GBOO FEAN BƆƐ KƆYINDI KO A 1:6 - Yataa 'a Dɔbɛnɛ Nama

⁶ Ni nn‑na ko yawaenɛ ɔ bia tima ɔ tima, wo nande koe mu, wo ni bauncha ma sɔn. Ni nn‑na nande ma sɔn, mbɛ wo wɛɛ‑a a ma sɔn. Mbɛ wo‑a fanka ma sɔn, wo faa bia koe a, wo ni ko yawaen chɛ n dɔ bia, nn bɛɛ‑a miin dɔ bia.

GBOO FEAN BƆƐ KƆYINDI KO A 1:6 ပူးပေါင်းရင်းမြစ်များ

CHISƆSI 'A SƆ MƆƐ NU 21:5

Chɛɛ nn 'na tima ban‑da kɛn nɔ duu chɛ ɔ, nn‑na nn saa wan an na, ta koe a. An gbɛɛ, musu nu, kai nu, an bɛ an 'na denɛ n na, an‑na nn ma sɔ wan. Nn che‑a kɛn yii da a, nn gbɛɛ, nn‑na nn kumbai gbangban fan, nn‑na samunɛ chɛ Yataa tena.

GBOO DOMI KO A 8:28

Mmɔ‑a a ɔ sɔn fan, mbɛ ko ɔ ko kan kɔ kan dɔ, mɔɛ miin toen mu Yataa a, a wɛɛ, ɛ wai chɛndɛ n fan chɛ an ko a. An mɔɛ chɛ nu, an fan cheeen mu, a 'a dɔbɛnɛ ta fɛ chia a.

GBOO FEAN BƆƐ KƆYINDI KO A 1:4

Ko gbɛama gbɛɛ ɔ, ɛ nn nande wan. Ɛ chɛ ma, min mbe a ma, nn bɛɛ ni che mɔ dɔ mende nande‑a, miin mbe ko gbɛama dɔ mende n dɔ. Yataa ɛ nn nande buɛ min dɔ, nn bɛɛ ni mɔ dɔ mende bɛɛ nande a buɛ ɔ.

GBOO FEAN BƆƐ KƆYINDI KO A 12:15

Ɛ ma wan buɔdia n ma, n ni n boo fenɛ gbɛɛ be, a basan n fandi gbu wɛɛ a, basan koe a wo ma. N mbe chɛ ma‑a wan, n 'na koadia kun ma ɛ sa‑a wan wo ko a, n ta ma ni dɔɔya wɛɛ wo faa ɔ.

GBOO FEAN BƆƐ KƆYINDI KO A 5:5

Yataa wandi gbu, an‑na a ma, mmɔ ma bɛndenɛ mu koe chɛ a. A sin to, a wan‑na a Nyina be mmɔ ma, a ɔ yian koe a mmɔ a, mbɛ ɛ fen chɛ n gbɛɛ be‑a wan mmɔ ma, miin mbe sa ɔ a boo ɔ mmɔ ko a.

Gboo Ɛfisɔsi Ko A 3:1

Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.

Gboo Ɛfisɔsi Ko A 3:13

Chɛ an fɛ mu, wo dimu, wo faa ma yɔn, a si tɔɔya chɛ ma, n mbe min chɛ tena wo ko a. A gbu sin ni na basɔmaya a wo tena.

Gboo Fiipai Ko A 1:19

Koe min na mu, wo e samunɛ min chɛ n ko a, ɛ a ma‑a wan, n kunɛ ni bɔ a ɔ. A sin to, Chisɔsi Chasi Nyina wɛɛ, ɛ deman chɛ chɛ‑a wan n na.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.