1 TIMOTI 4:1 - Yataa 'a Dɔbɛnɛ Nama

¹ Chɛɛ Yataa Nyina ɔ, tima ɛ che‑a wan mɔɛ n ni sɛmbɛ dan koe a Chisɔsi Chasi a, mbɛ an bea nyina yama da a kuiɛ fɛ, a basan fania kanɛ a.

1 TIMOTI 4:1 ပူးပေါင်းရင်းမြစ်များ

MATIU 18:7

A yau gba mɔɛ n ko a dunya ɔ, a mu min na, koe n mbe wan nɔ, miin mbe an na dɛ‑a ko yama ma ɔ. Ko yama gbu n mbe ma wan, chɛɛ a yau gba mɔɛ chɛ ko a, min mbe a bɔ mɔ gbu a dɛ‑a ko yama ma ɔ.

DUKU 17:1

Tee dɔndɔ a, Chisɔsi‑a a fɔ wan a fɛ denɛ n ye, a ɔ, “Koe n mbe ma‑a wan, min mbe a ma, mɔ gbu n ni dɛ ko yama ma ɔ. Chɛɛ a yau gba mɔɛ chɛ ko a, min mbe a bɔ mɔ gbu a dɛ‑a ko yama ma ɔ.

CHƆN 16:13

Chɛɛ ni Yataa Nyina chɛ na‑a, min mbe tea ɔ yian a si Yataa ma, ɛ a ma‑a wan, wo ni tea gbɛɛ ɔ sɔn. A ee koɔ‑a wo tena a kun ma gbasaya n dɔ, chɛɛ ɛ min na min‑da Yataa a, ɛ an fɔ‑a wo ye. A sin, koe miin mbe na tena ma‑a, ɛ an fan dɔ yian‑da wo a.

CHISƆSI 'A SƆ MƆƐ NU 13:2

Tee dɔndɔ a, an ni kɛn sun bia a, an mbe ta‑a Mansa Yataa fai‑a, Yataa Nyina‑a a fɔ wan an ye, a ɔ, “Wo a ma n ye, Banabasi, an fea Sɔɔ a, an ni ma tenchen wai chɛ ko a, n‑na an chee min chɛ koe a.”

CHISƆSI 'A SƆ MƆƐ NU 17:18

Kan chɛ mɔɛ dɔ nu to, miin ni kanɛ chɛ a si Ɛpikuyian koe ma, ni dɔ nu, miin ni kanɛ chɛ a si Sitoiki koe ma, an bɛɛ‑a Pɔɔ kɔɔsa bia wan. An dɔ, “Gboo kaa ma chɛ ɛ ka fen fɔ tena?” Mbɛ dɔ n sin‑na a fɔ, an dɔ, “Mɔɛ ɛ a yen, yɔ ɛ ka bai sa tena, a si sonda yataa n fan ma.” An‑na chɛ fɔ koe min na, Pɔɔ ni Yataa bai sa tena, a si Chisɔsi an ma, ni a kɔɔ sɔ koe a, a ka saya ɔ.

CHISƆSI 'A SƆ MƆƐ NU 20:23

Mɔɔ dechee Yataa Nyina ɛ min fɔ tena n ye, duu kan kɔ kan dɔ, n mbe ta min dɔ. Mbɛ tɔɔya sɛsɛ, a basan pimbi chenɛ a sa a, ɛ wan n ya ɔ.

CHISƆSI 'A SƆ MƆƐ NU 21:11

Akabɔsi chɛ na‑a wan nn tena, mbɛ a‑a Pɔɔ 'a bu tɛ chii yuu ya, a‑a a wandi chenɛ ɔ chii, a basan a boo a. Mbɛ a‑a a fɔ, a ɔ, “Yataa Nyina ɔ te, a ɔ, mɔɛ min ta mu bu tɛ chii yuu chɛ a, Chu mɔɛ n mbe a chii‑a ka wan Chuusaɛn duu ɔ. A ɔ, an sin mbe a be‑a wan mɔɛ chɛ n ma, miin ma Chu mɔ a.”

