1 TIMOTI 3:2 - Yataa 'a Dɔbɛnɛ Nama

² A mɔɛ chɛ ɛ ma mɔ tandenɛ an na. Musu dɔndɔ gbe an mbe ma a boo ɔ, mɔɛ min kosan a wandi bia‑a, basɔmaya tɔɛ, sonda bia mɔɛ, a sin kosan mɔɛ n kan‑da.

1 TIMOTI 3:2 ပူးပေါင်းရင်းမြစ်များ

DUKU 1:6

Sakaaya tanden fan ni Yataa tena, an fea a 'a musu Disabɛti a. A sin an 'na fɔɛ gbɛɛ ɔ, an ni Mansa Yataa 'a sawa n gbɛɛ bia wan.

DUKU 2:36

A tima chɛ a, bɔɔɛ dɔndɔ wɛɛ ni wan nɔ, min ni Yataa 'a gbonka chɛ mɔɛ a. A tɔ ni Ana, kai Fanuɛɛ 'a denɛ. Kai Fanuɛɛ chɛ na‑a bɔ Asaa 'a dambi ɔ wan. Bɔɔɛ Ana ni kai chia a san wɔnfea gbe, mbɛ a chɛɛ fa‑a, a chɛɛ min na‑a koa chii a a. A chenanchaen ba ni gbɛ.

GBOO DOMI KO A 12:13

Ni Yataa 'a mɔɛ n ma‑a yakɔɔtawa ɔ, an kɔ i boo fenɛ dɔ ɔ. Ni ben sonda na‑a i waa tima ɔ tima ko a, i boo si a kɔɔ i 'a chenɛ a.

Gboo Fiipai Ko A 2:15

Chɛ ɛ a ma‑a wan, tɛɛsi ee ma‑a wo ma, wo wɛn mu ka Yataa 'a denɛ n na. Wo tachɛ buɛ mɔ yama wa chɛ n tɛ ɔ, a ni nyan, a ma bɔ an ta a ɛnden bɛɛ a. Mabɔ ee ma‑a wo ma, mɔɛ chɛ n tɛ ɔ, miin dɔ chɛ chɛen mu, ko yama ma mɔ wa chɛ nu. Wo e man‑da wan an tɛ ɔ, yɔ tɔmbuaka n mbe man buɛ min dɔ pimbi ɔ.

1 TIMOTI 3:12

Mɔɛ miin mbe demanɛ chɛ chɔchi ɔ, musu dɔndɔ an mbe ma an boo ɔ. An ni kun an 'na chenɛ bia‑a chɛndɛ chɛ, a basan an 'na denɛ n na.

1 TIMOTI 3:8

Mɔɛ miin bɛɛ ɛ chɔchi ɔ demanɛ chɛ‑a, an ni ma basɔmaya tɔɛ n na. An ma ma nɛnɛn fea ti n na, an ma gbɛ wa min, an sin, kɔpɔɛ koe ma ma an faa ɔ kaka.

1 TIMOTI 4:3

An dɔ, mɔ ee musu si, a ee kai sɔn, a basan daun fenɛ dɔsa daun koe a. Chɛɛ Yataa‑a daun fen chɛ n na bɔ an daun koe an na, mɔɛ n boo ɔ, miin danden mu a a. An sin mbe a wai bɔ pɛn samunɛ ɔ, mbɛ an‑na a daun.

1 TIMOTI 5:10

Mɔɛ n sin mbe a bai wan a 'a ko chɛndɛ maenɛ wɛɛ ko a, min ni a ɔ. Mbɛ musu mu a a, min‑na a 'a denɛ n bɔ a ɔ chɛndɛ chɛ, a‑a a boo si sonda n kɔɔ a 'a chenɛ a, a‑a ko chɛndɛ sɛsɛ ma Chisianɛ n na. Mɔɛ miin bɛ ni yakɔɔtawa ɔ, a‑a an deman, a sin‑na a wandi be ko chɛndɛ ma a a.

1 TIMOTI 5:22

I 'a tima ya i boo bun koe a mɔɛ kun ma, a yian koe a gbakoo ya a. I 'a tima ya, mɔ dɔ mende 'a ko yama maenɛ a ee na sin i ma. To Yataa gbee an na tun.

1 TIMOTI 5:9

Ni i ma‑a fuinya musu kan kɔ kan tɔɛ sa‑a tɔɛ chɛ n kun ma, a ni ma fuinya an na min benden mu san bi wɔdɔɛ ma. A sin a tanden fan ni a chɛɛ tena.

2 TIMOTI 2:24

Mansa Yataa 'a wai chɛ mɔɛ sin ma koɔ yan mɔ a. Chɛɛ mɔ chɛndɛ mu a a mɔɛ gbɛɛ tena, kan chɛndɛ chɛ mɔɛ, a sin mbe koe a bia a ma.

TAITƆSI 2:2

A fɔ mɔ kaima ma taenɛ n ye, an ma gbɛ wa min, an ni ma basɔmaya tɔɛ n na, yiimatɛ tɔɛ nu, danaya ɛ miin dɔ Chisɔsi ko a chɛndɛ chɛ, a basan koadia a, ni faabia.

GBOO IBU MƆƐ N KO A 13:2

Wo ma wo boo bɔ ko chɛndɛ ma koe ɔ, sonda n na. Koe min na mu, mɔɛ dɔ n to‑a ko chɛndɛ ma an na, a yiima wɛɛ nii an dɔ, mbɛ an‑na an boo si maeka n kɔɔ.

GBOO IBU MƆƐ N KO A 3:14

Koe min na mu, mmɔ gbɛɛ, mmɔ bɛ Chasi a, mmɔ ɛ ko dɔndɔɛ an dɔ. Ɛ ma‑a ka wan, ni mmɔ‑a danaya saa chɛ bia gban, aan mmɔ 'a fɔɛ danka a.

1 PITA 4:7

A ɔ ma yansan to, mbɛ ko ɔ ko che‑a a danka a. Wo ma bɛndenɛ ni ma, wo ni kun tachɛ koe a wo wandi a chɛndɛ chɛ, wo ni kun samunɛ chɛ a, a chɛ buɛ a.

1 PITA 4:9

Ni wo bɔɛ n na‑a wo 'a chenɛ n na, sondaya a, wo ma gbonyɛ wo boo n si koe a an kɔɔ. An bɛɛ ni a ma ka wo ko a.

1 PITA 5:8

Wo ma bɛndenɛ ni ma tima ɔ tima ko a, wo ya a kaenɛ ɛ. Wo chɛɛ ma nyɔɛ, Sitana, ɛ ben ben tena dau‑a, yɔ yaa ɛ ma mɔɛ yan‑da a nimisa koe a.