GBOO FEAN BƆƐ KƆYINDI KO A 1:19 - Yataa 'a Dɔbɛnɛ Nama

¹⁹ Koe min na mu, Yataa 'a denɛ Chisɔsi Chasi, a ee ka. Sidasi ni ma, Timoti, ni n fan, nn na‑a a wakoe ɔ yian fan wo a. A wan Chisɔsi ee dɔn koe ma, mbɛ a ban‑da to a ma. Chɛɛ a ta nan gbu, tima ɔ tima ko a, a dɔndenɛ an mbe ma a ma.

GBOO FEAN BƆƐ KƆYINDI KO A 1:19 ပူးပေါင်းရင်းမြစ်များ

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

MATIU 24:35

Dunya gbɛɛ ɛ ban‑da wan, chɛɛ n da a bai ee ka‑a a gba ɔ kuɔ fɔ ko a.”

MATIU 27:40

an dɔ, “Wua. O, i wɛn‑na a fɔ, i ɔ, e Yataa 'a chenɛ te wan, mbɛ i‑a a sɔ tee sawa tɛ. Ni Yataa 'a denɛ mu i a, puin bɛ kɔn gbengbanden chɛ ma, mbɛ i‑a i wandi kun bɔ saya yuu chɛ ɔ.”

MATIU 27:54

Domi soya gbakoo chɛ, min ni Chisɔsi a tɛ tena, a‑a a ɔ yen min ma‑a. A 'a soya n bɛɛ, an‑na a ɔ yen fan. An‑na a ɔ yen kɛn duu gboo samba‑a, a basan koe chɛ n gbɛɛ a miin ma‑a, chiandia‑a an gboo fa wan. Mbɛ an dɔ, “Kamin chɛ ni Yataa 'a denɛ chɛndɛ chɛndɛ gbu an na.”

MATIU 3:17

Mbɛ a yen ko, kuiɛ a min‑da a ka banda bu ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a chɛndɛ chɛ.”

MATIU 4:3

Mbɛ yiimayan chɛ na‑a a tena, a ɔ, “Ni Yataa 'a denɛ gbu mu i a, a ma wɛ senɛ chɛ n ni mun biidi a.”

MAKI 1:1

Sakana bai chɛndɛ kuu sɔɛ an nɛ, a si Chisɔsi Chasi ma, Yataa 'a denɛ.

DUKU 1:35

Mbɛ maeka chɛ ɔ, “Yataa Nyina an mbe ma‑a i fɛ, mbɛ Yataa Wa 'a gbasaya, a‑a a ma, i‑a bu ya. Chɛ an fɛ mu, e denɛ min suun‑da, ɛ ma‑a tenchen Yataa 'a wai an na. A sin, an mbe a chee‑a wan, an dɔ, Yataa 'a denɛ.

CHƆN 1:34

A ɔ, “N‑na chɛ ɔ yen fan, a ma‑a,” a ɔ, “n sin mbe a fɔ tena gbɛ, mbɛ mɔɛ chɛ mu Yataa 'a denɛ an na.”

CHƆN 1:49

Natanɛɛ ɔ, “Kan mɔ,” a ɔ, “Yataa 'a denɛ chɛndɛ chɛndɛ mu i a,” a ɔ, “Isɔɛɛ mɔɛ n 'na mansa mu i a.”

CHƆN 19:7

Chɛɛ mɔ fanka chɛ ɔ, “Nn 'na sawa ɛ wan nɔ, min‑na a fɔ, mbɛ mɔna chɛ ɛ fa wan. Koe min na mu, a ɔ, Yataa 'a denɛ mu a a.”

CHƆN 20:28

Mbɛ a wan Tɔmɔsi ɔ gbɛ, a ɔ, “I wan mu n 'na mansa a, i wan mu n 'na Yataa a.”

CHƆN 20:31

Chɛɛ miin nyɛndenɛ ɛ ka gboo chɛ ɔ, an nyɛn‑da, min mbe a ma, wo ni wo kai fa Chisɔsi a, mbɛ a wan mu kunka mansa a. A yɛ to, mbɛ Yataa 'a denɛ mu a a, a sin, ni wo‑a wo kai fa a a, wo e kuɔ fɔ fɔɛ ma sɔn‑da wan.

CHƆN 3:16

Yataa na‑a a 'a Den dɔndɔ gbe be wan, a ɔ yian koe a mɔɛ n na dunya ɔ, koadia min nyɔn sima ɛ a faa ɔ, mɔɛ gbɛɛ ko a. Chɛ an fɛ mu, ni mɔ ɔ mɔ‑a a kai fa a 'a Den chɛ a, a ee fa‑a, a ni to saya ɔ, chɛɛ ɛ kuɔ fɔ fɔɛ ma sɔn‑da wan.

