1 TIMOTI 4:6 - Yataa 'a Dɔbɛnɛ Nama

⁶ Ni i gboo ɔ ma fa ni dasi chɛ be koe a suun ma nyɔɛ n ma, ni i‑a Chisian danaya ɔ bai sa i faa ɔ, a basan kan chɛndɛ a, i bea‑a min fɛ chɛ gbɛɛ ɔ, e ma‑a wan wai chɛ mɔɛ chɛndɛ a Chisɔsi Chasi ko a.

1 TIMOTI 4:6 ပူးပေါင်းရင်းမြစ်များ

MATIU 13:52

Mbɛ a ɔ, “Chɛ ma yau. Koe min na mu, ni mɔ ɔ mɔ‑a Yataa 'a sawa sɔn, ni mɔ ɔ mɔ‑a n 'na kanɛ sɔn, a si Yataa 'a mansaya ma, ɛ wan yɔ chen ti. Ni a boo fenɛ ma gbɔsɔɛ‑a a bia, ɛ a bɔ wan a ka a sa tena ɔ bɛn tena, a boo fenɛ kɔma basan a nama a.”

DUKU 1:3

N bɛɛ, n‑na an koe chɛ n ma mɛn fan chɛndɛ chɛ, a ka an kuu sɔ tena ma. Chɛ an‑na a ma, kai Tɛyɔfidɔsi, n sin mbe an bɔ tena a gbee ma gbɛ gbɛ, n ni a nyɛn i tena,

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

CHISƆSI 'A SƆ MƆƐ NU 20:31

Chɛ an fɛ mu, wo wo wandi kun ma fɛn, mɔ bonda chɛ n boo ɔ. Wo wo yii na chii, mbɛ su ɔ tee a, n ni wo a si wan. N‑na chɛ ma wan san sawa ko a, di a n ya a.

CHISƆSI 'A SƆ MƆƐ NU 20:35

N‑na a ɔ yian fan wo a, chia ɔ chia a, mɔɛ ɛ wai chɛ buɛ min dɔ a boo a, basan koe a mɔɛ n ma, boo ee miin ma, an ma koe chɛ koe a. Mmɔ yii ɛ ma‑a wan bai chɛ kɔ, Mansa Chisɔsi na‑a min fɔ, a ɔ, ‘Dua ɛ fenɛ be mɔɛ ma kaka, a ni ben a bia mɔɛ ma.’ ”

GBOO DOMI KO A 15:15

Chɛɛ gboo chɛ ɔ, n ma ko ɔ ko ɔ nun ni wo ma, a si koe dɔ n ma, wo na‑a miin na min tee. Yataa 'a dua an na‑a a ma, n‑na n faa gbɛa bai chɛ n fɔ koe a.

GBOO SAA KƆYINDI KO A 4:17

Chɛ gbu an fɛ mu, n mbe Timoti sɔ tena wo tena. Mɔɛ mu a a, mɔɛ ɛ che i yii sɔ‑a min ma gbau gbau, wai chɛ koe a Chisɔsi Chasi ko a. N 'na denɛ mu gbɛ a a, n toen mu min na kaka. Ɛ a ma‑a wan wo ee nyina‑a koe n ma, n mbe bea tena miin fɛ, n 'na fɔɛ ɔ, Chisɔsi 'a sɔmɔya ɔ. N ni mɔɛ n kan ko dɔndɔ gbe chɛ n fan na, chɔchi kan kɔ kan dɔ, n ni ta miin dɔ.

GBOO FEAN BƆƐ KƆYINDI KO A 11:23

Ni wai chɛ mɔɛ mu an na, Chasi ko a, n mbe wɛɛ ka koɔ‑a yɔ woo mɔɛ, chɛɛ an wai chɛ mɔɛ chɛndɛ gbu mu n na, a ben an ma. N‑na wai chɛ, a ben an ma, n ta‑a pimbi chenɛ a, a ben an ma. N‑na gbasi min sin dɔ yen, dan mbe ee a ma. Tima sɛsɛ ko a, n ni ma wan saya baima, a ben an ma.

