GBOO FEAN BƆƐ KƆYINDI KO A 10:1 - Yataa 'a Dɔbɛnɛ Nama

¹ N fan Pɔɔ, n fan mbe ka wo disa tena. N fɛn mu ka, an dɔ, n ma chimaen mu, n mbe ma wo baima, n sin mbe wo bia wan chinchincha a. An dɔ, chɛɛ ni n ka‑a wo baima, n mbe wo bia wan faaakɔɔɛ a. N mbe wo disa tena, machimaya ɔ, a basan chinchincha a, Chasi ni min yian.

GBOO FEAN BƆƐ KƆYINDI KO A 10:1 ပူးပေါင်းရင်းမြစ်များ

MATIU 11:29

Wo kooya be n ma. Wo ni n 'na kanɛ sɔn. N chinchinchaen mu, a yɛ to, n dɔ ma fasi ni. Ni wo puin‑da n chen gba ɔ, wo e suinɛ ma sɔn‑da wan.

MATIU 21:5

“Wo a fɔ mɔɛ n ye Chuusaɛn duu wa chɛ ɔ, wo ɔ, an ni an ya a ta, an 'na mansa yen ko na‑a an tena. Wo ɔ, a ɔ ma panda ni. Wo ɔ, a sin mbe si ɔ sofɛ an kɔ, sofɛ den tɔngbɔɛ kaima.”

CHISƆSI 'A SƆ MƆƐ NU 8:32

A ni ka kaina min kan‑da Yataa 'a gboo chɛ ɔ, an nii nɛ: “An ta‑a wan a a, a fa koe a yɔ sa, A yɛ to, bai ɔ bai ma bɔ ni a da a. yɔ sa tɔngbɔɛ ma maun buɛ, ni an ma‑a a ti tɛ‑a a a.

GBOO DOMI KO A 10:20

Kai Aisaya nan gbu, a na‑a Yataa 'a gbonka chɛ wan faagbɛa wandi gbu a. A ɔ, Yataa na‑a a fɔ wan, a ɔ, mɔɛ miin nii an ya a kan tena Yataa a, a ɔ, an fan‑na a yen. A ɔ, a wan Yataa sin na‑a a wandi yian fan chɛ n na, miin nii a wakoe ɔ tisa tena.

GBOO DOMI KO A 12:1

N bɔ Chisianɛ nu, Yataa 'a chinchincha koo mmɔ tena. Chɛ an fɛ mu, n mbe wo disa tena, min mbe a ma, wo ni wo wandi be a 'a wai ko a. Wo ni ma tenchen an ko a. Wo wo fɔɛ gbɛɛ be a ma, wo ni ma yasi a a ko a, min mbe na faachima a a tena. Chia chɛndɛ gbu sin mu chɛ an na, Yataa fai koe a.

GBOO DOMI KO A 15:15

Chɛɛ gboo chɛ ɔ, n ma ko ɔ ko ɔ nun ni wo ma, a si koe dɔ n ma, wo na‑a miin na min tee. Yataa 'a dua an na‑a a ma, n‑na n faa gbɛa bai chɛ n fɔ koe a.

GBOO SAA KƆYINDI KO A 2:3

Chɛ an‑na a fɔ, mmɔ bɛ ni kɛn, n gboo ɔ nii ma gbɛa nin bɛ. A yɛ to, chianɛ ni wan n dɔ, a basan ma samba a.

GBOO SAA KƆYINDI KO A 4:10

Nn tana, mɔɛ n mbe nn ya woo mɔɛ n fan na, wai chɛ koe a Chasi ko a. Chɛɛ wo tana, wo e wo wandi ya yiimatɛ tɔ wa n fan na, koe min na mu, mɔ dɔndɔɛ mu wo a, wo bɛ Chisɔsi Chasi a. Mɔɛ n mbe nn ya, mbɛ gbasaya ee nn boo ɔ, wo sin tana, wo‑a wo wandi ya, mbɛ ɛ wan wo boo ɔ. Wo e baa be wan wo wandi ma, chɛɛ nn tana, mɔ ɔ mɔ ee baa be nn ma.

GBOO SAA KƆYINDI KO A 4:21

Ni n na‑a tima min na, wo wandi an mbe wo faa ma ya a gbɛ. Ni n mbe sɔnkɔ wan wo ma, n ni wo a tɔɔya. Chɛ ma, ni n mbe koadia an dɔ yian wo a, mbɛ n‑na wo bia chɛndɛ chɛ.

GBOO FEAN BƆƐ KƆYINDI KO A 10:10

Mɔɛ n mbe a fɔ wan, an dɔ, “Pɔɔ ɛ bai miin nyɛn a 'a gboo n dɔ, an kɔɔ fanka wan, dimaya wɛɛ an dɔ. Chɛɛ,” an dɔ, “ni a ma‑a mmɔ tɛ ɔ, a ma chimaen mu, baa wɛɛ ee a da a kuiɛ ma.”

GBOO FEAN BƆƐ KƆYINDI KO A 10:2

N mbe wo disa tena, wo ma a ma, n ni n faa a kɔɔ wo ma, ni n che‑a nɔ wo tena tima min na. Koe min na mu, n‑na a ɔ sɔn fan, mbɛ n mbe che wan n faa sɔ‑a mɔɛ chɛ n ma. Mɔɛ chɛ nu, miin mbe a fɔ, mbɛ nn mbe koe n ma dunya chɛ ɔ yiinachii an na.

