1 TIMOTI 6:4 - Yataa 'a Dɔbɛnɛ Nama

⁴ a mɔɛ chɛ mu dɔpanda tɔɛ an na, a ma ko ɔ ko sɔn. Koɔ chɛ gbandi an mbe an ma, an sin mbe kɔɔsa bia chɛ wan kɔnɔ bai kan kɔ kan ma. Chɛ ɛ na toomaya an na, ko a fasanɛ, nyɔn mainɛ, a basan yii sɔ yama a an nyɔn na.

1 TIMOTI 6:4 ပူးပေါင်းရင်းမြစ်များ

CHISƆSI 'A SƆ MƆƐ NU 15:2

Chɛ‑a a ma wan, koɛ basan kɔɔsa yama yama a, a don‑da mɔɛ chɛ n tɛ ɔ, an bɛ Pɔɔ an fea Banabasi a. Mbɛ Pɔɔ an fea Banabasi a, an bɛ mɔɛ dɔ n na, an‑na an yian fan, sɛ koe a Chuusaɛn duu ɔ. An dɔ, an ni Chisɔsi 'a sɔ mɔɛ chɛ n yen, an bɛ chɔchi gbakoo n na, a si an bai chɛ ma.

CHISƆSI 'A SƆ MƆƐ NU 18:15

Chɛɛ a sien mu ka buɛ min dɔ kɔɔsa bia ma, bai n dɔ, a basan tɔɛ n na, ni wo ta Chu sawa nu, wo wandi an mbe bai chɛ nɛnɛ sa tena. N fan mbe ee kaa a tɛ tena, a si ko bonda chɛ n ma.”

CHISƆSI 'A SƆ MƆƐ NU 8:9

Chɛɛ kamin dɔndɔ ni wan nɔ, min tɔ ni Saimɔn. Tima ɔ yansama ko a, kamin chɛ na‑a Samayia mɔɛ n na fii wan a 'a nkofo koe n na, a ni miin ma. A na‑a a fɔ wan mɔɛ chɛ n ye, a ɔ, mɔ chenama mu a a.

GBOO DOMI KO A 12:16

Wo wo boo a si wo nyɔn kɔɔ chɛndɛ chɛ. Wo ma ma dɔpanda tɔɛ n na. Baa ee ka mɔɛ miin ma, wo an ma wo dia nyɔɛ n na. Wo ma wo ta mansaencha a sɛ kaka.

GBOO DOMI KO A 13:13

Mmɔ a kuu sɔ tachɛ‑a chɛndɛ chɛ mmɔ wandi a, fɔɛ ɔ. Wo a ma yɔ mɔɛ nu miin mbe koe n na tachɛ tena chɛndɛ tee a. A yɛ to, wo ma wo boo chɛ gbɛ min kɔmpini ɔ, a basan ko tɛ gbɛɛ a. A sin, wo ma butuin chɛ, wo sin ma too wo nyɔn na.

GBOO DOMI KO A 14:1

Wo wo boo a si wo bɔɛ chɛ n kɔɔ, wo tɛ ɔ, miin 'na Chisian danaya ɔ ma gbɛ. Chɛɛ wo ma wo da a kuiɛ ɔ fan an na, a si koe n ma, miin nyin an ma koe a an boo ɔ, a basan miin ma nyin an ma koe a.

GBOO DOMI KO A 2:8

Chɛɛ mɔɛ nu, miin toen mu dechee an fandi a, an sin ma to ni tea a, an mbe bea ko yama n fan fɛ. An mɔɛ chɛ n tana, Yataa faa ɛ tɛ‑a wan an ma yama yama, a ni an tɔɔ.

GBOO SAA KƆYINDI KO A 11:16

Chɛɛ ni mɔ ɔ mɔ toen mu, a ni chɛ ma nyin, bai chɛ an mbe n da a dechee a ko a. Mbɛ manda dɔ mende ee nn boo ɔ, a ee Chisian chɔchi tɔɛ chɛ n bɛɛ boo ɔ, a ka chɛ ma.

GBOO SAA KƆYINDI KO A 11:18

Koe saa saa mu min na, mɔɛ n‑na a ɔ yian fan n na, koe min mbe ma, ni wo bɛn‑da chɔchi si tena. Wo kuiɛ a ee kan ɛnden bɛɛ a. N sin danden fan mu chɛ a ɛnden na.

