

Chɛɛ Yataa an mu n 'na sii a, a si bai chɛ ma, n mbe ka min fɔ‑a wo ye. Mbɛ n toen ni, n ni wo to wan nɔ, an na‑a a ma n ma yɛ ni nɔ wo tena Kɔyindi duu ɔ.

GBOO FEAN BƆƐ KƆYINDI KO A 10:15

Chɛ an fɛ mu, nn mbe ee yonka tɛ, mɔ dɔ mende n‑na wai chɛ gba ma, min mbe ee tinɛ chɛ ɔ, Yataa‑a min yian nn na. Chɛɛ nn yii na tɛen mu, mbɛ wo 'a danaya ma ɛ munda‑a buɛ min dɔ, nn bɛɛ, nn mbe wai chenama chɛ‑a ka wan wo tɛ ɔ. A sin, tima ɔ tima ko a, nn mbe ma‑a a tinɛ chɛ an dɔ, Yataa‑a min yian nn na.

GBOO FEAN BƆƐ KƆYINDI KO A 11:12

N sin mbe ka koe min na, n mbe an na tun‑da, a ma koe a. N mbe chɛ ma‑a wan, mɔɛ chɛ n kɔɔ bɔ koe a. Mɔɛ chɛ nu, miin mbe an fandi ya Chasi 'a sɔ mɔɛ n na, an ma chia sɔn, yonka tɛ‑a. An mbe ta‑a a fɔ‑a, an dɔ, nn bɛ an na, nn mbe wai dɔndɔɛ an na.

GBOO FEAN BƆƐ KƆYINDI KO A 11:31

Tando ni be Yataa ma kuɔ fɔ ko a. A wan mu Mansa Chisɔsi Chasi fa a, ni a 'a Yataa. A‑a a ɔ sɔn fan, mbɛ n mbe ka tea an fɔ tena.

GBOO FEAN BƆƐ KƆYINDI KO A 12:19

A ma ma wo yiima chɛ gbɛɛ ɔ, mbɛ nn mbe nn fandi an ma fɔ tena wo tena. Nn mbe ma ka Yataa chen kɔɔ wan, nn mbe ma bai sa‑a, Chasi faa ma a. A sin, nn dia nyɔɛ nu, nn na‑a a gbɛɛ ma, basan koe mu wo ma.

GBOO FEAN BƆƐ KƆYINDI KO A 9:2

N‑na a ɔ sɔn fan, mbɛ wo ma bɛndenɛ mu, basan koe a an ma. N gbu sin, n mbe yonka tɛ wan, a si wo ma mmɔ bɔɛ Chisian chɛ n tena Masidonia chɛnyɛ ɔ. N mbe a fɔ wan an ye, mbɛ an bɔɛ Chisianɛ nu, miin mbe Akaya chɛnyɛ ɔ, an ma bɛndenɛ mu, kɛn banun, demanɛ chɛ koe a. Faa min mbe wo ɔ demanɛ chɛ koe a, a‑a a ma wan, an sɛsɛ faa bɔ‑a gbɛ.

Gboo Kadesia Ko A 1:20

N mbe ka min nyɛn tena, wo tena, tea mu. N mbe ka a fɔ‑a Yataa chen kɔɔ wan.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Saa Tɛsadonika Ko A 2:10

Wo wandi gbu an mu nn 'na sii n na, ni Yataa wɛɛ. Mbɛ tɔmbɛ kan kɔ kan nii nn ma. Nn tanden fan ni, a yɛ to, nn sɔnɛ a koe n ni wo gbɛɛ tena, wo wɛn kai faen mu Chasi a.

Gboo Saa Tɛsadonika Ko A 2:5

Wo‑a a ɔ sɔn fan chɛndɛ chɛ, mbɛ nn ma na ni wo tena wo bun bai n fan na. Nn mbe ee koɔ, min mbe a ma, nn ni tɔnɔnɛ ma sɔn wo a. Nn sii mu Yataa an na.

1 TIMOTI 2:7

Chɛ ko a mu, a‑a n ya sɔ mɔɛ a, sakana bai chɛndɛ ɔ yian koe a. N ni mɔɛ n kan, Chu mɔ ma miin na, dan koe a Chisɔsi a, a basan tea sakana bai chɛndɛ a. N mbe ka tea an fɔ‑a, fania ma chɛ a.