GBOO FEAN BƆƐ KƆYINDI KO A 1:5 - Yataa 'a Dɔbɛnɛ Nama

⁵ Ko gbɛama miin dɔ ɛ bia, Chisɔsi Chasi ko a, a koo kaka. Ɛ ka wan to, yɔ nn mbe nande min ma sɔn, Chisɔsi Chasi a, a wɛɛ koo kaka.

GBOO FEAN BƆƐ KƆYINDI KO A 1:5 ပူးပေါင်းရင်းမြစ်များ

DUKU 2:25

A tima chɛ a, kamin dɔndɔ ni wan Chuusaɛn duu ɔ, min tɔ ni Simiyɔn. Kamin chɛ tanden fan ni Yataa tena. A yɛ to, a Yataa koen ni kaka. A ni gbɛ tima an ma kɔn tena, tima min na, Yataa ɛ di ka‑a Isɔɛɛ mɔɛ n ya a. Yataa Nyina ni wan a fɛ.

CHISƆSI 'A SƆ MƆƐ NU 9:4

A bea‑a wan duu ma, mbɛ a‑a mɔɛ kuiɛ a min, a ɔ, “Sɔɔ, Sɔɔ, fen mu e ko ma gbaaenɛ sa tena ka n ma?”

GBOO DOMI KO A 8:17

Mmɔ mu ka buɛ min dɔ a 'a denɛ n na, a‑a dua miin sa tena ɔ bɛn a 'a mɔɛ n ko a, mmɔ wan ta ɛ ma an na. A na‑a min sa tena ɔ bɛn Chasi wɛɛ ko a, ɛ ma‑a wan to mmɔ ta a. Mmɔ na‑a Chasi 'a tɔɔya ɔ bia wan, mmɔ ɛ a 'a basɔmaya wɛɛ dɔ sɔn‑da wan ya ɔ ma.

Gboo Fiipai Ko A 1:20

A mu min na, ɛ wan n 'na yiinatɛ ɔ, ni n 'na yiinachii, mbɛ n mbe ee na‑a mau‑a ɛnden bɛɛ a. Chɛɛ tima ɔ tima ko a, a bɛbɛɛ sanche, n faa ɛ sɔ‑a wan gban. Chɛ ni a ma, n 'na fɔɛ gbɛɛ ɔ, n ni na basɔmaya a Chisɔsi tena, n ni ma wan fɔɛ chɛ ɔ, chɛ ma, n ni fa wɛɛ.

Gboo Fiipai Ko A 2:1

Tea ko a, mɔ dɔndɔɛ mu wo a Chasi a. Chɛ sin ma‑a wo tena faamanande a. Chasi toen mu wo a, wo sin mbe an buɔdia ɔ. Wo e wan ko dɔndɔɛ ɔ, wo bɛ Yataa Nyina a. A sin, koadia ɛ wan wo faa ɔ, a basan chinchimaya a.

Gboo Fiipai Ko A 3:10

N toen mu, n ni Chisɔsi sɔn, n ni gbasaya chɛ a tisɔn, Yataa‑a min ya, a‑a Chisɔsi kɔɔ sɔ, a ka saya ɔ. N toen mu to, n ni tɔɔya chɛ sima ɔ bia, a‑a min dɔ bia, n ni ma yɔ a wan, a 'a saya ta fɛ chia a.

Gboo Kɔdɔsai Ko A 1:24

Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

2 TIMOTI 3:11

I‑a a ɔ sɔn fan, an‑na ko yawaenɛ min si n na, ni tɔɔya gbɛɛ n‑na miin dɔ bia. I‑a a ɔ sɔn fan, fen ko si‑a n na kɛn n ni Andiɔki duu ɔ, ni Ikoniɔn duu ɔ, a basan Diisa duu ɔ a, n tɔɔ‑a buɛ min dɔ duu chɛ n dɔ. Chɛɛ Mansa Chisɔsi‑a n kun bɔ wan an gbɛɛ ɔ.

1 PITA 4:13

Chɛɛ a ni ma buɔdia a wo tena, mbɛ wo e ko yawaenɛ min dɔ bia tena, Chasi na‑a an sima ɔ bia. Chɛ ɛ ma‑a wan wo ni ma buɔdia da faenɛ ɔ, ɛ yen‑da tima min na gbasaya ɔ, dunya chɛ ɔ.