CHISƆSI 'A SƆ MƆƐ NU 28:25

An mbe e na to bɔ‑a an bɛn chɛ ɔ, Pɔɔ danka‑a bai chɛ an ma an tena, a ɔ, “Yataa Nyina‑a tea an fɔ. A‑a chɛ fɔ wo bemba n ta bemba n fan ye, a‑a bai don kɛn Yataa 'a gbonka chɛ mɔɛ Aisaya da ɔ. Aisaya‑a a fɔ wan Yataa 'a gboo ɔ, a ɔ, ‘Ta Chu mɔɛ chɛ n tena, i ni a fɔ, i ɔ te, “Wo too gbu, ɛ koe a min‑da wan, chɛɛ wo ee ko ɔ ko ɔ gbɛ a, a sin, wo ya gbu, ɛ kaina yen‑da wan, chɛɛ wo ee ko ɔ ko ɔ gbɛ a. Koe min na mu, wo yiima a faen mu, wo too n sin sɔsɔenɛ mu, koe a min koe a, wo ya sin, wo‑a an na chii. Ni chɛ ma, wo ya n ni kaina ɔ yen‑da wan, wo too n ni koe a min, wo yiima ni koe ɔ gbɛ, a sin, wo e wo ya a mun‑da wan n ma, n sin, n fan Yataa, n mbe wo baun‑da wan.” ’ ” Mbɛ Pɔɔ ɔ te gbɛ, a ɔ, “A nyin wo ni a ɔ sɔn gbɛ, mbɛ Yataa 'a bauncha chɛ, a‑a a a che gbɛ mɔɛ chɛ n bɛɛ ma, miin ma Chu mɔ a. An sin mbe an too ma sɔ‑a wan.” Mbɛ an bɔ‑a kɛn an bɛn chɛ ɔ, an gbɛɛ ni wan an nyɔn kɔɔsa bia‑a, mbɛ an ta‑a an baa nu.

GBOO SAA KƆYINDI KO A 10:20

Chɛɛ n mbe min fɔ tena, mbɛ an mbe yasi miin bɔ tena, an mbe an bɔ tena nyina yama n fan ma, an mbe ee an bɔ tena Yataa an tena. A ee dia n ye, n ni wo yen kuiɛ dɔndɔɛ ɔ, wo bɛ nyina yama n na.

GBOO SAA KƆYINDI KO A 11:19

Tɛnɛ ko ma chɛ a n tena. A gbu nyin fan, wo ni ma sɔ ɔ wo nyɔn kanɛ ɔ. Chɛ an mbe a ma‑a, tea ɛ miin boo ɔ, an ma ni gbɛ chɛndɛ chɛ.

GBOO SAA KƆYINDI KO A 12:11

Yataa Nyina dɔndɔ gbe, an mbe a ma koe chɛ n gbɛɛ, an mbe che ma‑a, a ta faa ma a a. Mɔ gbu gbɛɛ, dɔndɔ dɔndɔɛ a, mmɔ ɛ dua chɛ ma sɔn an na.

GBOO SAA KƆYINDI KO A 2:10

Chɛɛ Yataa‑a koe chɛ n dɔ yian mmɔ a, a Nyina 'a gbasaya an dɔ, a‑a min na na mmɔ tena. Koe min na mu, Yataa Nyina chɛ ɛ ko ɔ ko kɔɔ gbɛngbɛn fan, a ni ma Yataa yii ma koe wɛɛ a.

GBOO FEAN BƆƐ KƆYINDI KO A 11:3

Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

Gboo Kɔdɔsai Ko A 2:18

Wo ma dɔn mɔɛ chɛ n ni a fɔ wo ye, mbɛ wo ee Yataa chia ma. Mɔɛ chɛ nu, miin toen mu chii koe a wo ma, kooya be koe a maeka n ma, mbɛ wo‑a an fai. A yɛ to, an mbe a fɔ, an dɔ, an mbe koe n dɔ yen fan, miin dɔ nunden mu. An mbe ma‑a ka fania an dɔ, an mbe yonka tɛ‑a, mɔgbuya chia a, tea sin mbe ee a ɔ.

2 TIMOTI 3:13

A sin, mɔ yama nu, ni kankancha tɔɛ nu, an kun ma ɛ chɛ‑a wan tun tun. An mbe mɔɛ n na bea‑a wan, a sin mbe ma‑a an fandi wɛɛ a da bea an na.

2 TIMOTI 4:4

An mbe ban‑da wan an too ma sɔ koe a tea ma, mbɛ an‑na an too be tai n ma.