GBOO FEAN BƆƐ KƆYINDI KO A 10:7

Wo ya ɛ dechee fen chɛ n fan na, miin mbe wo ya kɔɔ. Ni mɔɛ ɛ wan nɔ wo tɛ ɔ, min danden mu a a, ɛ Chasi an ko a, chɛ wɛɛ ni ma a yii ma. Mbɛ Chasi ɛ buɛ min dɔ a mɔɛ chɛ ko a, nn bɛɛ, ɛ ka wan nn ko a.

GBOO FEAN BƆƐ KƆYINDI KO A 11:21

A ma ɛ che wan mau‑a n ye, n ni dɔn a ma, mbɛ nn dɔ nii ma gbɛ, koe chɛ n ma koe a. Chɛɛ ni mɔ ɔ mɔ faa na‑a gbɛa, tima kan kɔ kan ko a, yonka tɛ koe a, a si ko kan kɔ kan ma, n bɛɛ, n faa ɛ gbɛa wan n ni yonka tɛ an koe chɛ ma. N mbe ka koɔ an na, yɔ woo mɔɛ.

GBOO FEAN BƆƐ KƆYINDI KO A 11:30

Ni n mbe kun fan n ni yonka tɛ, n mbe yonka tɛ‑a, a si koe chɛ n fan ma, miin mbe a ɔ yian, mbɛ gbasaya ee n boo ɔ.

GBOO FEAN BƆƐ KƆYINDI KO A 12:5

Chɛ an fɛ mu, n mbe yonka tɛ‑a wan, a si kamin chɛ ma. Chɛɛ n mbe ee yonka tɛ, a si n fandi ma. N mbe yonka tɛ dechee, a si fen chɛ n fan ma, miin mbe a ɔ yian, mbɛ gbasaya ee n boo ɔ.

GBOO FEAN BƆƐ KƆYINDI KO A 3:12

Chɛ an fɛ mu, yiinatɛ chɛ sima ɛ ka buɛ min dɔ nn dɔ, chian mbe ee nn dɔ.

GBOO FEAN BƆƐ KƆYINDI KO A 5:20

Chɛ ko a, nn yen ko gbɛ nɛ, nn mu Chasi 'a sɔ mɔɛ a. Nn mbe a ɔ yian‑da, a maenɛ mu yɔ Yataa wandi an mbe koɔ tena nn dɔ. Nn mbe wo disa tena, yɔ Chasi wandi an mbe koɔ tena, Yataa ni a ma wo ni mun chɛɛ ma nyɔncha ɔ, wo ni ma a dia nyɔɛ n na.

GBOO FEAN BƆƐ KƆYINDI KO A 6:1

Nn bɛ an mbe wai chɛ tena dɔndɔ a, nn bɛ Yataa wandi a. Chɛ ko a gbɛ, nn mbe wo disa tena, wo wɛn‑na Yataa 'a koadia demanɛ ma sɔn, wo ni a bia wo boo fea a.

GBOO FEAN BƆƐ KƆYINDI KO A 7:4

N yii faen mu wo ma kaka. N mbe yonka min tɛ wo ma, a da a koo. Ko gbɛama chɛ n gbɛɛ ɔ, nn mbe miin dɔ bia tena, buɔdia koo n dɔ, a gbu danka ee.

Gboo Kadesia Ko A 4:13

Wo‑a a ɔ sɔn fan, mbɛ a saa a, gboo ɔ gbandi, an na‑a a ma, n‑na sakana bai chɛndɛ chɛ sa wo tena, a si Chisɔsi ma.

Gboo Kadesia Ko A 5:2

Sanche gbɛ, n fan, Pɔɔ, n mbe chɛ an fɔ tena wo ye. Ni wo dɔn‑da an ni wo a kamincha, Chasi ee na‑a wo deman‑da ɛnden bɛɛ a.

Gboo Ɛfisɔsi Ko A 3:1

Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

Gboo Fiipai Ko A 4:5

Mansa Chisɔsi na tima ɔ ma yansan to. Wo a ma, mɔ ɔ mɔ ni a ɔ sɔn, wo faa chimaen mu buɛ min dɔ.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

GBOO FEAN BƆƐ TƐSADONIKA KO A 3:17

N fandi gbu, n fan Pɔɔ, n fan mbe ka gboo chɛ nyɛn‑da, n ni wo kɔndɔn. N mbe n tɔɛ nyɛn ka wan n 'na gboo nyɛndenɛ n gbɛɛ ɔ. N mbe n 'na gboo n nyɛn ka wan.

FIDEMƆN 1:19

N fan Pɔɔ, n fandi gbu boo gba an nɛ. N fan mbe a be tena, n‑na a ɔ sɔn bɛɛ ka boo ɔ boo, mbɛ n fan ta mu i wandi gbu a.

FIDEMƆN 1:9

Chɛɛ i 'a koadia n faa ɔ, a‑a a ma, n mbe i disa tena wan gbɛ. N fan Pɔɔ, n mbe chɛ ma tena wan, chenan kai mu wɛɛ n na, a sin, n mbe to sa ɔ pimbi chenɛ a Chisɔsi Chasi ko a.

1 PITA 2:11

N dia nyɔɛ nu, sonda mu wo a nɛ dunya chɛ ɔ, mɔ gbama gbama nu. Chɛ an fɛ mu, n mbe wo disa tena, wo ma bea wo gboo faa ma koe n fan fɛ. Tima ɔ tima ko a, an koe chɛ n mbe butuin chɛ an na, wo fo koe a Yataa 'a bauncha a.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.