1 TIMOTI 5:5 - Yataa 'a Dɔbɛnɛ Nama

⁵ Fuinya musu chɛndɛ chɛndɛ, mɔ ee min boo ɔ, a yii faen mu Yataa an ma. Su ni tee a, ɛ samunɛ chɛ wan, ɛ ta‑a Yataa ɔ tisa‑a a deman koe a.

1 TIMOTI 5:5 ပူးပေါင်းရင်းမြစ်များ

DUKU 18:1

Tee dɔndɔ a, Chisɔsi‑a tai tɛ wan a fɛ denɛ n tena. Tai chɛ‑a a ɔ yian fan an na, mbɛ a nyin fan an ni samunɛ ma ti bia tima ɔ tima ko a. A yɛ to, an gboo ɔ ma fa samun chɛ a.

DUKU 18:7

Ni ɛ chɛ ma wan, mbɛ Yataa ɛ tea be‑a wan a 'a mɔɛ n ma, miin mbe di chɛ‑a a tena su ɔ tee a. A ee wo sa‑a tima ma, tee ɔ tee a.

DUKU 2:37

A to‑a fuinyaya chɛ an dɔ gbɛ, aan a sanɛ che‑a san bi sɛi kun ma naaninɛ ɔ. A nii bɔ Yataa 'a kata chɛ ɔ. Su ɔ ni tee a, ɛ Yataa fai wan nɔ, ɛ samunɛ chɛ, a basan sun bia a.

CHISƆSI 'A SƆ MƆƐ NU 26:7

An tooɔdia dɔndɔ gbe chɛ, mmɔ 'a dambi tan kun ma fea chɛ n gbɛɛ, an yii na tɛen mu an ma sɔn koe a. A sin fan mbe a ma tena, an mbe Yataa fai tena, su ɔ tee a, an faa gbɛɛ a. Mansa Akipa, yiinatɛ chɛ an ko a mu ka, n mbe nɛ sɔ ɔ kuti chen kɔɔ.

CHISƆSI 'A SƆ MƆƐ NU 6:1

Tima ɛnden benden gbakɔ, Chisɔsi fɛ denɛ n‑na a kuu sɔ wan kɔkoa‑a. Mbɛ koɛ bun‑da a kuu sɔ‑a an tɛ ɔ. Chu mɔɛ miin ka‑a Kiisi chɛnyɛ ɔ, an ni wan gbonyɛ‑a, mbɛ Chu mɔɛ miin suun‑da Chuusaɛn duu ɔ, an dɔ, an mbe ma fenɛ ɔ du‑a tee ɔ tee a, an mbe ee fen chɛ n be fuinya musu chɛ n ma, miin ka‑a ka Kiisi chɛnyɛ ɔ.

CHISƆSI 'A SƆ MƆƐ NU 9:39

Mbɛ Pita‑a a ma bɛn, an bɛ ta‑a mɔ fea chɛ n na. An‑na a fo kɛn, mɔɛ chɛ n‑na Pita ya wan, mbɛ an sɛ‑a a a banda chenɛ chɛ dumu chɛ ɔ. Fuinya musu n gbɛɛ, an tindan‑da wan Pita a, an mbe di chɛ‑a fiko fiko. An mbe ta‑a to koa n yian‑da Pita a, Dɔkasi na‑a miin nyan, a ni kɛn fɔɛ ɔ.

CHISƆSI 'A SƆ MƆƐ NU 9:41

Mbɛ Pita‑a a bia a boo ma, mbɛ a basan‑da a ma, a kɔɔ sɔ koe a, a ni sɔ. Mbɛ Pita‑a mɔɛ chɛ n gbɛɛ chee, miin na‑a an kai fa ka Chisɔsi a, a basan fuinya musu chɛ n na, mbɛ a‑a musu chɛ a yɛ an ma, a fɔɛ ɛ a sun da a.

GBOO DOMI KO A 1:12

N ta yiima ɔ, n toen mu mmɔ ni basan mmɔ nyɔn ma mmɔ 'a danaya ɔ. Wo 'a danaya ɛ kun‑da wan a ni basan n ma, mbɛ n ta danaya wɛɛ ɛ basan‑da wo ma.

