GBOO FEAN BƆƐ KƆYINDI KO A 1:8 - Yataa 'a Dɔbɛnɛ Nama

⁸ N suun ma nyɔɛ nu Chasi ɔ, nn ma to ni wo ni ma ka, ni nn ma‑a chɛ ɔ yian ni wo a. Ko gbɛama chɛ, nn‑na min dɔ bia Esia chɛnyɛ ɔ, nn ni a ɔ yian wo a. Suunɛ min na‑a si nn kun ma, a ni koo, a ni fanka ka wan to. A na‑a a ma wan, nn yii nii to ma koe a fɔɛ ɔ.

GBOO FEAN BƆƐ KƆYINDI KO A 1:8 ပူးပေါင်းရင်းမြစ်များ

CHISƆSI 'A SƆ MƆƐ NU 16:6

An ta‑a wan aan Fichiya chɛnyɛ gbɛɛ ɔ, a basan Kadesia chɛnyɛ ɔ a. Koe min na mu, Yataa Nyina nii ma dɔn ni, an ni Yataa bai sa Esia chɛnyɛ ɔ.

CHISƆSI 'A SƆ MƆƐ NU 19:41

A ban‑da kɛn bai chɛ fɔ‑a, mbɛ a‑a mɔɛ chɛ n na ta an baa nu.

CHISƆSI 'A SƆ MƆƐ NU 2:9

Mmɔ ka‑a chɛnyɛ sɛsɛ n fan dɔ. Dɔ n ka‑a Patia, dɔ nu Media, dɔ n sin Ɛdan. Dɔ n ka‑a to Mɛsɔpotemia, dɔ nu Chudia, mbɛ dɔ n ka‑a Kapadosia. Dɔ n bɛɛ ka‑a Pɔndɔsi, an fea Esia a.

GBOO DOMI KO A 1:13

N suun ma nyɔɛ nu Chasi ɔ, n toen mu wo ni a ɔ sɔn, mbɛ tima sɛsɛ ko a, mbɛ ɛ ma wan n yii ma tima ɔ tima, n ni na wo kɔndɔn. Chɛɛ koe an‑na a ma, n ma che nin bɛ na‑a wo tena. N toen mu n ni na, min mbe a ma, n ni mɔɛ n ma sɔn wo tɛ ɔ, Domi duu ɔ, miin mbe an kai fa‑a Chisɔsi a. N‑na a ma ka wan kaina sɛsɛ nu mɔɛ n tɛ ɔ, miin ma Chu mɔɛ n na.

GBOO SAA KƆYINDI KO A 15:32

N‑na butuinɛ chɛ wan, Ɛfisɔsi duu ɔ, nn fea nyima soe a. N nii ma chɛ ma ni dechee, mɔgbuya ɔ koe an ko a. Chɛɛ tɔnɔnɛ kan kɔ kan mbe ee bɔ‑a chɛ ɔ, ni faa mɔɛ ee a kɔɔ sɔ, a ka saya ɔ. Mbɛ ɛ ma‑a wan dechee, yɔ an mbe a fɔ buɛ min dɔ, an dɔ, “Mmɔ ni daunɛ chɛ, mbɛ mmɔ‑a mmɔ min,” an dɔ, “koe min na mu, saya ɛ na tena wan sinan bɛɛ.”

GBOO SAA KƆYINDI KO A 16:9

Tima an nɛ n ko a nɛ, Chisian wai kɔkoo tima min na. Wai n fan nɛ, miin nyin an chɛ koe a, n chɛɛ ma nyɔɛ n kɔkoo wɛɛ ka boo ɔ boo.

GBOO SAA KƆYINDI KO A 4:8

Wo tana, ɛ wo yii ma, Chisian fɔɛ chɛ ɔ, mbɛ wo ban‑da gbɛ wo faa ma fenɛ n gbɛɛ ma sɔn‑da. Mbɛ wo ban‑da gbɛ nyan‑da, Yataa chia a. A yɛ to, mbɛ wo ban‑da ma‑a mansa wa n na, nn tana, nn to‑a. Yataa ni a ma, wo ni ma mansa wa n na, min mbe a ma, mmɔ gbɛɛ ni ma an mansaya chɛ ɔ dɔndɔ a.

GBOO FEAN BƆƐ KƆYINDI KO A 1:9

A ni wan gbɛ nn yii ma, mbɛ saya ni gbɛ nn ma chen da a wan. Chɛɛ chɛ ma‑a, min mbe a ma, nn ni sɛmbɛ dan koe a nn fandi 'a gbasaya a. Nn ni nn yii sɔ Yataa ma, a dechee, a wɛn mbe a ma, faa mɔɛ n mbe an kɔɔ sɔ a ka saya ɔ.

GBOO FEAN BƆƐ KƆYINDI KO A 6:9

Mɔɛ dɔ n sin dɔ, mɔ ɔ mɔ ma nn sɔn. Chɛɛ chɛ gbɛɛ ɔ, mɔɛ n‑na nn sɔn fan. Saya ɛ ben‑da nn san‑da, chɛɛ yɔ wo‑a a ɔ yen buɛ min dɔ, nn mbe wɛ tun fɔɛ ɔ. An mbe nn tɔɔya tena wɛɛ boo ɔ boo, chɛɛ nn ma fa ni.