1 TIMOTI 6:3 - Yataa 'a Dɔbɛnɛ Nama

³ Ni mɔ ɔ mɔ 'a kanɛ ka‑a chia chɛ ma, a ma bea ni mmɔ 'a mansa Chisɔsi Chasi 'a kan chɛ fɛ, a basan kan chɛ a a si ma koe ma Yataa fɔɛ ɔ,

1 TIMOTI 6:3 ပူးပေါင်းရင်းမြစ်များ

MATIU 22:21

Mbɛ an dɔ, “Domi kun ti wa an nɛ.” Mbɛ Chisɔsi ɔ, “Mbɛ fen chɛ nu, miin mu Domi kun ti wa boo fenɛ a, wo an be a ma. Mbɛ wo yɛ‑a, fen chɛ nu, miin mbe Yataa ko a, wo‑a an be Yataa ma.”

MATIU 28:20

A sin, wo ni mɔɛ n kan sawa chɛ n gbɛɛ bia koe a, n na‑a miin be wo ma. Wo sin ni dan to a a, mbɛ n mbe ma‑a wan wo fɛ tima ɔ tima, aan dunya chɛ ni ban bɛɛ.”

GBOO DOMI KO A 16:17

N bɔ Chisianɛ nu, n mbe wo disa tena wo ni wo kun ma fɛn mɔɛ chɛ n boo ɔ. Mɔɛ chɛ nu, miin mbe mɔɛ n dɔ fasan, an mbe sɔnkɔ sɔnkɔɛ a bea an tɛ ɔ. Mɔɛ chɛ nu, miin mbe an bɔɛ n ka tea chia ma. A yɛ to, wo kan‑da ko chɛndɛ miin ma, an mɔɛ chɛ n mbe wo kan ko dɔ gbɛɛ n na, miin mbe ee a chia ma. Wo ma gbɛn an mɔ bonda chɛ n ma.

Gboo Saa Tɛsadonika Ko A 4:8

Chɛ an‑na a fɔ, mɔ ɔ mɔ min mbe ban‑da kan chɛ ɔ, a ee ma‑a ka ban‑da mɔ gbu an dɔ. Chɛɛ ɛ ma‑a ka a kan kɔ sɔ‑a Yataa an na, min‑na a Nyina bea wo fɛ.

1 TIMOTI 1:10

A yɛ to, ɛ ko tɛ mɔɛ chɛ n fan ko a, mɔɛ miin mbe an bɔ mɔ kaima mun an 'na musu a. Mɔɛ chɛ n bɛɛ, miin mbe fania fɔ, ni miin mbe fania siiya chɛ. Mɔ ma tachɛ mɔɛ nu, ni miin mbe koe n ma, min kaen mu kan chɛndɛ chia ma.

1 TIMOTI 1:3

N toen mu i ni ma Ɛfisɔsi duu ɔ wan. I ma ka nɔ, yɔ n na‑a a fɔ buɛ min dɔ i ye, tima min na ni n mbe ta‑a Masidonia chɛnyɛ ɔ. Mɔɛ chɛ nu Ɛfisɔsi, miin mbe ka fania kan chɛ a, a fɔ an ye an ni sɛmbɛ a a.

1 TIMOTI 1:6

Dɔ n‑na an kan kɔ sɔ dan koe a chɛ n na, mbɛ an‑na an boo chɛ wooya kɔɔsa bia n dɔ.

2 TIMOTI 1:13

Bea tea bai chɛ n fɛ, n‑na i kan miin na. An ni ma tɔmɔsi a i tena. Koe min na mu, mmɔ ma‑a mɔ dɔndɔɛ a Chisɔsi Chasi a, a sin i ma sɛmbɛ dan koe ma a a, a basan koadia a.

2 TIMOTI 4:3

Koe min na mu, tima ɛ che tena wan, mɔɛ n mbe ee an too ma sɔ‑a kan chɛ buɛ chɛndɛ ma. Chɛɛ an mbe bea‑a an fandi faa ma koe an fɛ, mbɛ an‑na kan chɛ mɔ sɛsɛ a sɔn sɔn an 'na tindanɛ, an too faa ma koe ɔ yian koe an na.

TAITƆSI 1:1

N fan Pɔɔ, n fan mbe ka gboo chɛ nyɛn‑da i tena, i wan Taitɔsi. N 'na denɛ mu gbɛ i a, danaya dɔndɔɛ ɔ Chisɔsi ko a. Yataa 'a wai chɛ mɔɛ mu n na, ni Chisɔsi Chasi 'a sɔ mɔɛ to. A‑a n sɔ, min mbe a ma, Yataa‑a a boo sɔ ka mɔɛ miin ma dan koe a a a, n ni a ma, an ni a 'a tea sakana bai a min. Mbɛ n‑na an sɔ chia chɛndɛ ma, ma koe a Yataa fɔɛ ɔ. Mbɛ an yii na tɛenɛ ɛ ma‑a kuɔ fɔ fɔɛ ma, Yataa min mbe ee fania fɔ, a‑a tooɔdia chɛ min na, a e na to dunya a dan‑da. Mmɔ baun mɔɛ Yataa‑a sakana bai chɛ ɔ yian fan, tima chɛndɛ ma, mbɛ a‑a n sɔ a ɔ yian koe a mɔɛ n na. Mmɔ Fa Yataa, an fea Chisɔsi Chasi a, mmɔ baun mɔɛ, an ni i dua, an ni faachima be i ma.

TAITƆSI 1:9

Ɛ ma mɔɛ an na, min danden mu tea sakana bai chɛ a, an‑na a kan min na. Chɛ an mbe a ma, a ni che kan chɛndɛ chɛ a, a ni chɛ n na ten, miin mbe kɔɔsa bia chɛ tena.

TAITƆSI 3:8

Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.