GBOO FEAN BƆƐ KƆYINDI KO A 10:13 - Yataa 'a Dɔbɛnɛ Nama

¹³ Chɛ gbɛɛ ɔ, nn tana, nn mbe ee yonka tɛ, nn ni a ɔ ben. Nn mbe yonka tɛ dechee, a si wai chɛ an ma, Yataa‑a min be nn ma a chɛ koe a. An wai chɛ sin, a dɔndɔ mu wai chɛ an na, nn mbe min chɛ tena ka wo tɛ ɔ.

GBOO FEAN BƆƐ KƆYINDI KO A 10:13 ပူးပေါင်းရင်းမြစ်များ

MATIU 25:15

Kamin chɛ na‑a a 'a sɛn dɔ kamin chɛ n sɔn fan chɛndɛ chɛ. A‑a kɔpɔ sɛmbɛnden to wan an boo ɔ. A‑a a be dɔndɔ ma kain gbɛnsɛn wu duu, dɔndɔɛ wu fea, a sawan bɔɛ sin, wu dɔndɔ. Mbɛ a ta‑a tachɛ chɛ ɔ.

GBOO DOMI KO A 10:18

Chɛɛ chɛ ɛ ma wan tea a gbau gbau, mbɛ an na‑a sakana bai chɛ a min fan. Yataa 'a gboo ɔ, a nyɛnden fan mu, mbɛ a wan Yataa 'a fenɛ miin gbɛɛ a dan, an‑na sakana bai chɛ fɔ wan. A yɛ to, an da a kuiɛ na‑a a fo wan dunya danka a.

GBOO DOMI KO A 12:3

N‑na a ɔ sɔn fan, Yataa‑a min chɛ n ye, koe min na mu a chinchin‑da wan n ma. Chɛ an fɛ mu, n mbe chɛ fɔ tena wo gbɛɛ ye, mbɛ wo ma wo wandi a sɛ, a ni ben wo e buɛ min dɔ. Chɛɛ wo e min ma, wo tea yiinachii chɛ, a si wo wandi ma. A sin, wo yiinachii chɛ, Yataa‑a min chɛ wo ye, a mu min na, wo‑a wo kai fa a a.

GBOO DOMI KO A 12:6

Chɛ an‑na a fɔ, Yataa‑a koadia demanɛ chɛ mmɔ a. A‑a mmɔ gbɛɛ kɔ wan mmɔ ta chia n na. Mmɔ wɛn, Yataa‑a mmɔ kɔ a 'a bai sa koe a mɔɛ n tena, mmɔ a sa danaya ɔ min nyɔn sima ɛ mmɔ ɔ.

GBOO DOMI KO A 15:20

Tima ɔ tima ko a, n toen mu ko dɔndɔ gbe an ma koe a. An koe chɛ mu Chisɔsi 'a sakana bai chɛndɛ chɛ sa koe an na, kaina kan kɔ kan mɔɛ n tena miin nii ma a min ni tee. Koe min na mu, n ma to ni, mɔ dɔ mende 'a wai min kuu sɔ, n ni an na ban.

GBOO SAA KƆYINDI KO A 12:11

Yataa Nyina dɔndɔ gbe, an mbe a ma koe chɛ n gbɛɛ, an mbe che ma‑a, a ta faa ma a a. Mɔ gbu gbɛɛ, dɔndɔ dɔndɔɛ a, mmɔ ɛ dua chɛ ma sɔn an na.

Gboo Ɛfisɔsi Ko A 4:7

Chɛɛ mmɔ gbɛɛ, Chasi‑a koadia demanɛ chɛ wan mmɔ a, dɔndɔ dɔndɔɛ a, yɔ ɛ mɔɛ n kɔ buɛ min dɔ a faa ma a.

1 PITA 4:10

Wo gbɛɛ, Yataa‑a wo dua wan chia sɛsɛ a, dɔndɔ dɔndɔɛ a. An chia chɛ n sin, basan koe a mu wo nyɔn ma. Chɛ an mbe a ɔ yian‑da, mbɛ Yataa‑a koadia demanɛ min chɛ wo a, wo e tachɛ tena wan a a chɛndɛ chɛ.