1 TIMOTI 6:9 - Yataa 'a Dɔbɛnɛ Nama

⁹ Chɛɛ miin toen mu an ni nyan, an mbe dɛ kan gbɛnɛ an dɔ, mbɛ an chɛɛ‑a Sitana 'a gbai a. An mbe ko sɛsɛ ma wan yiimatɛ ee min dɔ, a basan ko yama a. Chɛ ɛ an yɔn fan gbɔkɔɔ.

1 TIMOTI 6:9 ပူးပေါင်းရင်းမြစ်များ

MATIU 13:22

Mɔɛ dɔ n sin mbe wan nɔ yɔ wai duu gboo chɛ, chin fen kuu chɛ n bea‑a ka min ma. An mbe sakana bai chɛndɛ chɛ a min fan, chɛɛ dunya chɛ ɔ faagbaa, a basan faagbaa a si an mbe ma buɛ min dɔ an ni nyan, ɛ a ma wan fanka ee ma to Yataa 'a sakana bai chɛ a an tena.

MATIU 19:22

Kamin tɔngbɔɛ chɛ‑a bai chɛ a min kɛn, mbɛ a ta‑a faayɔnɛ ɔ. Koe min na mu, nyan tɔ wa ni a a.

MATIU 26:15

Mbɛ a ɔ, “Ni n basan‑da wo ma Chisɔsi bia koe a, wo e fen be‑a n ma?” Mbɛ an bɛɛ an‑na kain gbɛnsɛn bi sawa dan, mbɛ an‑na a be a ma.

MATIU 6:19

Chisɔsi ɔ, “Wo ma wo 'a nyanɛ a sɔn nɛ dunya chɛ ɔ, chisi n mbe an yɔn kaina min, an mbe kasa‑a kaina. Wo ma a a sɔn kaina, kanka n mbe min te, mbɛ an‑na a kanka.

MAKI 4:19

Chɛɛ dunya chɛ ɔ faagbaa, a basan faagbaa a si an mbe ma buɛ min dɔ an ni nyan, a basan faagbaa tɔɛ gbɛɛ a, an mbe sakana bai chɛ kɔ din fan, fanka ee ma to a a an tena.

DUKU 12:21

Mbɛ Chisɔsi ɔ te gbɛ, “Chɛ n bɛɛ mbe ka wan, miin mbe nyanɛ a sɔn an fandi ko a, chɛɛ an ma nyan ni Yataa ta chia a.”

DUKU 21:35

A mu min na, a tee chɛ, ɛ ma‑a mɔ gbu gbɛɛ ma dunya ɔ tɛnɛ ma koe an na.

CHISƆSI 'A SƆ MƆƐ NU 8:20

Chɛɛ Pita ɔ, “Yataa ni i a ta ta ɔ, i 'a kɔpɔɛ chɛ a i boo ɔ. Koe min na mu, ɛ wan i yii ma, mbɛ e kun fan i ni kɔpɔɛ be, min mbe a ma, Yataa ni gbasaya chɛ be i ma.

Gboo Ɛfisɔsi Ko A 4:22

Wo kan‑da wan, mbɛ wo ni wo sɔn kɔma chɛ n boo ka. Wo sɔn chɛ nu, miin beaen mu, wo tachɛ buɛ kɔma chɛ n fɛ, fɔɛ ɔ. A tima chɛ a, wo wakoe ni yɔn tena wan gbata gbata. Koe min na mu, wo toen ni ko yama n fan ma koe a, a sin, an ko yama chɛ ni wo bun tena wan.

1 TIMOTI 1:9

Mɔɛ miin mbe don sawa kɔɔ, a ee sa an fan ko a. Chɛɛ ɛ sa mɔ yama n fan ko a, miin mbe ee sawa ya, an mbe ee don a kɔɔ, Yataa sɔn bai nu, miin mbe a gbɛnɛ ma bon. Ɛ chɛ n fan ko a, miin mbe an fa n fa, an ni an de n fa, an bɛ mɔ fa mɔɛ n na.

1 TIMOTI 3:7

A sɔnɛ ma ni kawa mɔɛ chɛ n ye, miin mbe baa kɔ, min mbe a ma, an mbe ee tɔ yama si‑a a kun ma, mbɛ a chɛɛ‑a Sitana 'a gbai a.

1 TIMOTI 6:10

A mu min na, kɔpɔɛ koe, ko yama sɛsɛ ɛ a kuu sɔ an ma. Kɔpɔ koe wa dɛgbɛ chɛ, an‑na a ma, mɔɛ dɔ n ka‑a danaya chia ma Chisɔsi a, a sin‑na an na dɛ faa yɔn koe n dɔ.

1 TIMOTI 6:17

N toen mu i ni a fɔ chɛ n ye, miin nyanden mu dunya chɛ ɔ, an ma dɔpandaya bɔ, an sin ma an yii sɔ an 'na nyanɛ ma, fenɛ mu a a, min ma namaen mu. Chɛɛ an ni an yii sɔ Yataa an ma, min mbe fen kɔ fen be mmɔ ma, mmɔ 'a buɔdia ko a.

2 TIMOTI 2:26

Mbɛ an mbe yiimatɛ ma sɔn‑da wan, an ni bɔ gbai chɛ a, an na‑a chɛɛ ka Sitana 'a gbai min na, an ni min 'na sawa kɔɔ.

TAITƆSI 2:12

A sin mbe mmɔ kan tena, mmɔ ni mmɔ boo bɔ Yataa sɔn baiya ɔ, a basan dunya ma buɔdia a. A yɛ to, mmɔ ni mmɔ wandi bia chɛndɛ, mmɔ tandenɛ ni ma, mmɔ ni ma Yataa sɔn mɔɛ a dunya chɛ ɔ.

2 PITA 2:3

Fania kan chɛ mɔɛ chɛ n fen ko yaen mu kaka. Chɛ an mbe a ma, an mbe tai n dɔ bɛn bɛn a fɔ koe a wo ye, min mbe na tɔnɔnɛ a an tena. Chɛɛ Yataa wɛn mbe kaa a tɛ tena an bakoe ma, a ni an tɔɔ, a ɔ mɛen mu gbɛ, a ma bɛndenɛ ɛ. A sin mbe an kasaa tena wan, a ee chinɔɛ ɔ ɛnden bɛɛ a.

CHUDA 1:11

Koe min mbe an tan‑da, a yau gba an ko a. An puin‑da mɔna chɛ chen gba ɔ, mɔna min tɔ ni Ken, min na‑a a dɔɛ fa. Kɔpɔ koe‑a a ma, an bɔ‑a Badaan gba ɔ, an mbe ko ɔ ko ma wan kɔpɔ koe a. A yɛ to, Kɔya 'a gbunɛ nyɔn sima, an‑na a a bea, min‑na an kasaa pɔɛ.