CHƆN 6:69

A sin yen ko gbɛ, nn‑na a ɔ sɔn, a sin, nn dan‑da a a, mbɛ i wan mu mɔɛ a tenchen Yataa 'a wai chɛ koe a, a‑a min sɔ.”

CHƆN 8:58

Mbɛ Chisɔsi ɔ, “N mbe chɛ ma din tena wo tena sanche, mbɛ Ebeami e na to ma‑a fɔɛ ɔ, n ni wan gbɛ fɔɛ ɔ.”

CHISƆSI 'A SƆ MƆƐ NU 15:22

Mbɛ Chisɔsi 'a sɔ mɔɛ chɛ nu, ni gbakoo nu, an bɛ chɔchi mɔɛ chɛ n gbɛɛ a, an‑na dɔbɛnɛ chɛ. An boo sɔ koe ma mɔɛ dɔ n ma an tɛ ɔ, an bɛ ni ta Pɔɔ an fea Banabasi a, Andiɔki duu ɔ. An‑na an boo sɔ wan mɔ fea n ma, basɔmaya ni miin ma mɔɛ chɛ n boo ɔ, miin‑na an kai fa ka Chisɔsi a. An mɔ fea chɛ n ni Chudasi an na, min tɔ ni to Basabasi, an fea Sidasi a.

CHISƆSI 'A SƆ MƆƐ NU 16:1

Pɔɔ an fea Sidasi a, an ta‑a pɛn Dabi duu ɔ, mbɛ an ben‑da Diisa duu ɔ chia a. An‑na Chisɔsi fɛ mɔ dɔndɔ tan fan nɔ, min tɔ ni Timoti. A de ni Chu mɔɛ an na, min na‑a a kai fa Chisɔsi a. Chɛɛ a fa ni Kiisi mɔɛ an na.

CHISƆSI 'A SƆ MƆƐ NU 18:5

Sidasi an fea Timoti a, an na‑a kɛn a ka Masidonia chɛnyɛ ɔ, Pɔɔ‑a a 'a tima gbɛɛ be Yataa bai sa koe an na. A ni wan a fɔ tena Chu mɔɛ n ye, Chisɔsi an mu kunka mansa a.

CHISƆSI 'A SƆ MƆƐ NU 8:36

Mbɛ an mbe kɛn ta‑a chia chɛ a, an che‑a wan kaina, yii ni kaina min. Mbɛ Itiopia mɔ chenama chɛ‑a a fɔ Fiipi ye, a ɔ, “Yii yen ko nɛ. Ko ɔ ko ɛ wan nɔ, min mbe i ka‑a to yii chɛ‑a n kunɛ ɔ, Yataa chia a?”

CHISƆSI 'A SƆ MƆƐ NU 9:20

A nii ma tima yayi ni, chɛɛ a ta‑a wan dɔndɔ gbe Chu n 'na samun chɛ chenɛ n na. Mbɛ a bun‑da bai sa‑a, a si Chisɔsi ma, a ɔ, Yataa 'a denɛ an nɛ.

GBOO FEAN BƆƐ KƆYINDI KO A 1:1

N fan Pɔɔ, n fan mbe gboo chɛ nyɛn tena, nn fea mmɔ suun ma nyɔɛ a Chasi ɔ, min mu Timoti a. Chisɔsi Chasi 'a sɔ mɔɛ mu n na. Yataa wandi an dɔn‑da, n ma koe a sɔ mɔɛ chɛ a. N mbe a nyɛn tena wo wan tena, wo wɛn mbe Yataa 'a chɔchi ɔ, Kɔyindi duu ɔ, wo bɛ Yataa 'a mɔɛ n gbɛɛ a, miin mbe nɔ Akaya chɛnyɛ tɔɛ gbɛɛ ɔ.

Gboo Saa Tɛsadonika Ko A 1:1

Nn fan mbe gboo chɛ nyɛn tena, n fan Pɔɔ, Sidasi, ni Timoti. Nn mbe a nyɛn tena wo wan chɔchi mɔɛ chɛ n fan tena pan Tɛsadonika duu ɔ. Wo wɛn mbe kuiɛ dɔndɔya ɔ, wo bɛ mmɔ Fa Yataa a, an fea Mansa Chisɔsi Chasi a. Yataa ni wo dua, a ni faachima be wo ma.

