1 TIMOTI 4:4 - Yataa 'a Dɔbɛnɛ Nama

⁴ Yataa‑a fenɛ min gbɛɛ a dan, a nyin fan. A dɔndɔ wɛɛ ma nyin mɔ ni ban a ɔ, ni mɔ‑a min kɔ min ma sɔn wai bɔɛ ɔ.

1 TIMOTI 4:4 ပူးပေါင်းရင်းမြစ်များ

CHISƆSI 'A SƆ MƆƐ NU 10:15

Mbɛ mɔɛ chɛ kuiɛ chɛ‑a a fɔ to a ye, a ɔ, “Yataa ɛ a fɔ fenɛ min ma, a nyin, i ma a fɔ, mbɛ a ma nyamuienɛ mu.”

CHISƆSI 'A SƆ MƆƐ NU 15:29

Wo ma daun fenɛ daun, mɔɛ n‑na min bɔ yasi a, fen chɛ n tena, miin ma Yataa a. Wo ma soe kan kɔ kan daun, min kanɛ a ma tɛ ni, wo gbu sin ma wii daun. A yɛ to, wo ma koe tɛ. Ni wo ma wo boo chɛ ni to chɛ n dɔ, a nyin fan wo ko a. Wo mmɔ a gbɛ.

CHISƆSI 'A SƆ MƆƐ NU 21:25

Chɛɛ chɛ n tana, miin ma Chu mɔ a, chɛɛ an‑na an kai fa Chisɔsi a, nn‑na gboo nyɛndenɛ a ta wan an tena. Nn‑na a fɔ wan an ye, mbɛ nn ta yiima ɔ, an ma daun fen kan kɔ kan daun, mɔɛ n‑na min bɔ yasi a, fen chɛ n tena, miin ma Yataa a. A yɛ to, an ma wii daun, an gbu ma soe kan kɔ kan daun, min kanɛ a ma tɛ ni. A sin to, an ni an boo bɔ ko tɛ ɔ.”

GBOO DOMI KO A 14:14

N fan, nn fea Mansa Chisɔsi a, nn ma‑a gbɛ mɔ dɔndɔɛ a. Chɛ an fɛ mu, n‑na a sɔn fan, tea tea ko a, mbɛ daun fen kan kɔ kan mbe ee nɔ, mmɔ ɛ min daun, min ma nyamuien mu Yataa tena. Chɛɛ ni mɔ gbu dan‑da a a, mbɛ fenɛ ma nyin a daun koe a, an fen chɛ, mbɛ a ma nyamui‑a Yataa tena, a daun koe a an mɔɛ chɛ boo ɔ.

GBOO DOMI KO A 14:20

Daun fenɛ gbɛɛ, Yataa‑a min na bɔ, a nyin fan mɔ gbu ni an daun. Chɛɛ chɛ ma a ɔ yian ni, mbɛ mɔ gbu ɛ daun fenɛ gbɛɛ an daun. Ni mɔɛ‑a a ɔ sɔn, mbɛ a daun fenɛ ma nyin mɔ dɔ mende ko a, an mɔɛ chɛ ma an daun fen chɛ nɛnɛ daun, a ma na an mɔɛ chɛ ka Yataa 'a chia ma. A ma nyin ɛnden bɛɛ a, mmɔ daun fenɛ ni a ma Yataa boo gba ma ni yɔn.

GBOO DOMI KO A 14:6

An mɔɛ chɛ nu, miin mbe a ma tena, mbɛ tee ɛ wan nɔ, min mu tee wa a, an mɔɛ chɛ n mbe chɛ ma tena Mansa Yataa 'a basɔmaya an ko a. Mɔɛ chɛ nu, miin daun fen tɛ bɔ ee, an bɛɛ an mbe ma ka chɛ ma‑a Mansa Yataa 'a basɔmaya an ko a. Koe min na mu, daun fenɛ kan kɔ kan, an ni ma a daun‑da, an mbe Yataa wai bɔ pɛn, a be koe a an ma. Mɔɛ chɛ n bɛɛ, miin mbe an daun fenɛ tɛ bɔ, an bɛɛ ɛ ma ka basɔmaya be‑a Mansa Yataa an ma. Koe min na mu, an mbe ma ban‑da daun fen kan kɔ kan dɔ, an mbe Yataa wai bɔ wan, a ma koe a an ni ban a ɔ.

GBOO SAA KƆYINDI KO A 10:23

Wo dɔ n mbe a fɔ wan, wo ɔ, “Kɔn mbe ee sa ɔ n ya ɔ, ko ɔ ko ma koe a.” Chɛɛ koe gbɛɛ ma, min nyin a ma koe a wo boo ɔ. Wo ɔ te to, wo ɔ, “Kɔn mbe ee sa ɔ n ya ɔ, ko ɔ ko ma koe a.” Tea gbu mu, chɛɛ mɔ gbu ɛ koe miin gbɛɛ ma, an gbɛɛ an mbe ee che ma‑a basamaya a Chisianɛ n tena.

GBOO SAA KƆYINDI KO A 10:25

Koe yen ko, wo e min ma. Wo e kun fan wo ni fen kan kɔ kan daun, an mbe miin ma tachɛ machiti ɔ. Yiinachii kan kɔ kan mbe ee che ma‑a wo ɔ, an daun fen chɛ daun koe a.

GBOO SAA KƆYINDI KO A 10:26

Koe min na mu, a nyɛnden fan mu Yataa 'a gboo ɔ, mbɛ “Dunya chɛ, ni fen kɔ fen min mbe a ɔ, Mansa Yataa an ta mu an gbɛɛ a.”

GBOO SAA KƆYINDI KO A 10:30

Ni n‑na Yataa wai bɔ pɛn, mbɛ n‑na daun fen chɛ daun, mɔ ee n ma nyin chɛ ko a. Mɔ ee n ma nyin, koe min na mu, n‑na Yataa wai bɔ.

1 TIMOTI 4:3

An dɔ, mɔ ee musu si, a ee kai sɔn, a basan daun fenɛ dɔsa daun koe a. Chɛɛ Yataa‑a daun fen chɛ n na bɔ an daun koe an na, mɔɛ n boo ɔ, miin danden mu a a. An sin mbe a wai bɔ pɛn samunɛ ɔ, mbɛ an‑na a daun.