GBOO FEAN BƆƐ KƆYINDI KO A 10:4 - Yataa 'a Dɔbɛnɛ Nama

⁴ Nn mbe chɛɛ chɛ tena feanka miin na, dunya chɛ ta ma. Chɛɛ nn mbe Yataa 'a gbasaya an ya tena, nn ni kaina n yɔn, Sitana kai fa tena nu.

GBOO FEAN BƆƐ KƆYINDI KO A 10:4 ပူးပေါင်းရင်းမြစ်များ

CHISƆSI 'A SƆ MƆƐ NU 7:22

Mansa 'a den musuma chɛ‑a a ma wan, an‑na Mosisi kan yiimatɛ wa chɛ gbɛɛ a, Ichipi mɔɛ n dɔ. A sin, a kosan‑da wan koɔ‑a kaka, a yɛ to, a chɛ chɛ wai ni nyin.

GBOO DOMI KO A 13:12

Banda ɔ ka tena wan gbɛ, a ɔ ma yansan to tee bɔ‑a. A nyin fan mmɔ ni sɛmbɛ koe chɛ n ma koe a, pimbi ɔ ko yama chɛ nu. Mbɛ mmɔ‑a butuin chɛ feanka chɛ n ya, mmɔ ɛ butuinɛ chɛ‑a miin na tee a den.

GBOO DOMI KO A 6:13

Wo sin gbu ma wo wandi be chia ɔ chia a ko yama ma, wo ma wo boo chɛ ko yama n dɔ. Chɛɛ wo e min ma, wo wo wandi be Yataa ma. Wo a ma yɔ mɔɛ nu, miin‑na fɔɛ ma sɔn, a ka saya ɔ. Wo wo wandi gbɛɛ be a ma, a ma koe a wo ni tea koe n ma.

GBOO SAA KƆYINDI KO A 2:5

Chɛ ni a ma, wo ma wo kai fa mɔ gbu 'a yiimatɛ a. Chɛɛ wo ni wo kai fa Yataa 'a gbasaya an na.

GBOO SAA KƆYINDI KO A 9:7

Soya mɔ kan kɔ kan mbe ee nɔ, min mbe a wandi pawa. Chin fen chin mɔ kan kɔ kan bɛɛ ee nɔ, min mbe a 'a chin fenɛ ya, chɛɛ dɔndɔ wɛɛ ee tu a da a. Ninchi kun ma fɛn mɔ nan fan mbe ee nɔ, min mbe a fɔ, mbɛ a 'a ninchi nɔnɔnɛ ee che a da ma.

GBOO FEAN BƆƐ KƆYINDI KO A 10:8

Koe min na mu, n mbe ee mau, ni n‑na yonka tɛ wɛɛ kaka, a si gbasaya ma, Mansa Chisɔsi‑a min be nn ma, wo kun ma. An gbasaya chɛ, ɛ wo ɔ gbɛa koe an na, wo a bea koe ma bun.

GBOO FEAN BƆƐ KƆYINDI KO A 13:10

Chɛ an fɛ mu, n mbe gboo chɛ nyɛn tena, wo tena, n mbe ee tima min na wo baima. N mbe chɛ ma tena, min mbe a ma, ni n‑na a fo wo ma tima min na, n mbe ee na‑a wo bia‑a faaakɔɔɛ a. N mbe ma‑a gbasaya chɛ a tachɛ‑a, Mansa Chisɔsi‑a min be n ma, wo ɔ gbɛa koe mu, wo yɔn koe ma.

GBOO FEAN BƆƐ KƆYINDI KO A 3:5

Nn fandi gbu, an ma a fɔ ni, mbɛ nn mbe kun fan nn ni wai chɛ chɛ nn ta gbasaya a. Nn 'na gbasaya, ɛ ka Yataa an tena.

GBOO FEAN BƆƐ KƆYINDI KO A 4:7

Chɛ gbɛɛ ɔ, Yataa Nyina 'a tɔnɔnɛ ma kawaenɛ ɛ ka mmɔ wɛn boo ɔ, mmɔ ɛ wan yɔ boo da. Chɛ ɛ a ɔ yian fan, mbɛ gbasaya ɛ Yataa an boo ɔ, mmɔ wan ma.

GBOO FEAN BƆƐ KƆYINDI KO A 6:7

Sakana bai chɛ wɛɛ, nn mbe min sa, Yataa 'a gbasaya an mbe a ɔ. Chɛɛ chɛ fenɛ miin mbe nn boo nyima a, an mbe to nn manɛ a, an mu nn tan buɛ an na, nn tandenɛ min chɛen mu Yataa tena.

Gboo Saa Tɛsadonika Ko A 5:8

Chɛɛ mmɔ tana, tee kɔɔ mɔɛ mu mmɔ a, mmɔ yiima sien fan mu chidi. Mmɔ kai faenɛ ni ma Yataa a, mmɔ ni to mɔ dɔ mende n na. Chɛ ni mmɔ konde gbain, yɔ a 'a chɛɛ chɛ doma an mbe mmɔ ma. Yiinatɛ ni ma mmɔ ɔ, mbɛ bauncha ɛ wan mmɔ ko a. Chɛ ni ma chɛɛ chɛ banfua a mmɔ kun na.

1 TIMOTI 1:18

N 'na den, Timoti, n toen mu n ni chɛ an fɔ i ye a ma koe a. I yii na chii bai chɛ n ma, Yataa 'a gbonka chɛ mɔɛ n na‑a min fɔ tee, a si i ma. An ya i faa a, min mbe a ma, i ni butuinɛ chɛ Chasi ko a, yɔ soya chɛndɛ.

2 TIMOTI 2:3

I ta mɔnɛ ɔ bia, yɔ Chisɔsi Chasi 'a soya chɛndɛ.

GBOO IBU MƆƐ N KO A 11:30

Tima dɔndɔ a, Isɔɛɛ mɔɛ n ni Chɛiko duu wa chɛ a bɛn fan, tee wɔnfea ko a. An na‑a an kai fa wan Yataa a, min na‑a a ma, kanda wa min ni an duu chɛ a tindanɛ, a bɔn‑da wuɔn.