1 TIMOTI 5:3 - Yataa 'a Dɔbɛnɛ Nama

³ Basɔmaya demanɛ be fuinya musu n ma, miin mbe an fandi kun ye.

1 TIMOTI 5:3 ပူးပေါင်းရင်းမြစ်များ

MATIU 15:6

Wo ɔ te, mbɛ a ma din ni mɔɛ chɛ ma, ko chɛ koe a a fa ye, a basan a de a. Chɛ ɛ a ɔ yian fan, mbɛ wo‑a wo ta kanɛ a sɛ Yataa ta sawa kun ma.

MATIU 23:13

Mbɛ Chisɔsi‑a a fɔ, a ɔ, “Wo wan sawa kan mɔɛ chɛ nu, wo wan Fayisii nu, koe min mbe wo tan‑da, a yau gba wo ko a. Nɛnɛn fea ti mu wo a. Koe min na mu, wo ban‑da don koe a Yataa 'a mansaya kɔɔ, mbɛ wo‑a chia tɛ wo bɔ n bɛɛ ya ɔ don koe a nɔ.

DUKU 2:37

A to‑a fuinyaya chɛ an dɔ gbɛ, aan a sanɛ che‑a san bi sɛi kun ma naaninɛ ɔ. A nii bɔ Yataa 'a kata chɛ ɔ. Su ɔ ni tee a, ɛ Yataa fai wan nɔ, ɛ samunɛ chɛ, a basan sun bia a.

DUKU 7:12

A yen ko, an che‑a kɛn duu sundu kunɛ a, an‑na mɔ sɛsɛ tan fan, an mbe ta‑a kamin dɔndɔ tɔn‑da. An ni ta tena mɔɛ min tɔn‑da, a de ni fuinya musu an na, a sin a dɔndɔ gbe an ni a de boo ɔ den kaienɛ a. Mɔ sɛsɛ‑a a sɔ wan su chɛ fɛ a ka an duu chɛ ɔ.

CHƆN 1:47

Chisɔsi‑a Natanɛɛ yen kɛn na‑a a tena, a‑a chɛ an fɔ, a si a ma. A ɔ, “Isɔɛɛ mɔɛ chɛndɛ chɛndɛ a yen ko na‑a, tɔɛ chɛ bɛnden mu min kun ma. Mɔɛ mu a a, a ee mɔ ɔ mɔ bun.”

CHISƆSI 'A SƆ MƆƐ NU 6:1

Tima ɛnden benden gbakɔ, Chisɔsi fɛ denɛ n‑na a kuu sɔ wan kɔkoa‑a. Mbɛ koɛ bun‑da a kuu sɔ‑a an tɛ ɔ. Chu mɔɛ miin ka‑a Kiisi chɛnyɛ ɔ, an ni wan gbonyɛ‑a, mbɛ Chu mɔɛ miin suun‑da Chuusaɛn duu ɔ, an dɔ, an mbe ma fenɛ ɔ du‑a tee ɔ tee a, an mbe ee fen chɛ n be fuinya musu chɛ n ma, miin ka‑a ka Kiisi chɛnyɛ ɔ.

CHISƆSI 'A SƆ MƆƐ NU 9:39

Mbɛ Pita‑a a ma bɛn, an bɛ ta‑a mɔ fea chɛ n na. An‑na a fo kɛn, mɔɛ chɛ n‑na Pita ya wan, mbɛ an sɛ‑a a a banda chenɛ chɛ dumu chɛ ɔ. Fuinya musu n gbɛɛ, an tindan‑da wan Pita a, an mbe di chɛ‑a fiko fiko. An mbe ta‑a to koa n yian‑da Pita a, Dɔkasi na‑a miin nyan, a ni kɛn fɔɛ ɔ.

CHISƆSI 'A SƆ MƆƐ NU 9:41

Mbɛ Pita‑a a bia a boo ma, mbɛ a basan‑da a ma, a kɔɔ sɔ koe a, a ni sɔ. Mbɛ Pita‑a mɔɛ chɛ n gbɛɛ chee, miin na‑a an kai fa ka Chisɔsi a, a basan fuinya musu chɛ n na, mbɛ a‑a musu chɛ a yɛ an ma, a fɔɛ ɛ a sun da a.

Gboo Saa Tɛsadonika Ko A 2:6

Nn tando koe nɛnɛ, a ee nn yii ma. Nn ma wo ɔ tisa ni a ma koe a, mɔ dɔ gbɛɛ n bɛɛ a.

1 TIMOTI 5:2

Sunkun tɔngbɔɛ n bia yɔ i tensa musu nu, musu ko kan kɔ kan ma na i yii ma an ko a, mbɛ i‑a chenan musu n bia yɔ i de.

CHIMISI 1:27

Mmɔ ɛ basan fan chiandenɛ n ma, an bɛ fuinya n na, ni an deman koe bɔ‑a. Mmɔ sin mbe ee a ma, dunya chɛ ɔ ko yama ma ni mmɔ wɛɛ ɔ chɛ. Chɛ an mu fɔɛ chɛndɛ a, mmɔ Fa Yataa toen mu min na, ma bɔ ee min ma.

1 PITA 2:17

Wo basɔmaya be mɔ ɔ mɔ ma. Wo to wo bɔɛ Chisianɛ n na. Wo chian Yataa ma, mbɛ wo‑a basɔmaya be kun ti wa ma.

1 PITA 3:7

A chia dɔndɔ gbe chɛ a to, wo wan mɔ kaima n bɛɛ ni baa be wo 'a musu n ma. A ni ma wo yii ma, mbɛ wo ɔ gbɛ a ben an ma. Chɛɛ fɔɛ nama ta fɛ chia a, wo e min ma sɔn‑da, wo a kanden fan mu Yataa tena. Chɛ an fɛ mu, wo wo 'a musu n bia chɛndɛ chɛ, wo bɛ an mbe Yataa 'a koadia demanɛ chɛ ma sɔn‑da. Ni wo‑a chɛ ma, ko ɔ ko ee wo 'a samunɛ ka‑a a chia ma.