GBOO FEAN BƆƐ KƆYINDI KO A 1:1 - Yataa 'a Dɔbɛnɛ Nama

¹ N fan Pɔɔ, n fan mbe gboo chɛ nyɛn tena, nn fea mmɔ suun ma nyɔɛ a Chasi ɔ, min mu Timoti a. Chisɔsi Chasi 'a sɔ mɔɛ mu n na. Yataa wandi an dɔn‑da, n ma koe a sɔ mɔɛ chɛ a. N mbe a nyɛn tena wo wan tena, wo wɛn mbe Yataa 'a chɔchi ɔ, Kɔyindi duu ɔ, wo bɛ Yataa 'a mɔɛ n gbɛɛ a, miin mbe nɔ Akaya chɛnyɛ tɔɛ gbɛɛ ɔ.

GBOO FEAN BƆƐ KƆYINDI KO A 1:1 ပူးပေါင်းရင်းမြစ်များ

CHISƆSI 'A SƆ MƆƐ NU 16:1

Pɔɔ an fea Sidasi a, an ta‑a pɛn Dabi duu ɔ, mbɛ an ben‑da Diisa duu ɔ chia a. An‑na Chisɔsi fɛ mɔ dɔndɔ tan fan nɔ, min tɔ ni Timoti. A de ni Chu mɔɛ an na, min na‑a a kai fa Chisɔsi a. Chɛɛ a fa ni Kiisi mɔɛ an na.

GBOO DOMI KO A 15:26

Koe min na mu, chɔchi mɔɛ chɛ nu Masidonia chɛnyɛ ɔ, an bɛ Akaya chɛnyɛ ɔ nɛnɛ n bɛɛ a, an‑na an boo fenɛ a bɔ faaɔgbɛ ɔ. An toen mu an ni chɛ n deman, miin yakɔɔtawaen mu Yataa 'a mɔɛ n tɛ ɔ Chuusaɛn duu ɔ.

GBOO DOMI KO A 16:21

Timoti, nn fea ɛ wai chɛ min na, a‑a wo kɔndɔn ka. N bɔɛ Chu mɔɛ chɛ n bɛɛ, Dusiɔsi, ni Chason, ni Sosipata, an‑na wo kɔndɔn ka.

GBOO DOMI KO A 16:5

N mbe chɔchi mɔɛ chɛ n bɛɛ kɔndɔn tena, miin mbe bɛn n bɔɛ chɛ n na chenɛ a. N mbe n dia nyɔɛ Ɛpainɛtɔsi kɔndɔn tena. An mu mɔɛ saa saa a Esia chɛnyɛ chɛ ɔ, min‑na a kai fa Chisɔsi Chasi a.

GBOO SAA KƆYINDI KO A 10:32

Wo ma mɔ ɔ mɔ sɔ chia yama ma, wo 'a fɔɛ ɔ. Wo ma Chu mɔ sɔ a ma, ni chɛ n bɛɛ miin ma Chu mɔ a. Wo gbu ma chɔchi ɔ mɔɛ n sɔ chia yama ma.

GBOO SAA KƆYINDI KO A 16:10

Ni Timoti che‑a wo ma, wo a ma wo ni a ɔ yian a a, mbɛ a che‑a ka a waa wan. Koe min na mu, ɛ ka Mansa Chisɔsi 'a wai an na, yɔ n mbe a a buɛ min dɔ.

GBOO SAA KƆYINDI KO A 16:15

N suun ma nyɔɛ nu Chasi ɔ, sanche chɛ ɔ, wo‑a a koe ɔ sɔn fan, a si Sitɛfanasi ma, ni a 'a chen na mɔɛ nu. An fan pɛn‑na an kai fa Chisɔsi Chasi a, Akaya chɛnyɛ chɛ ɔ. A sin, an‑na an fandi be, wai chɛ koe a, Yataa 'a mɔɛ n ko a. N mbe chɛ ma din wo tena,

GBOO SAA KƆYINDI KO A 16:24

Chisɔsi Chasi 'a gbasaya ɔ, n 'na koadia ni ma wo gbɛɛ fɛ.

GBOO SAA KƆYINDI KO A 6:11

Wo dɔ n ni ka wan tee. Chɛɛ sanche gbɛ, wo ko‑a fo, wo 'a ko yama n boo ɔ. Wo ma‑a tenchen Yataa ko a. Yataa‑a wo ya mɔ tandenɛ n na, a chen kɔɔ, Mansa Chisɔsi Chasi 'a gbasaya ɔ, an fea Yataa Nyina a.

