1 TIMOTI 3:7 - Yataa 'a Dɔbɛnɛ Nama

⁷ A sɔnɛ ma ni kawa mɔɛ chɛ n ye, miin mbe baa kɔ, min mbe a ma, an mbe ee tɔ yama si‑a a kun ma, mbɛ a chɛɛ‑a Sitana 'a gbai a.

1 TIMOTI 3:7 ပူးပေါင်းရင်းမြစ်များ

MAKI 4:11

Mbɛ a ɔ an ma, “Mɔɛ gbɛɛ nii ma min dɔ sɔn tee a si Yataa 'a mansaya ma, a‑a an dɔ yian wo a. Chɛɛ mɔɛ tɔɛ chɛ nu, mmɔ bɛ ma miin na, n mbe koɔ an tena tai an dɔ.

CHISƆSI 'A SƆ MƆƐ NU 10:22

Mbɛ an dɔ, “Kaminɛ min mbe soya chɛmɛ dɔndɔɛ chɛ n ya ɔ, an‑na nn sɔ. A tɔ mu Kɔniyɔsi. A ɛ kooya be wan Yataa ma, a sin tanden mu. A sin to, Chu mɔɛ n gbɛɛ‑a basɔmaya be wan a ma. Maeka an bɔ‑a Kɔniyɔsi chɛ ya a, mbɛ a‑a a fɔ a ye, a ɔ, a ni i chee a 'a chenɛ a. A ɔ, a ni i da a bai a min, e min fɔ‑a.”

CHISƆSI 'A SƆ MƆƐ NU 22:12

“Damasikɔsi duu chɛ ɔ, kamin dɔndɔ ni wan nɔ, min tɔ ni Ananiyasi. A ni mɔɛ an na, min ni Yataa fai a faa gbɛɛ a, a sin ni koe chɛ n gbɛɛ ma wan, Chu n 'na sawa‑a miin fɔ. Chu mɔɛ n gbɛɛ Damasikɔsi, an mbe basɔmaya be wan a ma, a sɛmbɛnden na.

CHISƆSI 'A SƆ MƆƐ NU 6:3

Chɛ an fɛ mu, nn suun ma nyɔɛ nu Chasi ɔ, wo mɔ wɔnfea ya wo tɛ, basɔmaya ɛ wo boo ɔ miin ko a. Yataa Nyina ɛ miin fɛ, a yɛ to, miin yiima tɛen mu, min mbe a ma, nn ni wai chɛ nɛnɛ be an ma.

GBOO SAA KƆYINDI KO A 10:32

Wo ma mɔ ɔ mɔ sɔ chia yama ma, wo 'a fɔɛ ɔ. Wo ma Chu mɔ sɔ a ma, ni chɛ n bɛɛ miin ma Chu mɔ a. Wo gbu ma chɔchi ɔ mɔɛ n sɔ chia yama ma.

GBOO SAA KƆYINDI KO A 5:12

Yataa an 'na wai mu, kaa a tɛ koe a mɔɛ chɛ n bakoe ma, miin mbe ee chɔchi ɔ. N 'na wai ma chɛ a, kaa a tɛ koe a, a si an ma. Chɛɛ wo 'a wai an nɛ, wo ni kaa a tɛ, a si wo bɔɛ n ma, miin mbe chɔchi ɔ. Yataa 'a gboo‑a a fɔ ka wan, mbɛ wo ni mɔ yama gbain, a ni bɔ wo tɛ ɔ.

GBOO FEAN BƆƐ KƆYINDI KO A 6:3

Nn ma to ni, nn ni kɔnɛ sɔ mɔ ɔ mɔ ya ɔ. Chɛ an mbe a ma‑a, mɔ ɔ mɔ ee wai chɛ ma bɔ‑a, nn mbe min chɛ ka.

GBOO FEAN BƆƐ KƆYINDI KO A 8:21

Nn 'na yiinachii mu chɛ an na. Mbɛ nn ni koe ma, tea ɛ min dɔ, Mansa Yataa chen kɔɔ, ni mɔ gbu n bɛɛ ya a.

Gboo Kɔdɔsai Ko A 4:5

Mɔɛ chɛ nu, miin nii ma an kai fa ni Chisɔsi a, ni wo‑a chia ɔ chia ma sɔn, Chasi wakoe ɔ yian koe a an na, wo wo sɔɛ gbɛɛ chɛ a ɔ.

Gboo Saa Tɛsadonika Ko A 4:12

Ni wo‑a chɛ ma, basɔmaya ɛ ma‑a wan wo ma chɛ n tena, miin mu Yataa sɔn bai n na. A sin, wo ee na‑a mɔ ɔ mɔ ya ɔ fɛn‑da fen fen ko a, wo e to‑a min na.

Gboo Saa Tɛsadonika Ko A 5:22

Min kɔ min sin mu ko yama a, wo ma wo boo chɛ a ɔ.

1 TIMOTI 3:6

A ni ma mɔɛ an na min kai faen mu Chisɔsi a tima dɔ ko a. Chɛɛ ni tima kundu ko a mu dechee, kɔkɔɛ ɛ a ma‑a wan, a ni dɔpandaya bɔ. A sin, Yataa ee a tɔɔya‑a, yɔ Sitana ma‑a buɛ min dɔ.

1 TIMOTI 5:14

Chɛ an‑na a fɔ, n mbe to‑a wan fuinya musu tɔngbɔɛ ni kai sɔn to, an ni denɛ n suun, an ni an 'na chenɛ n kun ma fɛn. Chɛ ɛ a ma‑a wan mmɔ chɛɛ ma nyɔɛ ee chia sɔn‑da, mmɔ tɔ yama a fasan koe a.

1 TIMOTI 6:9

Chɛɛ miin toen mu an ni nyan, an mbe dɛ kan gbɛnɛ an dɔ, mbɛ an chɛɛ‑a Sitana 'a gbai a. An mbe ko sɛsɛ ma wan yiimatɛ ee min dɔ, a basan ko yama a. Chɛ ɛ an yɔn fan gbɔkɔɔ.

2 TIMOTI 2:26

Mbɛ an mbe yiimatɛ ma sɔn‑da wan, an ni bɔ gbai chɛ a, an na‑a chɛɛ ka Sitana 'a gbai min na, an ni min 'na sawa kɔɔ.

TAITƆSI 2:5

A yɛ to, an yiima ni tɛ chɛndɛ chɛ, an sɔnɛ a koenɛ ni ma, an ni ma musu chɛndɛ a chenɛ a, miin kooenɛ an chɛɛ n ye. Chɛ ɛ ma‑a wan, mɔ ɔ mɔ ee bai yama sa a si Yataa 'a sakana bai ma.

TAITƆSI 2:8

I da a bai tandenɛ ni ma, mabɔ ee ma min ma. Chɛ ɛ a ma‑a wan chɛɛ ma nyɔɛ n ni mau, bai yama ee ma‑a an da ɔ a fɔ koe a a si mmɔ ma.

3 CHƆN 1:12

Demetiɔsi tana, mɔ ɔ mɔ ɛ a bai tena wan. A sin tea gbu sin ko a, nn bɛɛ, nn mbe wan a bai tena. I sin‑na a ɔ sɔn fan, mbɛ ni nn na‑a chɛ ma, tea ɛ wan a ɔ.