1 TIMOTI 5:7 - Yataa 'a Dɔbɛnɛ Nama

⁷ Dasi chɛ n din mɔɛ n ma, min mbe a ma, mɔ ɔ mɔ ee a tɛɛ si‑a an ma, ko ɔ ko ko a.

1 TIMOTI 5:7 ပူးပေါင်းရင်းမြစ်များ

Gboo Fiipai Ko A 2:15

Chɛ ɛ a ma‑a wan, tɛɛsi ee ma‑a wo ma, wo wɛn mu ka Yataa 'a denɛ n na. Wo tachɛ buɛ mɔ yama wa chɛ n tɛ ɔ, a ni nyan, a ma bɔ an ta a ɛnden bɛɛ a. Mabɔ ee ma‑a wo ma, mɔɛ chɛ n tɛ ɔ, miin dɔ chɛ chɛen mu, ko yama ma mɔ wa chɛ nu. Wo e man‑da wan an tɛ ɔ, yɔ tɔmbuaka n mbe man buɛ min dɔ pimbi ɔ.

1 TIMOTI 1:3

N toen mu i ni ma Ɛfisɔsi duu ɔ wan. I ma ka nɔ, yɔ n na‑a a fɔ buɛ min dɔ i ye, tima min na ni n mbe ta‑a Masidonia chɛnyɛ ɔ. Mɔɛ chɛ nu Ɛfisɔsi, miin mbe ka fania kan chɛ a, a fɔ an ye an ni sɛmbɛ a a.

1 TIMOTI 4:11

N toen mu i ni gboo nyɛnden chɛ a ben an tena, mbɛ i‑a an kan.

1 TIMOTI 6:17

N toen mu i ni a fɔ chɛ n ye, miin nyanden mu dunya chɛ ɔ, an ma dɔpandaya bɔ, an sin ma an yii sɔ an 'na nyanɛ ma, fenɛ mu a a, min ma namaen mu. Chɛɛ an ni an yii sɔ Yataa an ma, min mbe fen kɔ fen be mmɔ ma, mmɔ 'a buɔdia ko a.

2 TIMOTI 4:1

Chisɔsi Chasi ɛ ma‑a tima min na a 'a mansaya ɔ, ɛ mɔɛ gbɛɛ gbɛmbo‑a wan, fuɛ n bɛ chɛndɛ ba n na. Chɛ an fɛ mu, Yataa an fea Chasi a, an mbe mɔ yen tena wan. N mbe na tena chɛ an ma din‑da i tena gbau gbau.

TAITƆSI 1:13

A‑a tea bai an fɔ ka. Chɛ an fɛ mu, an tɛn dɔ tɛ chɛndɛ chɛ, min mbe a ma, an na ni ten Chisian danaya ɔ.

TAITƆSI 2:15

Yataa 'a gbasaya ɛ i boo ɔ gbɛ, i ni koe chɛ n gbɛɛ ɔ yian mɔɛ n na, i ni dasi be, i ni an 'na ko yama fɔ an ye. I ma a ma mɔ ɔ mɔ ni baa bɔ i ma.