GBOO FEAN BƆƐ KƆYINDI KO A 1:19

Koe min na mu, Yataa 'a denɛ Chisɔsi Chasi, a ee ka. Sidasi ni ma, Timoti, ni n fan, nn na‑a a wakoe ɔ yian fan wo a. A wan Chisɔsi ee dɔn koe ma, mbɛ a ban‑da to a ma. Chɛɛ a ta nan gbu, tima ɔ tima ko a, a dɔndenɛ an mbe ma a ma.

GBOO FEAN BƆƐ KƆYINDI KO A 1:23

Chɛɛ Yataa an mu n 'na sii a, a si bai chɛ ma, n mbe ka min fɔ‑a wo ye. Mbɛ n toen ni, n ni wo to wan nɔ, an na‑a a ma n ma yɛ ni nɔ wo tena Kɔyindi duu ɔ.

GBOO FEAN BƆƐ KƆYINDI KO A 11:10

Chasi 'a tea, ɛ ka buɛ min dɔ n dɔ, n mbe ka yonka min tɛ‑a, a ɔ ee maun‑da Akaya chɛnyɛ gbɛɛ ɔ.

GBOO FEAN BƆƐ KƆYINDI KO A 9:2

N‑na a ɔ sɔn fan, mbɛ wo ma bɛndenɛ mu, basan koe a an ma. N gbu sin, n mbe yonka tɛ wan, a si wo ma mmɔ bɔɛ Chisian chɛ n tena Masidonia chɛnyɛ ɔ. N mbe a fɔ wan an ye, mbɛ an bɔɛ Chisianɛ nu, miin mbe Akaya chɛnyɛ ɔ, an ma bɛndenɛ mu, kɛn banun, demanɛ chɛ koe a. Faa min mbe wo ɔ demanɛ chɛ koe a, a‑a a ma wan, an sɛsɛ faa bɔ‑a gbɛ.

Gboo Kadesia Ko A 1:1

N fan Pɔɔ, n fan mbe gboo chɛ nyɛn tena, nn bɛ mmɔ suun ma nyɔɛ n gbɛɛ n na Chasi ɔ, miin mbe nɛ. Chisɔsi Chasi 'a sɔ mɔɛ mu n na. Mɔ gbu an ma a ma ni, chɛ ni ma. Chɛɛ Chisɔsi Chasi wandi, an‑na a ma, an fea mmɔ Fa Yataa a, min‑na Chasi chɛ kɔɔ sɔ a ka saya ɔ. N mbe a nyɛn tena wo wan tena, wo wɛn mbe chɔchi n dɔ, Kadesia chɛnyɛ ɔ.

Gboo Kadesia Ko A 3:26

Koe min na mu, ni wo‑a wo kai fa Chisɔsi Chasi a, wo gbɛɛ mu Yataa 'a denɛ n fan na, wo gbɛɛ mu gbɛ mɔ dɔndɔɛ an na, wo bɛ Chisɔsi Chasi a.

Gboo Ɛfisɔsi Ko A 1:1

N fan Pɔɔ, n fan mbe gboo chɛ nyɛn tena. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. N fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, wo wɛn mbe a a tun tena wo kai fa koe a Chisɔsi Chasi a, Ɛfisɔsi duu ɔ.

Gboo Fiipai Ko A 1:1

N fan Pɔɔ, n fan mbe gboo chɛ nyɛn tena, nn fea Timoti a. Chisɔsi Chasi 'a wai chɛ mɔɛ mu nn na. Nn fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, miin ma‑a mɔ dɔndɔɛ a Chisɔsi Chasi a, Fiipai duu ɔ. A yɛ to, ni chɔchi ya ɔ sɔɛ n tena, an bɛ mɔɛ chɛ n na, miin mbe deman chɔchi ma.

Gboo Saa Tɛsadonika Ko A 1:1

Nn fan mbe gboo chɛ nyɛn tena, n fan Pɔɔ, Sidasi, ni Timoti. Nn mbe a nyɛn tena wo wan chɔchi mɔɛ chɛ n fan tena pan Tɛsadonika duu ɔ. Wo wɛn mbe kuiɛ dɔndɔya ɔ, wo bɛ mmɔ Fa Yataa a, an fea Mansa Chisɔsi Chasi a. Yataa ni wo dua, a ni faachima be wo ma.

