1 TIMOTI 5:6 - Yataa 'a Dɔbɛnɛ Nama

⁶ Chɛɛ fuinya musu min kunɛ a fuinden mu buɔdia bɔ koe a, a nɛnɛ ban‑da, a fɔɛ ɛ wɛɛ boo ɔ boo a sun da a.

1 TIMOTI 5:6 ပူးပေါင်းရင်းမြစ်များ

MATIU 8:22

Chɛɛ Chisɔsi‑a a fɔ wan a wɛɛ ye, a ɔ, “Bea n fɛ. Mɔɛ miin mbe yɔ mɔ faenɛ nu, an to nɔ, an ni an 'na mɔ faenɛ n tɔn.”

DUKU 12:19

Mbɛ n mbe a fɔ‑a wan n fandi ye, n dɔ, “Nɛma tɔɛ, fen chɛndɛ gbɛɛ, n toen mu miin na fɔɛ chɛ ɔ, an mbe wan n boo ɔ. An sin mbe san sɛsɛ ya‑a wan n na. N faa ma gbaa ni to fɔɛ chɛ ɔ fen kan kɔ kan ko a. Chɛɛ n mbe daunɛ chɛ‑a wan, n ni minɛ chɛ, mbɛ n yɛ‑a, n‑na buɔdia bɔ.” ’

DUKU 15:13

Tee kuun den ben‑da kɛn, denɛ dɔma chɛ‑a a ta boo fen chɛ n gbɛɛ ma tachɛ, mbɛ a bɔ‑a a waa duu chɛ ɔ, kɔpɔɛ chɛ ɛ a boo ɔ. A ta‑a chɛnyɛ min dɔ, a ɔ ni yansan kaka. A ni kɛn nɔ an chɛnyɛ chɛ ɔ, a‑a kɔpɔɛ chɛ gbɛɛ yɔn baa baa chia an fan na.

DUKU 15:24

Koe min na mu, n 'na den chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ.’ Mbɛ an‑na a kuu sɔ daunɛ chɛ‑a an mbe ta‑a tɔmbɔɛ don‑da a boo ɔ.

DUKU 15:32

Chɛɛ mɔɔ ni mmɔ‑a buɔdia bonda chɛ bɔ, a mu min na, i dɔɛ chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ sanche.’ ”

DUKU 16:19

Mbɛ Chisɔsi ɔ, “Tima dɔndɔ a, nyan tɔ dɔndɔ ni wan nɔ, min toen ni a ma chii koe a koa baa gbanden ba n dɔ, mbɛ a sin tee ɔ tee a, a ni buɔdia wa an dɔ.

DUKU 7:25

Wo na‑a ta nyɔn yen koe a? Wo nii ma ta ni mɔɛ an yen koe a, min ma chiien ni koa baa gbandenɛ ɔ. Tea ko a, mɔɛ miin mbe an ma chii ka, a sin, nyan fen kan kɔ kan mbe an boo ɔ, an mbe ma kata n fan dɔ.

Gboo Ɛfisɔsi Ko A 2:1

A saa a, wo faenɛ ni, Yataa Nyina ta fɛ chia a. Koe min na mu, wo ni koe n ma wan, miin mbe ee a chia ma, ko yama nu.

Gboo Ɛfisɔsi Ko A 5:14

A sin gbu, fen kɔ fen min mbe yen‑da gbadan, an mu manɛ a. Chɛ an fɛ mu, Yataa 'a gboo‑a a fɔ, a ɔ, “Wo wo kɔɔ sɔ, wo wɛn mbe sa ɔ chinɔɛ ɔ, mbɛ wo‑a wo kɔɔ sɔ a ka saya ɔ, a sin, Chasi ɛ a 'a manɛ be‑a wo ma.”

Gboo Kɔdɔsai Ko A 2:13

Tima ni wan nɔ, wo faenɛ ni wo 'a ko yama n boo ɔ, Yataa tena. A sin, wo kunɛ nii ma bɔ ni wo 'a ko yama n dɔ, miin nii ma nyin mɔgbuya ɔ. Chɛɛ Yataa‑a wo a yɛ to fɔɛ ɔ, wo bɛ Chasi a. Mmɔ gbɛɛ, Yataa‑a a boo bɔ mmɔ 'a ko yama n dɔ.

2 TIMOTI 3:6

An dɔ n mbe ta mɔ n 'na chenɛ n fan na domɛɛ, an mbe ben‑da musu dɔ n yiima ɔ chɛ chɛ‑a, musu miin yiima ɔ dɔɔ. An musu chɛ n sin to, an 'na ko yama maenɛ tagbaenɛ an da ma, an mbe yɔncha ɔ an faa ma koe n boo ɔ.

CHIMISI 5:5

Wo 'a fɔɛ gbɛɛ ɔ nɛ dunya chɛ ɔ, wo e nyanɛ an dɔ, wo e wo faa ma koe kan kɔ kan ma‑a. Sanche gbɛ, wo bu ɔ di, wo sin tɔɔen mu. Kasaa chɛ tima an che‑a ka gbɛ.

KO Ɔ NUNDENƐ 18:7

Tɔɔya be a ma kaka, a basan faayɔnɛ a, a ni ka a 'a dɔpanda nyan tɔ fɔɛ min gbɛɛ ɔ, a nyɔn sima tɔɔya ni si a a. A ni a yonka wan tima ɔ tima, a ɔ, ‘N yen ko si ɔ n 'na mansaya wa ɔ, fuinya musu ma n na, n sin mbe ee fuinya musu di chɛ‑a fion.’

KO Ɔ NUNDENƐ 3:1

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Sadisi duu ɔ. A ɔ, “N fan, mɔɛ chɛ, n fɛn ta mu Yataa 'a nyina wɔnfea chɛ a, tɔmbuaka wɔnfea chɛ n mbe n fɛn boo ɔ,” a ɔ, “n 'na sakana an nɛ.” A ɔ, “N‑na a ɔ sɔn fan, wo e tachɛ tena buɛ min dɔ. Wo tɔ a diama taen mu, mbɛ mɔɛ mu wo a, miin kai faen mu n na, chɛɛ n fɛ mɔ ma wo a ɛnden bɛɛ a.