GBOO FEAN BƆƐ KƆYINDI KO A 10:7 - Yataa 'a Dɔbɛnɛ Nama

⁷ Wo ya ɛ dechee fen chɛ n fan na, miin mbe wo ya kɔɔ. Ni mɔɛ ɛ wan nɔ wo tɛ ɔ, min danden mu a a, ɛ Chasi an ko a, chɛ wɛɛ ni ma a yii ma. Mbɛ Chasi ɛ buɛ min dɔ a mɔɛ chɛ ko a, nn bɛɛ, ɛ ka wan nn ko a.

GBOO FEAN BƆƐ KƆYINDI KO A 10:7 ပူးပေါင်းရင်းမြစ်များ

MATIU 23:5

An toen mu an ni an fandi ɔ yian ko ɔ ko ɔ, an mbe min ma. An 'na ma bɛn chɛ buɛ wɛɛ, an ni a ɔ ben fan, a ɔ yian koe a, mbɛ an‑na Yataa sɔn, a ni ben an bɔ n ma.

DUKU 16:15

Mbɛ Chisɔsi ɔ, “Mɔɛ n mu wo a, miin mbe an fandi n ma mɔ chɛndɛ n na an bɔɛ n ya kɔɔ, chɛɛ Yataa‑a wo faa n dɔ sɔn fan. Mɔ gbu n mbe fenɛ min ya fen ma kawaenɛ a, an mu fen ma nyamuienɛ a Yataa tena.

CHƆN 7:24

Wo sɛmbɛ koe n yen koe a dechee, mbɛ wo‑a kaa a tɛ an ma. Chɛɛ wo koe n dɔ gbɛ pɛn, mbɛ tea nu mu, mbɛ wo‑a tea kaa n na tɛ an ma.”

GBOO SAA KƆYINDI KO A 1:12

N mbe min fɔ tena wo ye, an nɛ. Mbɛ wo gbɛɛ, wo da a kuiɛ ee kaina dɔndɔ. Wo dɔ n mbe a fɔ wan, wo ɔ, “Pɔɔ fɛ mɔɛ mu n na.” Mbɛ wo dɔ n‑na a fɔ, wo ɔ, “N mbe Apɔdɔsi an fɛ,” dɔ n dɔ, “Pita,” dɔ n sin dɔ, “Chasi fɛ mɔɛ chɛndɛ mu n na.”

GBOO SAA KƆYINDI KO A 14:37

Ni mɔ ɔ mɔ‑a a wandi ya Yataa 'a gbonka chɛ mɔɛ a, chɛ ma, a ni a wandi ya, mbɛ dua ɛ wan a boo ɔ, Yataa Nyina‑a a min be. An mɔɛ chɛ ni a ɔ sɔn, mbɛ n mbe ka min gbɛɛ nyɛn tena wo tena, mbɛ Mansa Chisɔsi 'a sawa an nɛ.

GBOO SAA KƆYINDI KO A 15:23

Chɛɛ ni a tima che‑a, chɛ ɛ ma‑a dɔndɔ dɔndɔɛ an na. Chasi pɛn mbe a kɔɔ sɔ‑a. Mbɛ ɛ yɛ‑a to tima min na dunya chɛ ɔ, ɛ a ma‑a wan, a ta mɔɛ n bɛɛ ni an kɔɔ sɔ, a ka saya ɔ.

GBOO SAA KƆYINDI KO A 3:23

Wo sin mbe Chisɔsi Chasi an ko a, a wɛɛ sin mbe Yataa ko a.

GBOO SAA KƆYINDI KO A 9:1

Ko ɔ ko boo ee n na, ae? Chisɔsi 'a sɔ mɔɛ mu n na, ae? N‑na a yen fan n ya a pɛnɛnɛ, mmɔ 'a mansa chɛ. A sin, wo ma min chɛ a Chisianɛ n na, a bɔ‑a wai chɛ an dɔ, n‑na min chɛ Mansa Chisɔsi ko a.

GBOO FEAN BƆƐ KƆYINDI KO A 10:1

N fan Pɔɔ, n fan mbe ka wo disa tena. N fɛn mu ka, an dɔ, n ma chimaen mu, n mbe ma wo baima, n sin mbe wo bia wan chinchincha a. An dɔ, chɛɛ ni n ka‑a wo baima, n mbe wo bia wan faaakɔɔɛ a. N mbe wo disa tena, machimaya ɔ, a basan chinchincha a, Chasi ni min yian.