CHIMISI 3:15

Toomaya, ni mɔ gbu to koe a a wandi faa ma koe n na dechee, Yataa ta yiimatɛ ma an na. Dunya chɛ ma yiimatɛ an nɛ, Yataa Nyina ma to ni min na. Sitana an mbe dechee sɔ ɔ an yiimatɛ chɛ nyɔn sima kɔ.

1 PITA 1:20

Yataa e na to dunya chɛ a dan‑da, a na‑a a boo sɔ pɛn Chisɔsi ma, ma koe a ka. Chɛɛ tee dankama tee chɛ nɛnɛ n kɔɔ, Yataa‑a Chisɔsi yian wo deman koe an na.

2 PITA 2:1

Chɛɛ mɔ sɛsɛ n bɛɛ bɔ‑a wan suun, Isɔɛɛ mɔɛ n tɛ ɔ, an‑na fania fɔ, mbɛ Yataa 'a gbonka chɛ mɔɛ mu an na. A chia dɔndɔ gbe chɛ a mu, fania kan chɛ mɔɛ n mbe bɔ‑a wo wɛɛ tɛ ɔ. An mbe fania kanɛ chɛ‑a wan, min mbe na kasaa a. An mbe mansa chɛ kɔɔsa bia wan, a wɛn‑na an kun ka. Chɛ sin fan mbe a ma‑a, an ni na kasaa a an fandi kun ma.

2 PITA 3:3

Koe saa saa gbu, a nyin wo ni min dɔ sɔn an nɛ. Mbɛ tee dankama nɛnɛ chɛ n kɔɔ, Chisɔsi Chasi e na to na‑a, mɔɛ n mbe na‑a wan wo tɛ ɔ, miin mu yɔnɛ n na. An mu yɔnɛ n na, an 'na fɔɛ ɔ, an faa ma koe yama n boo ɔ. An mbe wo ma yɛn‑da wan.

1 CHƆN 2:18

N 'na denɛ nu, mmɔ ɛ ka gbɛ tee dankama tee an kɔɔ, Chisɔsi Chasi na koe a to. A na‑a a fɔ wan wo ye, mbɛ Chasi chɛɛ ma nyɔɛ ɛ na tena wan, ɛ bɔ‑a mɔ gbu n tɛ ɔ wan. Sanche chɛ ɔ, a chɛɛ ma nyɔɛ n‑na an kun na bɔ. Chɛ an mbe a ɔ yian mmɔ a, mbɛ tee dankama tee che‑a.

1 CHƆN 4:6

Chɛɛ nn tana, nn mbe Yataa an ko a. Chia chɛ a mu, mmɔ ɛ tɛ bɔɛ sɔn mɔɛ ma, Yataa Nyina min mbe tea ɔ yian, ɛ min fɛ, an tɛ mɔɛ a, fania fɔ nyina gbama ɛ min fɛ. Mɔ ɔ mɔ min‑na Yataa sɔn, ɛ a too ma sɔ wan nn ma. Chɛɛ mɔɛ min mbe ee Yataa ko a, a mɔɛ chɛ ee a too ma sɔ nn ma.

CHUDA 1:18

An na‑a a fɔ wan wo ye, an dɔ, mɔɛ n mbe na‑a wan tee dankama nɛnɛ chɛ n kɔɔ, an dɔ, miin mbe bea‑a an 'na Yataa sɔn baiya koe n fɛ, miin na di an ye. An dɔ, an mɔɛ chɛ nu, an mbe mayɛma bun‑da wo ma, wo bɛ Yataa a.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.

KO Ɔ NUNDENƐ 13:14

A sin, a 'a kamaya koe chɛ n‑na mɔɛ n gbɛɛ bun fan dunya ma, Yataa‑a a too ka a ma ka koe miin ma koe a, soe yama saa chɛ ya kɔɔ. Soe yama fean bɔɛ chɛ‑a a saa chɛ a gbasaya a tachɛ wan, a fɔ koe a mɔɛ n ye, an ni soe yama saa chɛ bɔ nyɔɛ nyan. Mɔɛ ɛ a yen, yɔ an na‑a an soe yama saa chɛ fa wan chɛɛ chɛ mɛ a, mbɛ a yɛ‑a to fɔɛ ɔ.

