GBOO FEAN BƆƐ KƆYINDI KO A 10:18 - Yataa 'a Dɔbɛnɛ Nama

¹⁸ Koe min na mu, mɔɛ min mbe a wandi tando, ko gbama mu. Chɛɛ mɔɛ chɛ, Mansa Chisɔsi wandi ɛ min bai, an mu tea tando a.

GBOO FEAN BƆƐ KƆYINDI KO A 10:18 ပူးပေါင်းရင်းမြစ်များ

DUKU 16:15

Mbɛ Chisɔsi ɔ, “Mɔɛ n mu wo a, miin mbe an fandi n ma mɔ chɛndɛ n na an bɔɛ n ya kɔɔ, chɛɛ Yataa‑a wo faa n dɔ sɔn fan. Mɔ gbu n mbe fenɛ min ya fen ma kawaenɛ a, an mu fen ma nyamuienɛ a Yataa tena.

CHƆN 12:43

An na‑a chɛ ma, koe min na mu, an toen ni mɔ gbu n ta tando an na, a ni ben Yataa ta ma.

CHISƆSI 'A SƆ MƆƐ NU 2:22

Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

GBOO DOMI KO A 14:18

A sin, mɔ ɔ mɔ min mbe wai chɛ a buɛ chɛ ɔ ka Chisɔsi Chasi ko a, ɛ ma‑a Yataa faa ma koe an na, mɔɛ n bɛɛ bu ɔ dia‑a wan a mɔɛ chɛ ko a.

GBOO DOMI KO A 16:10

N mbe Apɛdesi wɛɛ kɔndɔn tena. A‑a a ɔ yian fan a sɔnɛ ɔ, mbɛ ɛ Chisɔsi an ko a gbu. N mbe mɔɛ chɛ n bɛɛ kɔndɔn tena, miin mbe Ayisɔbudɔsi 'a chenɛ a.

GBOO DOMI KO A 2:29

A ee ka, Chu mɔɛ mu a faa an na, min mbe a bu ɔ. Yataa Nyina an mbe a ma, mɔɛ ni a faa gbɛɛ be Yataa ma, chɛɛ sawa nyɛnden fan mbe ee a ma chɛ ni ma. An mɔɛ chɛ, ɛ a 'a tando sɔn‑da wan Yataa a, ni mɔ gbu ma a tando nin bɛɛ.

GBOO SAA KƆYINDI KO A 11:19

Tɛnɛ ko ma chɛ a n tena. A gbu nyin fan, wo ni ma sɔ ɔ wo nyɔn kanɛ ɔ. Chɛ an mbe a ma‑a, tea ɛ miin boo ɔ, an ma ni gbɛ chɛndɛ chɛ.

GBOO SAA KƆYINDI KO A 4:5

Chɛ an fɛ mu, wo ma a a gbandia, kaa a tɛ koe a mɔ ɔ mɔ ma, tima ya ɔ, Mansa Chisɔsi e na to na‑a. A wan mbe koe n na bɔ‑a ya a ma, miin mbe nun dɔ, ni koe nu miin mbe mmɔ faa ɔ. A sin, tando min nyin, Yataa ɛ a be‑a wan mɔ ɔ mɔ ma, a be koe nyin mɔɛ miin ma.

GBOO FEAN BƆƐ KƆYINDI KO A 10:12

Nn mbe ee nn fandi siman tena mɔɛ n ma, chɛ ma, nn ni nn fandi a kan an na. Mɔɛ nu, miin mbe an fandi bai. A yɛ to, an mbe an yii na chii, mbɛ an fisa a ben an bɔɛ n ma. Chɛɛ an mbe ma ka an fandi simanɛ min chɛ‑a an fandi ma, an mbe an fandi a kan an fandi a, yiimatɛ ee a ɔ.

GBOO FEAN BƆƐ KƆYINDI KO A 13:7

Chɛɛ nn mbe samunɛ chɛ tena, wo ma na ko yama kan kɔ kan ma. Nn mbe ee a ɔ yian tena wan ka, mɔɛ n na, mbɛ nn‑na wai chɛndɛ an chɛ wo tɛ ɔ. Chɛɛ nn toen mu, wo ni koe n ma, miin nyin, a ma koe a. A ni ma wɛɛ, mbɛ nn‑na wai min chɛ, ko ma bɔ ni a ɔ.

GBOO FEAN BƆƐ KƆYINDI KO A 3:1

Nn‑na gboo min nyɛn ka, a ee a ɔ yian tena, mbɛ nn bun‑da ka yonka an tɛ‑a, a si nn fandi ma. Nn mbe ee ka yɔ mɔɛ dɔ nu. Nn ma to ni mɔ ni nn pɛmbɛ gboo chɛ nyɛn koe a wo tena. Nn ma to ni wo wɛɛ, wo ni a nyɛn, a si nn bakoe ma.

GBOO FEAN BƆƐ KƆYINDI KO A 5:12

Wo ma a yen, mbɛ nn mbe nn fandi pɛmbɛ tena wan to wo tena. Chɛɛ nn mbe ka min ma‑a, nn mbe dɔ yian chɛndɛ an chɛ tena wo a, min mbe a ma, wo ni yonka tɛ nn ma. Chɛ ni a ma, wo ni che mɔɛ dɔ n da a kuiɛ yɛman‑da. Mɔɛ dɔ nu, miin mbe yonka tɛ mɔɛ ma buɛ ma a gboo ma, an mbe ee na a tɛ a sɔnɛ ma.

GBOO FEAN BƆƐ KƆYINDI KO A 6:4

Chɛɛ nn mbe min ma, nn 'na wai chɛ buɛ gbɛɛ ɔ, nn mbe nn tachɛ buɛ ma mɛn fan, yɔ Yataa 'a wai chɛ mɔɛ nu. A chia chɛ a, nn mbe nn faa bia wan ko gbɛama n dɔ, yakɔɔtawa n dɔ, a basan ko yawaenɛ n dɔ a.

2 TIMOTI 2:15

Butuin chɛ, min mbe a ma, Yataa faa ni chima i a. I ni ma wai chɛ mɔɛ chɛndɛ a, min mbe ee mau, a wandi gba ma, min mbe Yataa 'a bai kan tena teaya buɛ ɔ.

1 PITA 1:7

Wo e chɛ n dɔ bia koe min na, a ɔ yian koe mu, mbɛ wo kai faen fan mu Chisɔsi Chasi a chɛndɛ chɛ. Ta an mbe a ma, mɔ ni sanu ma kawa koe ɔ sɔn. Sanu min ka, mɔɛ ɛ kun, a ni a yɔn. Kaifa nan gbu sin, wo‑a min chɛ, a sɔnkɔ ee, a benden mu sanu ma. Ko yawaenɛ chɛ nu, an fan mbe a ma, wo ee mun‑da, wo e sɔ‑a wan gban. Wo sin mbe na‑a boo ɔ gbasi ma sɔn‑da wan, wo ni tando ma sɔn, a basan dua a. Chɛ ɛ ma‑a wan an tee chɛ ma, Yataa ɛ Chisɔsi Chasi yian‑da tee min ma.