1 TIMOTI 6:2 - Yataa 'a Dɔbɛnɛ Nama

² Yɔn fa nu miin kai faen mu Chisɔsi a, an 'na yɔnɛ n ma tɛ an dɔ, kun dɔ an‑na a yen, mbɛ an gbɛɛ an mbe chia dɔndɔɛ an na. Chɛɛ an yɔn chɛ n ni wai chɛ an ko a an sɔɛ gbɛɛ a, a mu min na, an 'na tɔnɔnɛ ɛ ta tena an kai fa tena dɔndɔ gbe wan. N toen mu i ni koe chɛ n kan, i ni an ma din.

1 TIMOTI 6:2 ပူးပေါင်းရင်းမြစ်များ

MATIU 23:8

Chɛɛ wo dɔndɔ wɛɛ ma dɔn mɔɛ n ni wo chee, kan mɔ, koe min na mu, wo gbɛɛ mu mɔ dɔndɔɛ n fan na. A sin, kan mɔ dɔndɔ gbe an mbe wo ko a.

MATIU 25:40

Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an na‑a koe chɛ n gbɛɛ chɛ wan n fɛ mɔɛ den tachɛen bɛɛ ye, baa ee miin ma an tɛ ɔ, n dɔ, an nii ma a chɛ ni ka an fan ye, an na‑a a chɛ ka n fan ye.

MATIU 6:24

Chisɔsi ɔ, “Mɔ ɔ mɔ ee che ma‑a wai chɛ mɔɛ a kun ti fea kɔɔ. Ni chɛ ma‑a, dɔndɔɛ ko a ee dia a ye a ni che dɔndɔɛ ɔ. Ɛ kooya be‑a wan dɔndɔɛ ma, a ni ben a bɔɛ ma. Chɛ an fɛ mu, e ee che wai chɛ‑a Yataa ye, mbɛ i‑a wai chɛ kɔpɔɛ wɛɛ ye dɔndɔ a.

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

GBOO DOMI KO A 11:17

A maen fan mu ka gbɛ yɔ an kɔn chɛ bonɛ dɔ n ka‑a a ma, mbɛ fia kɔnɛ dɔ gbɛɛ bonɛ ya a, mbɛ a chii‑a kɔnɛ bonɛ chɛ gba ɔ. Fia kɔn chɛ ɛ ka gbɛ kana‑a kɔn chɛ a tifa an dɔ. Wo wan mɔɛ chɛ nu, wo wɛn ma Chu mɔ a, wo e ka wan. Wo e ka gbɛ kana‑a mɔɛ chɛ n na tifa an dɔ Yataa tena, mɔɛ chɛ nu, miin mu Chu mɔɛ n na.

GBOO DOMI KO A 8:29

An mɔɛ chɛ nu, Yataa na‑a an sɔn pɛn chɛndɛ chɛ, mbɛ a‑a a boo sɔ an ma. An mbe ma‑a wan gbɛ yɔ a 'a denɛ Chisɔsi. A 'a den chɛ ɛ ma‑a gbɛ denɛ saa an na, den sɛsɛ wa chɛ n ya ɔ.

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

Gboo Ɛfisɔsi Ko A 1:1

N fan Pɔɔ, n fan mbe gboo chɛ nyɛn tena. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. N fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, wo wɛn mbe a a tun tena wo kai fa koe a Chisɔsi Chasi a, Ɛfisɔsi duu ɔ.

Gboo Ɛfisɔsi Ko A 1:15

Chɛ ko a, n ma sɛmbɛ ni, Yataa wai bɔ koe a wo ko a. Koe min na mu, n‑na a a min wo kai faen mu buɛ min dɔ Mansa Chisɔsi a. A yɛ to, wo toen mu buɛ min dɔ Yataa 'a mɔɛ n gbɛɛ a. N mbe n yii na chii wan wo a, tima ɔ tima, ni n ma‑a samunɛ chɛ‑a.

Gboo Ɛfisɔsi Ko A 3:6

Yataa‑a dɔbɛn chɛ an yian an na. Mbɛ Chisianɛ miin ma Chu mɔ a, an mbe an ta ma sɔn‑da wan dua gbɛɛ ɔ, Yataa ɛ min be. Ɛ ma‑a wan dechee yɔ Chisianɛ nu, miin mu Chu mɔɛ n na, an mbe a ma sɔn‑da buɛ min dɔ. Mɔɛ miin ma Chu mɔ a, an ma‑a mɔ dɔndɔɛ a, an bɛ Chu mɔɛ n na. Yataa‑a a 'a mɔɛ n too ɔ dia min na, mɔɛ miin ma Chu mɔ a, an bɛɛ an mbe a ma sɔn‑da wan. Koe min na mu, an mu mɔ dɔndɔɛ an na Chisɔsi Chasi a. Yataa 'a sakana bai chɛndɛ‑a a fɔ ka wan.