GBOO SAA KƆYINDI KO A 3:18

Mɔ ɔ mɔ ma a wandi woo. Wo dɔndɔ wɛɛ ma a wandi ya yiimatɛ tɔ wa a, dunya chɛ ta chia a. Wo wo wandi woo mɔ a bɔɛ chɛ pɛn, min mbe a ma, wo ni ma yiimatɛ tɔ wa an na, Yataa ta chia a.

GBOO SAA KƆYINDI KO A 3:3

Koe min na mu, wo mu tun mɔɛ n fan na, miin faa ma koe n benden mu an ma. Toomaya ɛ wo tɛ ɔ, a basan koɛ a. Chɛ ɛ a ɔ yian fan, mbɛ wo e koe ma tena wan yɔ mɔɛ nu, miin mbe ee Yataa chia ma.

GBOO FEAN BƆƐ KƆYINDI KO A 11:20

Wo gbu sin mbe wo faa bia wan, mɔɛ ni wo yɔn bia wɛɛ chɛ. Chɛ ma, mɔɛ ni wo boo fenɛ daun, chɛ ma, a ni wo chii, chɛ ma, a ni a yombo sɔ a ma, chɛ ma, a ni wo ya a gbasi.

Gboo Kadesia Ko A 5:15

Chɛɛ ni wo‑a wo nyɔn chin, wo ni wo nyɔn kasaa, chɛ ni ma wo yii ma. Mbɛ ni wo ma tima ya ni, wo e ban‑da wan wo nyɔn kasaa‑a gbae.

Gboo Kadesia Ko A 5:26

Mmɔ ma yonka tɛ, mmɔ sin ma sɛ mmɔ nyɔn faa ma, mmɔ sin ma toomaya bɔ mmɔ nyɔn na.

Gboo Kadesia Ko A 6:3

Koe min na mu, ni mɔ ɔ mɔ‑a yiinachii chɛ, mbɛ mɔɛ mu a a, min sin mu ka mɔ a tenden ma a, ɛ a wandi an bun tena ka.

Gboo Fiipai Ko A 1:15

An dɔ n gbu, an mbe sakana chɛ, a si Chasi ma, a ɔ yian toomaya faa an na, a basan koɔ yanɛ a. Chɛɛ an dɔ n sin, an mbe a ma, yiinachii chɛndɛ an na.

Gboo Fiipai Ko A 2:14

Wo ma tisa chɛ, wo sin ma gbonyɛ, ni wo ma‑a ko ɔ ko ma‑a.

Gboo Fiipai Ko A 2:3

Wo ma ko ɔ ko ma, wo wandi ta tɔnɔnɛ ko a dechee. Wo ma yonka tɛ, wo wandi ɔ koa koe a. Chɛɛ wo wo wandi ma yii, wo ni mɔ dɔ mende n ya, a ben wo wandi gbu ma.

Gboo Kɔdɔsai Ko A 2:18

Wo ma dɔn mɔɛ chɛ n ni a fɔ wo ye, mbɛ wo ee Yataa chia ma. Mɔɛ chɛ nu, miin toen mu chii koe a wo ma, kooya be koe a maeka n ma, mbɛ wo‑a an fai. A yɛ to, an mbe a fɔ, an dɔ, an mbe koe n dɔ yen fan, miin dɔ nunden mu. An mbe ma‑a ka fania an dɔ, an mbe yonka tɛ‑a, mɔgbuya chia a, tea sin mbe ee a ɔ.

GBOO FEAN BƆƐ TƐSADONIKA KO A 2:4

Ɛ Yataa ma bɔ‑a wan, a ni fen fen ma bɔ, an mbe miin fai an 'na Yataa a. Ɛ na‑a a wandi a sɛ‑a wan peche peche, a maenɛ ɛ mbɛ a kan nyɔ ee. Chɛ ɛ a ma‑a wan, a ni don Yataa 'a chenɛ a, a ni si nɔ. A ni a wandi yian nɔ mɔ ɔ mɔ a, mbɛ a wan gbu mu Yataa a.

1 TIMOTI 1:4

An na si an ni sɛmbɛ tai a bɔɛ a, an mbe ta‑a suunɛ ma dan‑da ta‑a aan. Chɛ ɛ na dechee kɔɔsa an na, an mbe ee deman chɛ, Yataa 'a yiinachii mmɔ ko a, a ni ta ya ɔ ma. Danaya an mbe a ma Yataa 'a yiinachii mmɔ ko a, a ni ta ya ɔ ma.