GBOO FEAN BƆƐ TƐSADONIKA KO A 1:1

Nn fan mbe gboo chɛ nyɛn tena, n fan Pɔɔ, Sidasi, ni Timoti. Nn mbe a nyɛn tena wo wan chɔchi mɔɛ chɛ n fan tena, pan Tɛsadonika duu ɔ. Wo wɛn mbe kuiɛ dɔndɔya ɔ, wo bɛ mmɔ Fa Yataa a, an fea Mansa Chisɔsi Chasi a.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

GBOO IBU MƆƐ N KO A 1:11

Tima sin mbe che‑a wan, an gbɛɛ ni kasaa, chɛɛ i tana e ma‑a wan nɔ, kuɔ fɔ ko a. An gbɛɛ, an mbe chenancha‑a wan, yɔ doma kai wa ɛ taa‑a buɛ min dɔ.

GBOO IBU MƆƐ N KO A 13:8

Chisɔsi Chasi ma mun ni a kɔma a, a ee mun bi tee chɛ kɔ, a sin mbe ee mun‑da kuɔ fɔ ko a.

1 PITA 5:12

N mbe ka gboo kunduenɛ min nyɛn‑da wo tena, Sidasi an mbe basan tena n ma. N 'na yiinachii ɔ, suun ma nyɔɛ mu a a, Chasi ɔ, n danden mu min na chɛndɛ chɛ. N toen mu n ni wo faa n ma nande, n ni a ɔ yian to wo a, mbɛ Yataa 'a koadia demanɛ gbu ɛ wan wo ko a. Wo wo boo a chii a ma gban.

2 PITA 1:17

Koe min na mu, nn bɛ ni nɔ kɔnkɔ duaen chɛ ma, tima min na Fa Yataa‑a basɔmaya wa be mansa Chisɔsi ma. A sin, nn‑na kuiɛ chenama wa a min fan, kamaya ɔ, a ka banda bu ɔ Yataa tena. Kuiɛ chɛ ɔ, “N 'na denɛ an nɛ, a ko a di n ye kaka. N faa chimaen mu a ko a.” Nn fandi gbu an‑na kuiɛ chɛ a min, a ka banda bu ɔ.

1 CHƆN 1:3

Nn‑na koe min dɔ yen, nn‑na min na min nn too a, nn mbe ka an dɔ yian‑da wo a. Chɛ ɛ a ma‑a wan, mmɔ ni ma kuiɛ dɔndɔɛ ɔ, yɔ nn mbe buɛ min dɔ kuiɛ dɔndɔya ɔ, nn bɛ mmɔ Fa Yataa a, an fea a 'a denɛ Chisɔsi Chasi a.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

2 CHƆN 1:9

Mɔ ɔ mɔ min ma a too ma sɔ ni kan chɛ ma, Chasi‑a min chɛ, chɛɛ a‑a a ta sa a kun ma, a mɔɛ chɛ ma mɔ dɔndɔ a an fea Yataa a. Mɔ ɔ mɔ min mbe a too ma sɔ‑a kan chɛ ma, Chasi‑a min chɛ, a mɔɛ chɛ ma‑a mɔ dɔndɔɛ a, an fea Fa Yataa a, a basan a 'a denɛ Chisɔsi a.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 1:17

N‑na a yen kɛn, mbɛ n bea‑a a chen kɔɔ susu gbuu yɔ su. Chɛɛ a‑a a boo nyima bun n ma, a ɔ, “Sɛmbɛ chian koe a. N fan mbe a ma fen fen mbe a kuu sɔ, n fan mbe a ma to fen fen mbe danka.”

KO Ɔ NUNDENƐ 1:8

Yataa Mansa‑a a fɔ wan, a ɔ, a wan mbe a ma fen fen mbe a kuu sɔ, a wan mbe a ma to fen fen mbe che a danka a. A ɔ, a wan ni suun, a wan mbe sanche, a ɔ, a sin mbe ma‑a wan nɔ kuɔ fɔ ko a. A ɔ, a 'a gbasaya danka ee ma‑a.

KO Ɔ NUNDENƐ 2:18

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Tiyatiya duu ɔ. A ɔ, “N fan, mɔɛ chɛ, n fɛn mu Yataa 'a denɛ a,” a ɔ, “n fɛn ya ɛ yɔ sanku manɛ, n chenɛ ɛ man‑da taun, yɔ kundu min bɔ‑a faa ta ɔ,” a ɔ, “n 'na sakana an nɛ.”