GBOO FEAN BƆƐ KƆYINDI KO A 11:18

Mɔɛ sɛsɛ nu, an mbe yonka tɛ kɛn dunya ma mɔɛ n ta chia an fan na, n bɛɛ, n mbe yonka tɛ‑a wan.

GBOO FEAN BƆƐ KƆYINDI KO A 11:23

Ni wai chɛ mɔɛ mu an na, Chasi ko a, n mbe wɛɛ ka koɔ‑a yɔ woo mɔɛ, chɛɛ an wai chɛ mɔɛ chɛndɛ gbu mu n na, a ben an ma. N‑na wai chɛ, a ben an ma, n ta‑a pimbi chenɛ a, a ben an ma. N‑na gbasi min sin dɔ yen, dan mbe ee a ma. Tima sɛsɛ ko a, n ni ma wan saya baima, a ben an ma.

GBOO FEAN BƆƐ KƆYINDI KO A 11:4

Koe min na mu, wo e wo boo a si wan mɔɛ kɔɔ, buɔdia ɔ, min mbe na wo tena, ɛ bai ɔ yian, a si Chisɔsi dɔ mende ma. Chisɔsi chɛ ma, nn‑na sakana bai chɛndɛ ɔ yian, a si min ma. Mbɛ wo‑a wo boo si nyina dɔ mende kɔɔ, min ma Yataa Nyina a. Wo‑a wo boo si to sakana bai dɔ mende kɔɔ, min kaen mu chɛ ma, wo na‑a wo boo si tee min kɔɔ. Wo‑a wo wandi be a ma, ko ɔ wuu ma a.

GBOO FEAN BƆƐ KƆYINDI KO A 12:11

N mbe ka wooya koe n fan ma tena, chɛɛ wo wan‑na a din n ma, a ma koe a. Koe min na mu, a ni nyan fan, wo ni n pɛmbɛ. Ni mɔ a tenden bɛɛ gbu ma n na, chɛɛ mɔɛ chɛ nu, wo e miin chee ka Chasi 'a sɔ mɔɛ wa n na, an ma ben ni n ma chia ɔ chia a.

GBOO FEAN BƆƐ KƆYINDI KO A 13:3

Wo toen mu, wo ni a ɔ sɔn, mbɛ n mbe koɔ tena, Chasi 'a gbasaya an dɔ. Wo sin mbe a ɔ sɔn‑da wan. Ni a ma‑a tachɛ‑a wo a, a ee ma gboo ɔ fa ɔ. Chɛɛ ɛ min ma, ɛ a 'a gbasaya ɔ yian fan wo tɛ ɔ.

GBOO FEAN BƆƐ KƆYINDI KO A 5:12

Wo ma a yen, mbɛ nn mbe nn fandi pɛmbɛ tena wan to wo tena. Chɛɛ nn mbe ka min ma‑a, nn mbe dɔ yian chɛndɛ an chɛ tena wo a, min mbe a ma, wo ni yonka tɛ nn ma. Chɛ ni a ma, wo ni che mɔɛ dɔ n da a kuiɛ yɛman‑da. Mɔɛ dɔ nu, miin mbe yonka tɛ mɔɛ ma buɛ ma a gboo ma, an mbe ee na a tɛ a sɔnɛ ma.

Gboo Kadesia Ko A 3:29

A sin, ni wo e gbɛ Chasi an ko a, mbɛ wo mu gbɛ Ebeami cheeya n fan na. Wo wan yɛ‑a a gbaa a, tooɔdia chɛ ko a.

1 CHƆN 4:6

Chɛɛ nn tana, nn mbe Yataa an ko a. Chia chɛ a mu, mmɔ ɛ tɛ bɔɛ sɔn mɔɛ ma, Yataa Nyina min mbe tea ɔ yian, ɛ min fɛ, an tɛ mɔɛ a, fania fɔ nyina gbama ɛ min fɛ. Mɔ ɔ mɔ min‑na Yataa sɔn, ɛ a too ma sɔ wan nn ma. Chɛɛ mɔɛ min mbe ee Yataa ko a, a mɔɛ chɛ ee a too ma sɔ nn ma.