1 TIMOTI 4:12 - Yataa 'a Dɔbɛnɛ Nama

¹² I ma a ma mɔ ɔ mɔ ni a yii dɛn i ta kun ma, i kamin tɔngbɔya koe a. Chɛɛ ma tɔmɔsi a an ko a chia sɛsɛ a, i da a bai basan i sɔnɛ ɔ, koadia ɔ, danaya ɔ Chisɔsi a, a sin ma bɔ ee i sɔnɛ ma.

1 TIMOTI 4:12 ပူးပေါင်းရင်းမြစ်များ

MATIU 18:10

Chisɔsi ɔ te to, “Wo wo kun ma fɛn. Wo ma wo ya a yii n fɛ denɛ den tachɛen bɛɛ ma. N ni a ma din wo tena, mbɛ maeka n mbe wan an boo ɔ banda bu ɔ, tɛɛ ee miin tɛ an bɛ Fa Yataa a.

GBOO SAA KƆYINDI KO A 11:1

Chasi na‑a min ma, n mbe bea tena an fan fɛ. Wo wɛɛ, n mbe min ma tena, wo bea an fan fɛ.

Gboo Fiipai Ko A 4:8

N mbe min fɔ tena gbɛ sanche, n suun ma nyɔɛ nu Chasi ɔ, wo wo yii na chii koe chɛ n ma, baa ɛ miin ma, Yataa toen mu koe miin na. Koe nu, miin nyin, mabɔ ee miin ma ɛnden bɛɛ a, basɔmaya koe nu. Mɔɛ n mbe che kawa‑a koe miin ma, an mbe koe miin bai, dua ɛ koe miin dɔ.

Gboo Saa Tɛsadonika Ko A 1:6

Wo bea‑a wan nn chen gba fɛ, a basan Mansa Chisɔsi wɛɛ ta a. Wo‑a wo boo si wan a 'a sakana bai chɛ kɔɔ, a ma‑a wɛɛ ko yawaen dɔ bia a wo ma. Chɛ gbɛɛ ɔ, Yataa Nyina gboo ɔ ma fa ni a ma koe a wo bu ɔ ni dia.

Gboo Saa Tɛsadonika Ko A 2:10

Wo wandi gbu an mu nn 'na sii n na, ni Yataa wɛɛ. Mbɛ tɔmbɛ kan kɔ kan nii nn ma. Nn tanden fan ni, a yɛ to, nn sɔnɛ a koe n ni wo gbɛɛ tena, wo wɛn kai faen mu Chasi a.

1 TIMOTI 1:14

Mmɔ 'a mansa 'a bauncha koadia yii‑a n kun na. Chɛ‑a danaya chɛ wan n dɔ Chisɔsi Chasi ko a, a basan koadia a. Chɛ an mbe ma mmɔ a, ni mmɔ ma‑a mɔ dɔndɔɛ a, mmɔ bɛ Chisɔsi Chasi a.

2 TIMOTI 2:15

Butuin chɛ, min mbe a ma, Yataa faa ni chima i a. I ni ma wai chɛ mɔɛ chɛndɛ a, min mbe ee mau, a wandi gba ma, min mbe Yataa 'a bai kan tena teaya buɛ ɔ.

2 TIMOTI 2:22

Chɛ an‑na a fɔ, i boo bɔ kamin tɔngbɔya fɔɛ ɔ, i ni ma mɔ tandenɛ a, danaya ni ma i ɔ Chisɔsi ko a, koadia wɛɛ ni ma i ɔ, a basan faachima a. Chɛ ma, wo bɛ mɔɛ chɛ n na, wo bɛ ɛ Chisɔsi chee, miin na faa ɔ gbɛenɛ ɔ.

2 TIMOTI 2:7

I yii si koe chɛ n ma, n mbe miin fɔ tena, koe min na mu, mansa Chisɔsi ɛ a ma‑a wan, i ni an gbɛɛ ɔ gbɛ.

TAITƆSI 2:15

Yataa 'a gbasaya ɛ i boo ɔ gbɛ, i ni koe chɛ n gbɛɛ ɔ yian mɔɛ n na, i ni dasi be, i ni an 'na ko yama fɔ an ye. I ma a ma mɔ ɔ mɔ ni baa bɔ i ma.

TAITƆSI 2:7

A ɔ yian chia ɔ chia a, ko chɛndɛ ma ɔ, mbɛ mɔ chɛndɛ mu i a. A sin, ni i ma‑a kanɛ chɛ a, a yian mbɛ mɔ tandenɛ mu i a, basɔmaya ni ma i a kan chɛ ma.

CHIMISI 3:13

Wo tɛ ɔ, ni mɔɛ min yiima tɛen mu, a‑a koe ɔ gbɛ, an mɔɛ chɛ ni chɛ ma. Mɔɛ n ni a ɔ yen, fɔɛ chɛndɛ ma, ɛ min dɔ. An ni a ɔ yen ko chɛndɛ ma, ɛ min ma, yonka ee a fɛ. Chɛ an mbe yiimatɛ ɔ yian.

CHIMISI 3:17

Chɛɛ koe saa saa mu min na, Yataa ta yiimatɛ, ko ɔ ko ee a ma. Sɔnkɔ sɔnkɔ ee a kɔ chia a, faachima an mbe a ɔ. A yɛ to, basamaya an be a ɔ, chinchimaya, ni ko chɛndɛ ma. Yiimatɛ an nɛ, min mbe ee mɔ ya bɔ, nɛnɛn feaya sin mbe ee a ɔ.

1 PITA 5:3

Wo ma ma mansa n na mɔɛ chɛ n kun ma, Yataa‑a miin be wo ma an kun ma fɛn koe a. Chɛɛ wo sɔnɛ ni ma tɔmɔsi chɛndɛ a an tena, a nyin an ni bea min fɛ.