GBOO DOMI KO A 1:5

Yataa‑a a ma wan, Chasi 'a duaya ɔ, nn ma‑a a 'a sɔ mɔɛ a. A‑a chɛ ma, min mbe a ma, nn ni a ma mɔɛ n gbɛɛ dunya ɔ, danaya ni ma an dɔ Yataa ko a, mbɛ an‑na kooya be Chisɔsi ma.

GBOO SAA KƆYINDI KO A 7:32

N ma to ni, faagbaa kan kɔ kan ni ma wo ma. Chisianɛ n tɛ ɔ, mɔ kaima miin ma musu si nin bɛ, an gbɔsɔen mu Mansa Chisɔsi 'a wai an na. Koe min na mu, an toen mu an ni koe n ma, miin mbe Mansa Chisɔsi faa chima.

GBOO SAA KƆYINDI KO A 7:34

A sin to, a faa ma ko ee dɔndɔ. Musu wɛɛ, a ni ma sunkun tɔngbɔ a, a ni ma sɛnama a, ni a ee kai boo ɔ, a gbɔsɔen mu Mansa Chisɔsi 'a wai an ko a. A toen mu, a ni Mansa Chisɔsi faa chima koe ma, a chɛ chɛ wai gbɛɛ ɔ, ni a 'a yiinachii gbɛɛ ɔ. Chɛɛ fuu musu tana, a faa gbaaen mu dunya chɛ ɔ koe an na, ɛ ma buɛ min dɔ, a ni a chɛɛ faa chima.

Gboo Ɛfisɔsi Ko A 6:18

Wo samunɛ chɛ, tima ɔ tima ko a, Yataa Nyina ɛ wo sɔ‑a buɛ min dɔ chia ma. Wo 'a samunɛ sin gbɛɛ ɔ, wo Yataa ɔ tisa, a ni basan wo ma. Chɛ ko a, ko ɔ ko ma a ma, wo gboo ɔ ni fa. Ni wo sin ma‑a samunɛ chɛ‑a tima ɔ tima ko a, wo a chɛ Yataa 'a mɔɛ n gbɛɛ ko a.

Gboo Fiipai Ko A 4:6

Ko ɔ ko kan kɔ kan ma wo faa gbaa. Chɛɛ wo 'a samunɛ ɔ, wo 'a Yataa ma nande ɔ, wo a ma, a ni a ɔ sɔn, wo toen mu a ni koe miin chɛ wo ye, tima ɔ tima ko a. A sin, wo a wai bɔ koe n gbɛɛ ko a, a‑a miin chɛ wo ye.

1 TIMOTI 2:1

N mbe a fɔ tena wo ye, a saa saa a ɔ, mbɛ wo ni samunɛ chɛ mɔ ɔ mɔ ko a. A sin, ni wo ma‑a Yataa ɔ tisa‑a, wo a disa chinchin koe a an ma, wo ni yɛ to, wo ni a wai bɔ.

1 TIMOTI 5:16

Ni musu kan kɔ kan, min kai faen mu Chisɔsi a, ni fuinya musu ma‑a a 'a suunɛ ɔ, a ni a kun ma fɛn. A ma a ma fuinya chɛ 'a suun fanka ma ni sa to chɔchi kun ma. Chɛ ɛ a ma‑a wan fuinya musu chɛndɛ chɛndɛ n mbe ee na‑a demanɛ ma sɔn‑da.

1 TIMOTI 5:3

Basɔmaya demanɛ be fuinya musu n ma, miin mbe an fandi kun ye.

2 TIMOTI 1:3

N mbe Yataa wai bɔ tena i ko a, n mbe wai chɛ tena min ye n yiima a koenɛ a fion, yɔ n bemba n ta bemba n ni a ma tee buɛ min dɔ. N mbe samunɛ chɛ tena i ko a su ɔ tee a.

1 PITA 3:5

Suun musu nu, miin ni tenchen Yataa ko a, an ni an fandi a bonchen ka wan. An yii na tɛen ni Yataa an ma, an mbe an chɛɛ n 'na gbasaya kɔɔ.