1 TIMOTI 1:7

An toen mu an ni mɔɛ n kan Mosisi 'a sawa a, an kuiɛ ma sɛenɛ a. Chɛɛ an ma sawa gbu ɔ gbɛ ni, a basan koe chɛ n na, sawa ɛ min fɔ tena.

1 TIMOTI 3:6

A ni ma mɔɛ an na min kai faen mu Chisɔsi a tima dɔ ko a. Chɛɛ ni tima kundu ko a mu dechee, kɔkɔɛ ɛ a ma‑a wan, a ni dɔpandaya bɔ. A sin, Yataa ee a tɔɔya‑a, yɔ Sitana ma‑a buɛ min dɔ.

2 TIMOTI 2:14

Chɛ puin i 'a mɔɛ n yii ma, mbɛ i‑a dasi gbau gbau be an ma Yataa chen kɔɔ, i ɔ an ma koɔ kɔnɔ bai kun ma. Chɛ ee den chɛndɛ suun an ye, chɛɛ ɛ chɛ n fan yɔn gbɔkɔɔ, miin mbe an too ma sɔ‑a a ma.

2 TIMOTI 2:23

I ma i boo chɛ wooya kɔɔsa bia ɔ, yiimatɛ ee min dɔ. I‑a a ɔ sɔn fan, mbɛ chɛ ɛ na koɛ an na.

2 TIMOTI 3:4

Mɔ bun mɔɛ mu an na, mɔɛ miin mbe ee an yii na chii an mbe ma koe ma‑a, dɔ diaya faenɛ ɛ an gboo a gban. An ma to ni Yataa a, an toen mu dechee dunya ma buɔdia an na.

TAITƆSI 3:9

Chɛɛ wooya kɔɔsa bia, ni suun ma danɛ, ni ko a fasanɛ, a basan koɛ a Mosisi 'a sawa kun ma, i ma i boo chɛ a ɔ.

CHIMISI 1:19

N suun ma nyɔɛ nu Chasi ɔ, wo ko a di n ye. A sin, wo chɛ sa wo yii ma. Ni wo too ma sɔ koe mu, wo ma tima yayi a ma sɔ koe a. Chɛɛ wo tima ya koɔ koe a. Wo ni tima ya, faatɛ bɔ koe a.

2 PITA 2:12

Chɛɛ fania kan chɛ mɔɛ chɛ nu, koe min mbe na an yii ma, an mbe an ma. An maen mu yɔ fia ɔ soe nu, an bia koe a, mbɛ an fa‑a. An mbe mankan fan ko ɔ ko manyin koe a, ni an ma min dɔ gbɛ ni. An mbe kasaa‑a wan, yɔ fia ɔ soe nu.

2 PITA 2:18

An mbe bai n fɔ wan, yiimatɛ ee miin dɔ, dɔpandaya bai nu. An mbe koe yama n ma to, miin na di an gboo n ye. An mbe chɛ n ma, mɔɛ chɛ n bia koe an na, mɔɛ chɛ miin‑na a kuu sɔ an kunɛ bɔ‑a an ko yama chɛ n dɔ.

CHUDA 1:10

Chɛɛ mɔɛ chɛ n tana, ni an ma koe min dɔ gbɛ ni, ma yɛn ma koe mu an tena, an sin mbe bai yama an sa a si a ma. An mbe wan dechee yɔ soe nu, koe min na mu, koe min mbe puin an yii ma, an mbe an ma. Koe n fan nɛ, miin mbe na kasaa a, an kun ma.

CHUDA 1:16

An mɔ bonda chɛ nu, an faa ee chima, tima ɔ tima an mbe gbonyɛ‑a. An sin, an faa ma koe yama nu, an mbe bea an fan fɛ. A yɛ to, an da ɔ yonka koo, an sin mbe da ma dia bai n sa wan mɔ dɔ mende n tena, min mbe a ma dechee, an faa ma koe ni chɛ an ye.

KO Ɔ NUNDENƐ 3:17

Koe min na mu, wo e a fɔ wan, wo ɔ, wo nyanden mu, wo ɔ, fen fen mbe wan wo boo ɔ, wo ɔ, fen fen ma gbɔsɔɛ ee wo ma. Chɛɛ wo ma a ɔ sɔn, mbɛ wo ma chinchinden mu, wo yɔnden mu, a ma boo kan kɔ kan mbe ee wo ye, wo fiondenɛ mu, wo ma senɛ ɛ.