GBOO FEAN BƆƐ KƆYINDI KO A 3:6

An‑na a ma nn ma‑a wai chɛ mɔɛ chɛndɛ n na, Yataa 'a dɔbɛn nama chɛ ko a. Dɔbɛn nama chɛ sin, sawa ma min nyɛnden mu, chɛɛ Yataa Nyina mu. Sawa min nyɛnden mu, ɛ na saya an na, chɛɛ Yataa Nyina ta na, ɛ na fɔɛ an na.

GBOO FEAN BƆƐ KƆYINDI KO A 6:4

Chɛɛ nn mbe min ma, nn 'na wai chɛ buɛ gbɛɛ ɔ, nn mbe nn tachɛ buɛ ma mɛn fan, yɔ Yataa 'a wai chɛ mɔɛ nu. A chia chɛ a, nn mbe nn faa bia wan ko gbɛama n dɔ, yakɔɔtawa n dɔ, a basan ko yawaenɛ n dɔ a.

Gboo Ɛfisɔsi Ko A 6:21

N toen mu wo wɛɛ ni a ɔ sɔn, n mbe buɛ min dɔ sanche nɛ. Chɛ an fɛ mu, n mbe Tikikɔsi a na tena wo tena, a ni ko ɔ ko ɔ yian wo a, min mbe si tena n na. Mmɔ suun ma nyɔɛ an nɛ, min ko a di n ye, a sin, ɛ wai chɛ tena wan Mansa Chisɔsi ye, teaya ɔ.

Gboo Fiipai Ko A 2:20

Mɔ ee n boo ɔ, a ni che a ɔ, min ma bɛndenɛ ɛ che ma‑a, teaya ɔ, basan koe a wo ma.

Gboo Fiipai Ko A 2:22

Chɛɛ wo wandi gbu, wo‑a a ɔ sɔn fan, ɛ buɛ min dɔ n tena. Ɛ wan n tena, yɔ denɛ n fea a fa a. Nn fea chɛ, nn‑na wai chɛ wan, sakana bai chɛndɛ chɛ ɔ yian koe a.

Gboo Fiipai Ko A 3:16

Chɛɛ chɛ gbɛɛ ɔ, mmɔ‑a kanɛ min ma sɔn, mmɔ tachɛ a chia a.

Gboo Kɔdɔsai Ko A 2:19

An mbe ee Chasi bia‑a an boo fea a, a wɛn mu mmɔ kun ti a. Chasi an mbe na a 'a mɔɛ n gbɛɛ a kaina dɔndɔɛ. Ɛ wan dechee yɔ mɔ gbu gboo, ni a sɔna nu, an gbɛɛ‑a tun tunden mu buɛ min dɔ. Fasa mɛsɛ chɛ nu, miin mbe an dɔ, an tɛ ma tɛ ni, a sin an mbe wai chɛ kuiɛ dɔndɔya an dɔ. An mbe koa wan, yɔ Yataa toen mu an ni koa buɛ min dɔ.

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

Gboo Kɔdɔsai Ko A 4:7

Mmɔ suun ma nyɔɛ Tikikɔsi, min ko a di n ye, nn bɛ ɛ wai chɛ tena min na Chasi ko a, ɛ si‑a wan ko ɔ ko ma min ma‑a n na, a ni a ɔ yian wo a. Nn toen mu a a kaka, a sin mbe wai chɛ tena danaya ɔ, Chasi ko a.

Gboo Saa Tɛsadonika Ko A 3:2

Mbɛ Timoti sin, nn‑na a sɔ wo tena. Mmɔ suun ma nyɔɛ chɛ, nn bɛ ɛ wai chɛ tena min na Yataa ko a, sakana bai chɛndɛ sa koe a, a si Chasi ma. Nn‑na a ta wo tena, a ni a ma, wo ɔ ni gbɛa, wo ni wo kai fa Chisɔsi a gbau gbau.

