1 TIMOTI 3:1 - Yataa 'a Dɔbɛnɛ Nama

¹ Tea bai yen ko, ni mɔɛ toen mu ya ɔ sɔ ya a chɔchi ɔ, a‑a wai chɛndɛ an ya ka.

1 TIMOTI 3:1 ပူးပေါင်းရင်းမြစ်များ

DUKU 15:10

A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, maeka n bɛɛ bu ɔ dia‑a ka wan.”

CHISƆSI 'A SƆ MƆƐ NU 1:20

Mbɛ Pita‑a a fɔ to, a ɔ, “Koe min na mu, a nyɛnden fan mu gboo chɛ ɔ, Yataa tando si gboo chɛ, mbɛ, ‘A 'a chenɛ n ni te, mɔ ɔ mɔ ma ma nɔ.’ A sin to, a ɔ, ‘A ni min chɛ tee, mɔ dɔ mende ni a chɛ.’

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

GBOO DOMI KO A 11:13

N mbe chɛ gbɛɛ fɔ tena wo wan ko a, wo wɛn ma Chu mɔ a. N mu ka buɛ min dɔ Chisɔsi 'a sɔ mɔɛ a, wo ko a, n bu ɔ diama mu tima ɔ tima ko a, n 'na wai chɛ koe a. N ni chɛ ma din ka wo tena. Ka wɛ n mbe koɔ gbɛ wo tena, wo wan mɔɛ chɛ nu, wo wɛn ma Chu mɔɛ n na. Tima min na wɛ n mbe Chisɔsi 'a sɔ dencha ɔ wo ko a, n bu ɔ diama mu, wai chɛ ɔ.

Gboo Ɛfisɔsi Ko A 4:12

A‑a chɛ n ma, min mbe a ma, mmɔ wɛn mu ka Yataa 'a mɔɛ n na, mmɔ ma ni bɛn an wai chɛ koe a. Chɛ ni a ma, mmɔ ɔ ni gbɛa gbau gbau, mmɔ wɛn mu Chasi gboo a.

Gboo Fiipai Ko A 1:1

N fan Pɔɔ, n fan mbe gboo chɛ nyɛn tena, nn fea Timoti a. Chisɔsi Chasi 'a wai chɛ mɔɛ mu nn na. Nn fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, miin ma‑a mɔ dɔndɔɛ a Chisɔsi Chasi a, Fiipai duu ɔ. A yɛ to, ni chɔchi ya ɔ sɔɛ n tena, an bɛ mɔɛ chɛ n na, miin mbe deman chɔchi ma.

Gboo Saa Tɛsadonika Ko A 5:14

Nn suun ma nyɔɛ nu Chasi ɔ, nn mbe wo ɔ tisa tena, wo ni dasi be baa baa tɔɛ n ma. Chiandia koo miin gboo ɔ, wo ni an faa ma nande, mbɛ wo‑a chɛ n deman, miin dɔ ma gbɛ. Wo wo faa bia mɔ ɔ mɔ a.

1 TIMOTI 1:15

Tea bai yen ko, Chisɔsi Chasi na‑a dunya ɔ ko yama ma mɔɛ n baun koe an na. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a. N fan Pɔɔ, ko yama ma mɔɛ n 'na mansa mu n na.

1 TIMOTI 4:9

Tea bai an nɛ. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a.

2 TIMOTI 2:11

Tea bai yen ko. Mmɔ ma min chɛ‑a mɔ dɔndɔɛ a Chasi a, mmɔ sɔn kɔma n bɛɛ, an na‑a fa‑a wan, an bɛ Chasi a, mmɔ bɛ ɛ ma‑a wan to a a banda bu ɔ.

TAITƆSI 1:7

Chɔchi ya ɔ sɔɛ sin, min mbe Yataa 'a wai kun ma, mabɔ ee ma a ma, dɔpanda tɔ ma a a, a faa ma gbandi, a sin mbe ee gbɛ wa min. Kɔpɔɛ wakoe ee koa a faa ɔ, a sin mbe ee ma gbun na bea mɔ a.

TAITƆSI 3:8

Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.

GBOO IBU MƆƐ N KO A 12:15

Wo tima ya, wo ma na wo kan kɔ sɔ koadia demanɛ a, Yataa ɛ min be. Wo dɔndɔ wɛɛ ma ma yɔ kɔn konama. Ni a koa‑a dechee, ɛ ma kɔn yama an na, a bɔɛ n tɛ ɔ.

1 PITA 2:25

A saa a, wo ni wan ben‑da wo kun ye, yɔ sa miin toenɛ a ɔ. Chɛɛ wo ya a yɛ‑a gbɛ Yataa ma, min mbe wo kun ma fɛn.

1 PITA 4:15

Ni wo dɔndɔ wɛɛ ma‑a ko yawaenɛ ɔ bia‑a, a ma ma mɔ fa ko a. A ma ma to kanka chɛ koe wɛɛ a. A yɛ to, ko yama dɔ gbɛɛ ma koe a, chɛ ma, wo da chɛ koe a mɔ dɔ mende n 'na koe ɔ.

1 PITA 5:2

Wo ni mɔɛ chɛ n kun ma fɛn chɔchi ɔ chɛndɛ chɛ, Yataa‑a miin be wo ma. Wo an kun ma fɛn wo faa gbɛɛ a, yɔ Yataa toen mu a buɛ min dɔ. Wo ma an kun ma fɛn faa ɔ nɔɛ a. Wo ma a chɛ pawa dechee an ko a. Chɛɛ wo‑a a chɛ, a chɛ koe a dia ko a.