GBOO FEAN BƆƐ KƆYINDI KO A 1:12 - Yataa 'a Dɔbɛnɛ Nama

¹² Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

GBOO FEAN BƆƐ KƆYINDI KO A 1:12 ပူးပေါင်းရင်းမြစ်များ

CHISƆSI 'A SƆ MƆƐ NU 23:1

Mbɛ Pɔɔ‑a kuti wa chɛ ma fɛn, mbɛ a‑a a fɔ, a ɔ, “N suun ma nyɔɛ nu, a ka n suun tima ma, aan a sɔ tee chɛ ma, n ma sika ni n fandi ɔ. A sin, n mbe tachɛ tena tea chia an na, Yataa chen kɔɔ.”

CHISƆSI 'A SƆ MƆƐ NU 24:16

Chɛ an fɛ mu, tima ɔ tima ko a, n mbe ko sɛsɛ ɔ bia wan, n yiima a koenɛ ni ma Yataa tena, a basan n bɔ mɔ gbu n bɛɛ a.

GBOO DOMI KO A 9:1

N mbe ka tea bai an fɔ tena. N mbe ee fania fɔ tena, a mu min na, Chasi an ta mu n na. N 'na yiinachii gbu wɛɛ, an fea Yataa Nyina a, ɛ min 'na gbasaya kɔɔ, an dɔnden fan mu n 'na tea chɛ ma.

GBOO SAA KƆYINDI KO A 1:17

Koe min na mu, Chasi ma n sɔ ni, yii an chɛ koe a mɔɛ n kunɛ ɔ. A‑a n sɔ, n ni sakana bai chɛndɛ chɛ ɔ yian mɔɛ n na. N sin mbe ee a ɔ yian tena, mɔ gbu 'a yiimatɛ an na, daɔdiaya a. Ni n‑na chɛ ma, ɛ ma‑a wan, yɔ Chasi‑a saya min chɛ kɔn gbengbandenɛ ma, gbasaya ban‑da a ɔ.

GBOO SAA KƆYINDI KO A 12:8

Mɔɛ dɔndɔɛ ɛ nɔ, Yataa Nyina‑a sakana bai min don a da a, a fɔ koe a mɔɛ n ye, yiimatɛ wa an be a ɔ. Mɔɛ dɔndɔɛ sin, Nyina dɔndɔ chɛ‑a a ma wan, yiimatɛ bai wa, ɛ ma a da a bai ɔ.

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

GBOO SAA KƆYINDI KO A 2:13

An fɛ mu, nn mbe bai chɛ n fan fɔ mɔ dɔ gbɛɛ ye. N sin mbe ee a fɔ an ye, daɔdia bai n fan dɔ, yɔ mɔɛ n mbe an yii na chii miin na, mɔɛ n kan koe a. Chɛɛ nn mbe min ma, nn mbe bai n fan sa, Yataa Nyina ɛ min don nn da ɔ, an sa koe a. Nn mbe Yataa Nyina ta bai ɔ yian, a wandi ta bai an na, ɛ min fɔ nn ye.

GBOO SAA KƆYINDI KO A 4:4

N yiima a koenɛ mu fion. Chɛ ma a yian ni, mbɛ ko yama ma mɔ ma n na. Mansa Chisɔsi dɔndɔ gbe an mbe kaa a tɛ, a si n ma.

GBOO SAA KƆYINDI KO A 5:8

Chɛ an fɛ mu, mmɔ tachɛ Yataa faa ma a, yɔ Chu mɔɛ n ni kun bɔ a ɔ bɛn chɛ bia buɛ min dɔ, a chia ma. Mmɔ ma mmɔ 'a bɛn chɛ bia faa yama a, mmɔ ma a bia, mmɔ ɛ tun mmɔ 'a ko yama kɔma n dɔ. Chɛɛ mmɔ Yataa 'a sawa bia mmɔ boo fea a, mmɔ ni sɔn yama boo ka. Mmɔ ni Chu mɔɛ n ya tɔmɔsi a, miin ni biidi dɛnfɛenɛ daun, yisin nii min dɔ, bɛn chɛ tima kɔɔ. Chɛ ɛ a ɔ yian tena wan, mbɛ mmɔ tandenɛ ni ma Yataa chen kɔɔ.

GBOO FEAN BƆƐ KƆYINDI KO A 1:17

N ni yiinachii chɛ chɛ tena tima min na, n ma a ɔ sɔn ni yiima fea an ni n dɔ. N ma a ɔ sɔn, n mbe ma yiinachii chɛ chɛ‑a, ni n mbe a chɛ mɔgbuya ta fɛ chia an na. Ni n ma bɛndenɛ an mbe ma, dɔn koe a, ni ban koe ma, fɔɛ dɔndɔɛ ɔ.

GBOO FEAN BƆƐ KƆYINDI KO A 11:3

Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

GBOO FEAN BƆƐ KƆYINDI KO A 2:17

Koe min na mu, nn mbe ee ka yɔ mɔ sɛsɛ dɔ nu, miin mbe Yataa 'a bai ya, fen sɔn koe a a ɔ dechee. Chɛɛ Yataa an‑na nn sɔ. An fɛ mu, nn fan wai chɛ mɔɛ nu Chasi ye, nn mbe a 'a sakana bai ɔ yian tea chia a, a chen kɔɔ.

