GBOO FEAN BƆƐ KƆYINDI KO A 10:5 - Yataa 'a Dɔbɛnɛ Nama

⁵ Kɔɔsa bia gbɛɛ, nn mbe a yɔn fan. Nn ni yɛ, dɔpandaya min mbe mɔɛ n dɔ, min mbe an ka‑a tena Yataa sɔn‑da, nn ni a yɔn. Yiima kan kɔ kan ni ma nn boo ɔ bia ɔ, don koe a Chasi kɔɔ.

GBOO FEAN BƆƐ KƆYINDI KO A 10:5 ပူးပေါင်းရင်းမြစ်များ

MATIU 15:19

A mu min na, ko yama gbɛɛ ɛ bɔ mɔ gbu yiima an dɔ. A ni ma mɔ fa koe an na, kanka chɛ ko mu, fania fɔ mu, ni tɔ ɔ tɛ yama chɛ. A yɛ to, a ni ma waa ma basan koe a mɔɛ a, wo ee fuu ɔ min na, ni ko tɛ koe wɛɛ.

DUKU 1:51

Yataa‑a a ɔ yian, mbɛ a gbasayaen mu kaka. A‑a a ma wan dɔ koa tɔɛ n ben‑da bui‑a.

GBOO DOMI KO A 1:21

An‑na a ɔ sɔn fan, mbɛ Yataa ɛ wan nɔ, chɛɛ an mbe ee a tando a chia ma, an sin mbe ee a wai bɔ. An mbe yiinachii miin chɛ, ko ɔ ko ee bɔ an dɔ. Fen kɔ fen mbe ee an 'na yiinachii n dɔ, a mu min na, yiinachii yama n fan mbe an dɔ.

GBOO DOMI KO A 1:5

Yataa‑a a ma wan, Chasi 'a duaya ɔ, nn ma‑a a 'a sɔ mɔɛ a. A‑a chɛ ma, min mbe a ma, nn ni a ma mɔɛ n gbɛɛ dunya ɔ, danaya ni ma an dɔ Yataa ko a, mbɛ an‑na kooya be Chisɔsi ma.

GBOO DOMI KO A 16:26

Chɛɛ sanche gbɛ, Yataa 'a gbonka chɛ mɔɛ chɛ n‑na fenɛ miin nyɛn Yataa 'a gboo ɔ, a‑a a ma wan mɔ sɛsɛ n‑na tea ko ɔ nunden chɛ ɔ sɔn. A sin, mɔɛ gbɛɛ dunya ma, an‑na an ko ɔ nunden chɛ ɔ sɔn gbɛ. Yataa Mansa, min mbe kuɔ fɔ fɔɛ be, an‑na chɛ ma, min mbe a ma, mɔɛ n ni an kai fa a a, mbɛ an‑na kooya be a ma.

GBOO DOMI KO A 7:23

Chɛɛ n‑na a ɔ sɔn gbɛ n faa ɔ, mbɛ n mbe bea tena sawa dɔ gbɛɛ an fɛ. An sawa chɛ, ɛ butuinɛ chɛ tena wan sawa chɛ a, n toen mu min na n yiima ɔ. A‑a n ma yɔnɛ a, sawa chɛ boo ɔ, min mbe n yiima ɔ.

GBOO SAA KƆYINDI KO A 1:19

A nyɛnden fan mu Yataa 'a gboo ɔ, mbɛ Yataa ɔ te, ɛ yiimatɛ tɔɛ chɛ nu, an 'na yiimatɛ ɔ yɔn‑da wan. A sin, an 'na ko sɔnɛ gbɛɛ, a ee a ya a fen kɔ fen na.

GBOO SAA KƆYINDI KO A 3:19

Koe min na mu, dunya chɛ ɔ yiimatɛ, a mu wooya koe an na Yataa tena. A 'a gboo‑a a fɔ wan, a ɔ, “Yataa ɛ yiimatɛ tɔ wa an bia, an 'na yaa wa an fan dɔ.”

GBOO FEAN BƆƐ KƆYINDI KO A 11:20

Wo gbu sin mbe wo faa bia wan, mɔɛ ni wo yɔn bia wɛɛ chɛ. Chɛ ma, mɔɛ ni wo boo fenɛ daun, chɛ ma, a ni wo chii, chɛ ma, a ni a yombo sɔ a ma, chɛ ma, a ni wo ya a gbasi.

GBOO FEAN BƆƐ KƆYINDI KO A 9:13

A sin, wo e wai min chɛ tena ka, ɛ koe min dɔ yian tena, ɛ a ma tena wan, mɔ sɛsɛ ni basɔmaya be Yataa ma. Koe min na mu, wo‑a wo boo si wan sakana bai chɛ kɔɔ, wo e min dɔ yian, a si Chisɔsi ma. A yɛ to, wo 'a wai nyima wɛɛ ko a, wo e min chɛ an na, a basan mɔ dɔ mende n bɛɛ a.

Gboo Fiipai Ko A 4:7

Chɛ an fɛ mu, Yataa ɛ faachima min be, min benden mu mmɔ 'a ko sɔnɛ gbɛɛ ma, ɛ wo faa kun ma fɛn‑da wan, a ni wo yiima wɛɛ kun ma fɛn. Koe min na mu, mɔ dɔndɔɛ mu wo a, wo bɛ Chisɔsi Chasi a.

GBOO FEAN BƆƐ TƐSADONIKA KO A 2:4

Ɛ Yataa ma bɔ‑a wan, a ni fen fen ma bɔ, an mbe miin fai an 'na Yataa a. Ɛ na‑a a wandi a sɛ‑a wan peche peche, a maenɛ ɛ mbɛ a kan nyɔ ee. Chɛ ɛ a ma‑a wan, a ni don Yataa 'a chenɛ a, a ni si nɔ. A ni a wandi yian nɔ mɔ ɔ mɔ a, mbɛ a wan gbu mu Yataa a.

GBOO FEAN BƆƐ TƐSADONIKA KO A 2:8

A tima chɛ a mu, mɔɛ min mbe ee sawa kɔɔ, ɛ yen‑da wan. Chɛɛ ni Mansa Chisɔsi na‑a to, fia min mbe bɔ‑a dechee a da ɔ, an mbe an mɔɛ chɛ fa‑a. Chisɔsi ɛ ma‑a man ba min dɔ, an mbe an mɔɛ chɛ kasaa‑a.

GBOO IBU MƆƐ N KO A 4:12

Koe min na mu, Yataa 'a bai, fɔɛ an mbe a ɔ, a sin gbasa. A ɛ wan dechee yɔ mɛ, min na saen mu kaka. A ɛ kun fan don koe a mɔɛ gboo ɔ chɛndɛ chɛ, a ni che a faa ma. Mbɛ fenɛ min be a ɔ, a yen‑da. Mbɛ mɔɛ chɛ 'a yiinachii, a basan a faa ma koe n na, an dɔ sɔn‑da.

GBOO IBU MƆƐ N KO A 5:9

A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.

1 PITA 1:2

Mmɔ fa Yataa na‑a wo sɔn pɛn chɛndɛ chɛ, mbɛ a‑a a boo sɔ wo ma suun gbɔɔ. A sin, Yataa Nyina wɛɛ‑a a ma wan, wo ma‑a tenchen Yataa ko a. Chɛ sin mbe a ma tena wan, wo e kooya be tena Chisɔsi Chasi ma. A wii min sin bɔ‑a a fa tima a, a‑a wo ko fo. Yataa ni wo dua, a ni faachima ma munda wo ɔ.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.