Gboo Saa Tɛsadonika Ko A 3:2

Mbɛ Timoti sin, nn‑na a sɔ wo tena. Mmɔ suun ma nyɔɛ chɛ, nn bɛ ɛ wai chɛ tena min na Yataa ko a, sakana bai chɛndɛ sa koe a, a si Chasi ma. Nn‑na a ta wo tena, a ni a ma, wo ɔ ni gbɛa, wo ni wo kai fa Chisɔsi a gbau gbau.

GBOO FEAN BƆƐ TƐSADONIKA KO A 1:1

Nn fan mbe gboo chɛ nyɛn tena, n fan Pɔɔ, Sidasi, ni Timoti. Nn mbe a nyɛn tena wo wan chɔchi mɔɛ chɛ n fan tena, pan Tɛsadonika duu ɔ. Wo wɛn mbe kuiɛ dɔndɔya ɔ, wo bɛ mmɔ Fa Yataa a, an fea Mansa Chisɔsi Chasi a.

1 TIMOTI 1:1

N fan Pɔɔ, n fan mbe ka gboo chɛ nyɛn‑da i tena, i wan Timoti. N 'na denɛ mu gbɛ i a, i 'a danaya ko a Yataa a. Mɔ yii na tɛen mu Chisɔsi Chasi an ma. A sin, a 'a sɔ mɔɛ mu n na, mɔ baun mɔɛ Yataa 'a gbasaya ɔ, an fea a wan Chisɔsi Chasi a. Mmɔ Fa Yataa, an fea mmɔ 'a mansa Chisɔsi Chasi a, an 'na dua ni ma i ma, an 'na chinchimaya ni ma i ma, a basan an 'na faachima a.

2 TIMOTI 1:1

N fan Pɔɔ, n fan mbe ka gboo chɛ nyɛn‑da i tena, i wan Timoti. N faa ma denɛ mu gbɛ i a. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. A‑a n sɔ, n ni a ɔ yian mɔɛ n na, mbɛ ni mmɔ ma‑a mɔ dɔndɔɛ a, mmɔ bɛ Chisɔsi Chasi a, an mbe a ma, mmɔ ni kuɔ fɔ fɔɛ ma sɔn. Yataa na‑a a fɔ ka wan. Mmɔ Fa Yataa, an fea mmɔ 'a mansa Chisɔsi Chasi a, an 'na dua ni ma i ma, an 'na chinchimaya ni ma i ma, a basan an 'na faachima a.

TAITƆSI 1:1

N fan Pɔɔ, n fan mbe ka gboo chɛ nyɛn‑da i tena, i wan Taitɔsi. N 'na denɛ mu gbɛ i a, danaya dɔndɔɛ ɔ Chisɔsi ko a. Yataa 'a wai chɛ mɔɛ mu n na, ni Chisɔsi Chasi 'a sɔ mɔɛ to. A‑a n sɔ, min mbe a ma, Yataa‑a a boo sɔ ka mɔɛ miin ma dan koe a a a, n ni a ma, an ni a 'a tea sakana bai a min. Mbɛ n‑na an sɔ chia chɛndɛ ma, ma koe a Yataa fɔɛ ɔ. Mbɛ an yii na tɛenɛ ɛ ma‑a kuɔ fɔ fɔɛ ma, Yataa min mbe ee fania fɔ, a‑a tooɔdia chɛ min na, a e na to dunya a dan‑da. Mmɔ baun mɔɛ Yataa‑a sakana bai chɛ ɔ yian fan, tima chɛndɛ ma, mbɛ a‑a n sɔ a ɔ yian koe a mɔɛ n na. Mmɔ Fa Yataa, an fea Chisɔsi Chasi a, mmɔ baun mɔɛ, an ni i dua, an ni faachima be i ma.

FIDEMƆN 1:1

N fan Pɔɔ, n fɛn mbe nɛ pimbi chenɛ a Chisɔsi Chasi ko a, n fan mbe gboo chɛ nyɛn tena i tena, i wan Fidemɔn. Nn mbe a nyɛn tena, nn fea Timoti an na, mmɔ suun ma nyɔɛ. Fidemɔn, nn wai chɛ nyɔɛ mu i a, i sin ko a di nn ye.

GBOO IBU MƆƐ N KO A 13:23

N toen mu wo ni a ɔ sɔn, mbɛ mmɔ suun ma nyɔɛ Chasi ɔ, Timoti, an‑na a boo ka, a bɔ pimbi chenɛ a. Ni a fua‑a na‑a, nn fea, nn mbe na‑a wan wo tena.