GBOO FEAN BƆƐ KƆYINDI KO A 4:2

Chɛɛ nn‑na nn yii na chii, nn ma nn boo chɛ ni mauma koe kan kɔ kan dɔ, a ni ma nun dɔ wɛɛ a. Nn sin mbe ee koe n ma, miin mbe mɔɛ n bun. Nn gbu sin mbe ee Yataa 'a bai ma sa chia ɔ chia a. Chɛɛ nn mbe fɔɛ min dɔ, Yataa chen kɔɔ, basɔmaya da faenɛ kɔɔ mu. A sin, chɛ ɛ na tena wan pɛmbɛ a nn ko a, mɔɛ gbɛɛ tena, yiinachii chɛndɛ ɔ.

GBOO FEAN BƆƐ KƆYINDI KO A 8:8

N mbe ee ka sawa an sa tena, wo ko a. Chɛɛ ni n‑na a ɔ yian, mɔɛ n ma bɛnden ni buɛ min dɔ, deman chɛ koe a, n mbe ma‑a ka a ɔ gbɛ an na, wo 'a koadia nyin buɛ min dɔ.

Gboo Kadesia Ko A 6:4

Chɛɛ mɔ ɔ mɔ ni a wandi gbu tachɛ buɛ ma mɛn. A tima a mu, mɔ ɔ mɔ ɛ a ɔ yen‑da, mbɛ mɔɛ e yonka tɛ i wandi an ko a dechee, chɛɛ i bɔɛ ma.

Gboo Ɛfisɔsi Ko A 6:14

Chɛ an fɛ mu, wo sɔ gban, wo ni tea ɔ gbɛ a si Yataa ma. A sin ni ma yɔ yuu wo bu tɛ. Wo ma nyina, mbɛ Yataa‑a wo ya mɔ tandenɛ n na a tena. Chɛ ɛ wo konde gbain‑da wan, yɔ soya 'a chɛɛ chɛ doma.

Gboo Fiipai Ko A 1:10

min mbe a ma, wo ni a ɔ sɔn koe min nyin chɛndɛ chɛ Yataa chen kɔɔ, mabɔ kan kɔ kan mbe ee min ma. Chɛ ɛ a ma‑a wan, Chasi na tee ma, mabɔ ee na‑a ma‑a wo ma, ko yama kan kɔ kan ko a.

Gboo Saa Tɛsadonika Ko A 2:10

Wo wandi gbu an mu nn 'na sii n na, ni Yataa wɛɛ. Mbɛ tɔmbɛ kan kɔ kan nii nn ma. Nn tanden fan ni, a yɛ to, nn sɔnɛ a koe n ni wo gbɛɛ tena, wo wɛn kai faen mu Chasi a.

1 TIMOTI 1:5

Chɛ fɔen mu i ye, min mbe a ma, koadia ni ma nɔ. Koadia min kaen mu faa ɔ gbɛenɛ ɔ, yiima a koenɛ fion, a basan danaya gbau gbau a Yataa a.

TAITƆSI 2:7

A ɔ yian chia ɔ chia a, ko chɛndɛ ma ɔ, mbɛ mɔ chɛndɛ mu i a. A sin, ni i ma‑a kanɛ chɛ a, a yian mbɛ mɔ tandenɛ mu i a, basɔmaya ni ma i a kan chɛ ma.

GBOO IBU MƆƐ N KO A 13:18

Wo wo boo a chii samunɛ ma, nn ko a. Nn danden fan mu a a, mbɛ nn yiima a koenɛ mu fion. Koe min na mu, nn mbe butuin chɛ tima ɔ tima ko a, tea koe an ma koe a.

CHIMISI 4:6

Chɛɛ Yataa 'a koadia demanɛ koo, min been mu mmɔ ma. Chɛ an fɛ mu, Yataa 'a gboo chɛ‑a a fɔ, a ɔ, “Yataa ma to ni dɔpanda tɔɛ n na, chɛɛ ɛ koadia demanɛ chɛ‑a wan mɔɛ chɛ n na, miin dɔ ma panda ni.”

1 PITA 3:16

Chɛɛ wo tima ya a ɔ yian koe a an na, basɔmaya chia a. Wo yiima a koenɛ ni ma, min mbe a ma, wo main mɔɛ n ni mau wo ma. Mɔɛ chɛ nu, miin mbe bai yama sa wo ma, wo e ma ko chɛndɛ n ma‑a. Wo e chɛ ma, koe min na mu, wo ma‑a mɔ dɔndɔɛ a, wo bɛ Chasi a.

1 PITA 3:21

Chɛ ni tɔmɔsi an na, yii ɛ chɛ buɛ min dɔ mɔɛ n kunɛ ɔ, Yataa chia a, bauncha sɔn koe a sanche. A ma dechee nɔɛ ko koe an na, mɔɛ n gboo ma. Chɛɛ tooɔdia mu, mɔɛ ɛ min chɛ Yataa a, yiima a koenɛ a. An mbe na bauncha a, min ma sɔn‑da, a bɔ Chisɔsi 'a sɔ koe ɔ, a ka saya ɔ.