GBOO FEAN BƆƐ KƆYINDI KO A 1:13 - Yataa 'a Dɔbɛnɛ Nama

^13-14 Nn mbe gboo min nyɛn wo tena dechee, an nɛ gboo a, wo e che min kan‑da, wo e min dɔ gbɛ. Chɛɛ wo‑a nn dɔ gbɛ ka buɛ min dɔ chia dɔ a, ɛ wan n yii ma, mbɛ wo e nn dɔ gbɛ‑a wan chia gbɛɛ a. Chɛ ni a ma, tee chɛ ma, mmɔ 'a mansa Chisɔsi na tee, wo ni yonka tɛ nn ma, yɔ nn bɛɛ a tɛ‑a buɛ min dɔ wo ma.

GBOO FEAN BƆƐ KƆYINDI KO A 1:13 ပူးပေါင်းရင်းမြစ်များ

CHISƆSI 'A SƆ MƆƐ NU 27:39

Banda ɔ ka‑a kɛn, wai chɛ mɔɛ chɛ nu dɛndɛ chɛ ɔ, an‑na yii tinɛ yen fan, chɛɛ an nii ma ko ɔ ko ɔ sɔn, a si an kaina chɛ ma. Chɛɛ an‑na kaina yen fan an yii tin chɛ ɔ, min ni yii a, a doee taenɛ ɛ gbaa gbaa ɔ, tɛɛ kuu munyɛ nyima ni min ma. Mbɛ an‑na an yiima ɔ bɛn, ni an mbe kun fan, an ni ta dɛndɛ chɛ a nɔ tindi ma.

GBOO SAA KƆYINDI KO A 1:8

Ɛ wo 'a danaya n dɔ gbɛa‑a wan, aan a sɔ tee danka chɛ ma. Ɛ a ma‑a wan, mabɔ kan kɔ kan mbe ee ma‑a wo ma, an tee wa chɛ ma, mmɔ 'a mansa Chisɔsi Chasi ɛ na‑a to tima min na.

GBOO FEAN BƆƐ KƆYINDI KO A 13:6

N ko a, ɛ wan n yii ma, mbɛ wo e a ɔ gbɛ‑a wan, mbɛ nn ban‑da nn fandi ma mɛn‑da, ko ee nn ma.

GBOO FEAN BƆƐ KƆYINDI KO A 4:2

Chɛɛ nn‑na nn yii na chii, nn ma nn boo chɛ ni mauma koe kan kɔ kan dɔ, a ni ma nun dɔ wɛɛ a. Nn sin mbe ee koe n ma, miin mbe mɔɛ n bun. Nn gbu sin mbe ee Yataa 'a bai ma sa chia ɔ chia a. Chɛɛ nn mbe fɔɛ min dɔ, Yataa chen kɔɔ, basɔmaya da faenɛ kɔɔ mu. A sin, chɛ ɛ na tena wan pɛmbɛ a nn ko a, mɔɛ gbɛɛ tena, yiinachii chɛndɛ ɔ.

GBOO FEAN BƆƐ KƆYINDI KO A 5:11

Nn‑na a ɔ sɔn fan, Mansa Yataa ma chianɛ mu koe min na. Chɛ an fɛ mu, nn mbe butuin chɛ mɔ dɔ mende yiima mun koe a chɛndɛ, a si a ma. Yataa‑a nn sɔn fan chɛndɛ chɛ. A sin, n yii na tɛen fan mu, wo ta yiinachii gbu wɛɛ ɔ, wo‑a n sɔn fan.

FIDEMƆN 1:6

Kuiɛ dɔndɔya chɛ wo e min dɔ, wo bɛ chɛ n na, miin kai faen mu Yataa a, n mbe samunɛ chɛ tena a ni ta ya ɔ ma. Koe min na mu, Yataa‑a fen chɛndɛ min gbɛɛ be mmɔ ma Chasi ɔ, i‑a a ɔ sɔn fan.