Gboo Kɔdɔsai Ko A 1:2

N mbe gboo chɛ nyɛn tena wo wan tena, wo wan Yataa 'a mɔɛ chɛ nu, Kɔdɔsai duu ɔ. Wo gbɛɛ, wo wɛn danayaen mu, wo maenɛ ɛ mɔ dɔndɔɛ a, wo bɛ Chasi a. Mmɔ Fa Yataa ni wo dua, a ni faachima be wo ma.

Gboo Kɔdɔsai Ko A 1:4

Koe min na mu, nn‑na a a min, wo kai faen mu buɛ min dɔ Chisɔsi Chasi a. A sin to, koadia min nyɔn sima ɛ wo faa ɔ, Yataa 'a mɔɛ gbɛɛ ko a.

Gboo Kɔdɔsai Ko A 4:1

Yɔnɛ n mbe wo wɛn boo ɔ, wo kosan wo 'a yɔnɛ n bia‑a, a chia ma. A ni ma wo yii ma, mbɛ wo wɛɛ, wo kun ti ɛ wan banda bu ɔ.

GBOO FEAN BƆƐ TƐSADONIKA KO A 1:3

Nn suun ma nyɔɛ nu Chasi ɔ, nn mbe samunɛ chɛ tena tima ɔ tima wo ko a. A sin nyin fan nn ni a ma ka. Koe min na mu, wo 'a kaifa Chisɔsi a, a ma ɛ munda tena wan kaka. A sin to, koadia ma ɛ munda tena wan wo faa ɔ, wo nyɔn ko a.

1 TIMOTI 4:11

N toen mu i ni gboo nyɛnden chɛ a ben an tena, mbɛ i‑a an kan.

1 TIMOTI 5:1

I ma koɔ ma sɛen chɛ chenan kai n tena. Chɛɛ koɔ a tena basɔmaya a, yɔ e koɔ buɛ min dɔ i fa tena. Kamin tɔngbɔɛ n bia yɔ i dɔ kaima nu.

TAITƆSI 2:1

Chɛɛ i tana, i wan Taitɔsi, e kanɛ min chɛ, a ni ma kan chɛndɛ an na.

TAITƆSI 2:15

Yataa 'a gbasaya ɛ i boo ɔ gbɛ, i ni koe chɛ n gbɛɛ ɔ yian mɔɛ n na, i ni dasi be, i ni an 'na ko yama fɔ an ye. I ma a ma mɔ ɔ mɔ ni baa bɔ i ma.

TAITƆSI 3:8

Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.

GBOO IBU MƆƐ N KO A 3:1

Chɛ an fɛ mu, nn suun ma nyɔɛ nu Chasi ɔ, wo wɛn mbe tenchen Yataa ko a, a sin na‑a wo wɛɛ chee wan, wo wo yii na chii wɛ Chisɔsi chɛ a. Mmɔ ɛ a fɔ wan, mbɛ Yataa 'a sɔ mɔɛ mu a a, a sin, tɛ mɔ wa mu a a, mɔ gbu n tɛ Yataa a.

GBOO IBU MƆƐ N KO A 3:14

Koe min na mu, mmɔ gbɛɛ, mmɔ bɛ Chasi a, mmɔ ɛ ko dɔndɔɛ an dɔ. Ɛ ma‑a ka wan, ni mmɔ‑a danaya saa chɛ bia gban, aan mmɔ 'a fɔɛ danka a.

1 PITA 5:1

Sanche gbɛ, bai ɛ n da a wo ko a, wo wan gbakoo nu chɔchi n dɔ. N fandi wɛɛ, n mu chɔchi gbakoo dɔndɔ an na. A sin, siiya dɔndɔ mu n na, tɔɔya chɛ ko a, Chasi na‑a min dɔ bia. N sin, n bɛɛ n mbe an basɔmaya chɛ ma sɔn‑da wan, min dɔ ɛ yen‑da. Chɛ an fɛ mu, wo wan, n bɔ chɔchi gbakoo nu, n mbe koɔ tena wo tena n faa gbɛɛ a.

2 PITA 2:10

A gbu sin mbe ma‑a ka wan an na, miin boo chɛenɛ ɛ ko tɛ ɔ, an sin gbɔsɔ ma, mbɛ Yataa 'a gbasaya ɛ wan nɔ. Fania kan chɛ mɔɛ chɛ nu, chianɛ ee ka miin ya a, an toen mu koe min na, an mbe an ma. An mbe ee basɔmaya be an ma, gbasaya ɛ miin boo ɔ banda bu ɔ. Chɛɛ an mbe an main fan.

CHUDA 1:8

Mɔɛ chɛ n bɛɛ, miin na‑a mmɔ tɛ ɔ yɛdɛn, an mbe an ko dɔndɔ gbe chɛ n fan ma tena. An 'na yiinachii ɛ a ma tena wan, an mbe ban‑da don koe a Yataa da a kuiɛ kɔɔ. Ɛ a ma tena wan to, an mbe an fandi gbu gboo bia‑a yama yama, a yɛ to, an mbe maeka n main‑da.