1 TIMOTI 1:10

A yɛ to, ɛ ko tɛ mɔɛ chɛ n fan ko a, mɔɛ miin mbe an bɔ mɔ kaima mun an 'na musu a. Mɔɛ chɛ n bɛɛ, miin mbe fania fɔ, ni miin mbe fania siiya chɛ. Mɔ ma tachɛ mɔɛ nu, ni miin mbe koe n ma, min kaen mu kan chɛndɛ chia ma.

1 TIMOTI 4:16

Tima ya i ben buɛ a fɔɛ ɔ, a basan i‑a kan chɛ buɛ a. A ma yɔ n‑na a fɔ buɛ min dɔ i ye, min mbe a ma, i ni bauncha ma sɔn, wo bɛ i kuiɛ a min mɔɛ n na.

1 TIMOTI 6:3

Ni mɔ ɔ mɔ 'a kanɛ ka‑a chia chɛ ma, a ma bea ni mmɔ 'a mansa Chisɔsi Chasi 'a kan chɛ fɛ, a basan kan chɛ a a si ma koe ma Yataa fɔɛ ɔ,

2 TIMOTI 1:6

Chɛ an fɛ mu, n mbe a fɔ tena i ye to, mbɛ i ni tachɛ fen chɛ a chɛndɛ chɛ, Yataa‑a boo fenɛ min be i ma, n na‑a n boo bun i ma tima min na i dua koe a.

2 TIMOTI 3:10

Chɛɛ i tana gbɛ, i ban‑da n 'na kan chɛ buɛ ma mɛn‑da, ni n sɔnɛ, n yii ma koe fɔɛ ɔ, n 'na danaya Chisɔsi a, n 'na faabiaya, koadia n dɔ, a basan n 'na ko ɔ bia a.

2 TIMOTI 4:3

Koe min na mu, tima ɛ che tena wan, mɔɛ n mbe ee an too ma sɔ‑a kan chɛ buɛ chɛndɛ ma. Chɛɛ an mbe bea‑a an fandi faa ma koe an fɛ, mbɛ an‑na kan chɛ mɔ sɛsɛ a sɔn sɔn an 'na tindanɛ, an too faa ma koe ɔ yian koe an na.

TAITƆSI 2:1

Chɛɛ i tana, i wan Taitɔsi, e kanɛ min chɛ, a ni ma kan chɛndɛ an na.

1 PITA 2:2

Wo to Yataa 'a bai a min koe a, tima ɔ tima ko a, yɔ den toa toen mu buɛ min dɔ a de susu yii a. Wo a a min, min mbe a ma, wo ni kɔɔ Yataa sɔnɛ ɔ, mbɛ wo‑a bauncha ma sɔn.

2 CHƆN 1:9

Mɔ ɔ mɔ min ma a too ma sɔ ni kan chɛ ma, Chasi‑a min chɛ, chɛɛ a‑a a ta sa a kun ma, a mɔɛ chɛ ma mɔ dɔndɔ a an fea Yataa a. Mɔ ɔ mɔ min mbe a too ma sɔ‑a kan chɛ ma, Chasi‑a min chɛ, a mɔɛ chɛ ma‑a mɔ dɔndɔɛ a, an fea Fa Yataa a, a basan a 'a denɛ Chisɔsi a.

CHUDA 1:5

Wo‑a chɛ ɔ sɔn bɛɛ boo ɔ boo, chɛɛ n mbe a ɔ yian‑da wan to wo a. Mbɛ Yataa na‑a Isɔɛɛ mɔɛ n bɔ wan yɔncha ɔ Ichipi chɛnyɛ ɔ. Chɛɛ chɛ gbakɔ, an dɔ nu, a‑a an kasaa wan, koe min na mu, an ma dɔn ni dan koe a a wan Yataa a.