KO Ɔ NUNDENƐ 16:14

Nyina yama ni an na, miin mbe a ma, kamaya koe n mbe ma. An mbe ta wan mansa kan kɔ kan tena dunya ma, an na kan koe a kaina dɔndɔɛ. An ni chɛ ma tena, chɛɛ chɛ koe an na tee wa chɛ ma, Yataa Mansa Wa 'a tee chɛ.

KO Ɔ NUNDENƐ 18:2

Mbɛ maeka chɛ‑a chee chɛ gbankon, a ɔ, “A teen fan mu, Babidon duu wa chɛ teen fan mu. A ma‑a gbɛ nyina yama n baa a, nyina yama kan kɔ kan bɛn tena, konde yama n gbɛɛ waa a.

KO Ɔ NUNDENƐ 18:23

Dambo wɛɛ ee manɛ be‑a to nɔ. Musu fuu mɔɛ nu, an 'na sɛnama nu, an kuiɛ a ee min‑da to nɔ. A 'a yua nu, an kan nyɔn nii dunya ɔ, a 'a suaya wa, a‑a dunya bun fan.”

KO Ɔ NUNDENƐ 19:20

Mbɛ an‑na soe yama chɛ bia wan, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. A‑a kamaya koe n ma wan an soe yama chɛ ya kɔɔɛ ma. An koe chɛ n fan na‑a mɔɛ chɛ n bun, miin na‑a soe yama chɛ 'a nyɛnɛ sa an ma, miin bɛɛ na‑a fen chɛ fai, fenɛ min bɔen ni soe yama chɛ a. Soe yama chɛ, an fea soe yama fean bɔɛ chɛ a, an na dɛ‑a wan ta man ba chɛ ɔ, sen gbandima wa faen ni min na.

KO Ɔ NUNDENƐ 2:11

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ ee saya fean bɔɛ chɛ‑a.”

KO Ɔ NUNDENƐ 2:17

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ, n mbe daun fen chɛ dɔ be‑a wan a ma a daun koe a, daun fen nunden chɛ. A yɛ to, n mbe senɛ be‑a wan an mɔɛ chɛ ma, senɛ min gbɛenɛ ɛ, a sin, tɔ nama an nyɛndenɛ ɛ ma‑a a ma. Mɔɛ min mbe senɛ chɛ ma sɔn‑da, an mu dechee mɔɛ a, min mbe tɔɛ chɛ sɔn‑da.”

KO Ɔ NUNDENƐ 2:29

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.”

KO Ɔ NUNDENƐ 2:7

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ miin mbe sɔ‑a gban Yataa ko a, an mɔɛ chɛ nu, n mbe a ma‑a wan, an ni kɔnɛ chɛ gbɔɛ daun, kɔn chɛ Yataa 'a yadi ɔ banda bu ɔ, min mbe kuɔ fɔ fɔɛ be.”

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.

KO Ɔ NUNDENƐ 20:8

A sin, ɛ ta‑a wan ben‑da mɔɛ n bun‑da, mɔɛ miin na fasandenɛ ɛ kan kɔ kan dunya ɔ. An mɔɛ chɛ dɔ n tɔ mu Koki, dɔ n tɔ mu Makoki. Sitana ɛ an gbɛɛ a kan‑da wan kaina chɛ, an mbe butuinɛ chɛ‑a kaina min. An kɔ ɛ koa‑a wan kaka, dan mbe ee ma‑a an ma.

KO Ɔ NUNDENƐ 3:13

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.”

KO Ɔ NUNDENƐ 3:22

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.”

KO Ɔ NUNDENƐ 3:6

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.”

KO Ɔ NUNDENƐ 9:20

Chɛɛ mɔɛ chɛ nu, miin kunɛ bɔ‑a koe chɛ n gbɛɛ ɔ, an ma an kan kɔ sɔ ni an 'na ko yama n na. An ma an boo bɔ ni nyina yama n fai koe a, ni fen chɛ n fai koe a, miin ma Yataa a. Fen chɛ nu, an fandi, an mbe miin nyan senɛ ɔ, sanu ɔ, kainɛ ɔ, kɔnɛ ɔ, a basan fen dɔ mende n na. Fenɛ miin mu ka, an ya ee kaina yen, an too wɛɛ ee koe a min, an sin mbe ee tachɛ chɛ.