Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 TIMOTI 2:8 - Yataa 'a Dɔbɛnɛ Nama

8 Ɛ n ta faa ɔ, mbɛ mɔ kaima nu kan kɔ kan an ni samunɛ chɛ Yataa tena. Ni an sin ma‑a a chɛ‑a, an tandenɛ ni ma, an faa ee tɛ, an mbe ee koɛ wɛɛ chɛ.

အခန်းကိုကြည့်ပါ။ ကော်ပီ




1 TIMOTI 2:8
48 ပူးပေါင်းရင်းမြစ်များ  

Mbɛ Chisɔsi ɔ, “N ni a ma din wo tena, wo e koe chɛ ma wan, n‑na min ma ka fiki kɔn chɛ a, ni danaya ma‑a wo ɔ Yataa ko a, mbɛ a sin sika ee wo ɔ. A sin mbe ee danka‑a chɛ dechee an ma. Chɛɛ wo e a fɔ‑a wan kɔnkɔɛ chɛ ma, wo ɔ, a ni kuɛn, a ni ta, a ni si yii wa ɔ, mbɛ a ma‑a, yɔ wo‑a a fɔ buɛ min dɔ.


Chɛɛ n mbe gbɛ sanche a fɔ tena wo ye, wo ko don ma nyɔɛ n ko a ni dia wo ye, a sin, wo ni samunɛ chɛ chɛ n ko a, miin mbe ko ma gbaaenɛ sa‑a wo ma.


I boo bɔ nn 'na ko yama n dɔ, yɔ nn bɛɛ, nn mbe nn boo bɔ buɛ min dɔ ko yama n dɔ, an mbe miin ma nn na.


Mbɛ Chisɔsi ɔ, “Fa Yataa, i boo bɔ mɔɛ chɛ n 'na ko yama n dɔ. A mu min na, an ma a ɔ sɔn, an mbe ka koe min nyɔn sima ma tena.” Chisɔsi gbangbandenɛ gbakɔ, soya chɛ n‑na chɛ fenɛ chɛ wan a 'a koa n ko a, min mbe a ma, an ni a ɔ sɔn, ni mɔ dɔndɔɛ ɛ min ma sɔn.


Mbɛ Chisɔsi‑a a fɛ denɛ n ya wan, mbɛ a bɔ‑a an na Chuusaɛn duu bu ɔ, a ta‑a an na Bɛtani tanda ɔ. A‑a a boo dɛn an kun ma, mbɛ a‑a an dua.


Mbɛ Chisɔsi ɔ, “Bɔɔɛ, dan n da a kuiɛ a. Tima ɛ na tena wan che‑a, tima min na, mɔɛ n mbe ee Fa Yataa fai‑a kɔnkɔɛ chɛ ma, an mbe ee a fai‑a Chuusaɛn duu wɛɛ ɔ.


An kamin chɛ ni mɔɛ an na, min ni kooya be Yataa ma. A ni Yataa fai wan tima ɔ tima ko a, an bɛ a 'a chen 'na mɔɛ n gbɛɛ a. A boo fenɛ nii ma dɔɔ, a ni min be, basan koe a yɔn tɔɛ n ma. A gboo ɔ nii fa, samunɛ chɛ koe a.


Mbɛ a‑a a fɔ, a ɔ, ‘Kɔniyɔsi, Yataa‑a i 'a samunɛ a min. A sin, a‑a a ɔ yen, e boo fenɛ miin be yɔn tɔɛ n ma.


A‑a maeka chɛ ma fɛn fan tidan, a chianden ba ɛ. Mbɛ a‑a a ɔ tisa, a ɔ, “Mansa, fen mu?” Mbɛ maeka chɛ ɔ, “Yataa‑a i 'a samunɛ n na min. A‑a a ɔ yen, e boo fenɛ miin be tena yɔn tɔɛ n ma. A sin, a ma bɛnden mu, a ni i 'a samunɛ a bia.


Chɛɛ nn 'na tima ban‑da kɛn nɔ duu chɛ ɔ, nn‑na nn saa wan an na, ta koe a. An gbɛɛ, musu nu, kai nu, an bɛ an 'na denɛ n na, an‑na nn ma sɔ wan. Nn che‑a kɛn yii da a, nn gbɛɛ, nn‑na nn kumbai gbangban fan, nn‑na samunɛ chɛ Yataa tena.


Mbɛ a‑a a kumbai gbangban duu ma, mbɛ a‑a samunɛ chɛ, a kuiɛ ma sɛenɛ a. A ɔ, “Mansa, i boo bɔ mɔɛ chɛ n 'na ko yama chɛ n dɔ, an mbe ka min ma‑a n na.” A ban‑da kɛn samun chɛ chɛ‑a, mbɛ a fa‑a.


Nn mbe gboo chɛ nyɛn tena, wo wan tena, wo wɛn mbe Yataa 'a chɔchi ɔ, Kɔyindi duu ɔ. Yataa na‑a wo wɛn chee, wo ni ma tenchen a ko a. Yataa‑a wo ma a ta mɔɛ n na, koe min na mu, a‑a wo ma mɔ dɔndɔɛ a Chisɔsi Chasi a. A‑a a ma ka wan mɔɛ n gbɛɛ a, miin mbe Mansa Chisɔsi tɔɛ chee tena, mmɔ 'a mansa, ni an 'na mansa, an baun koe a.


A ni ma‑a wan buɔdia a, ni wo ni wan yɔ n mbe buɛ min dɔ. Chɛɛ Yataa ɛ mɔ ɔ mɔ kɔ wan, a ta chia a. Ɛ mɔɛ dɔndɔɛ kɔ chia chɛ a, mbɛ a‑a dɔndɔɛ kɔ chia dɔ mende a.


Chɛɛ n mbe Yataa wai bɔ tena. Nn ma‑a mɔ dɔndɔɛ a, Chisɔsi Chasi a. An mbe a ma tena tima ɔ tima ko a, nn mbe kun Sitana ma. A sin, Yataa ɛ a ma wan, nn mbe sakana bai chɛ ɔ yian kan kɔ kan, a si Chasi ma, yɔ fen kunyɛ a diama ɛ ta buɛ min dɔ.


N suun ma nyɔɛ nu Chasi ɔ, n toen mu wo ni chɛ ɔ gbɛ. Mbɛ koe gbɛɛ, miin sien mu n na, an gbu an‑na a ma, sakana bai chɛndɛ chɛ a si Chisɔsi ma, a ta‑a ya ɔ ma.


A sin, Mansa Chisɔsi 'a sakana bai chɛ, ɛ che tena wan kan kɔ kan, a ka wo tena. A ma che ni mɔɛ chɛ n dechee ma, miin mbe Masidonia, a basan Akaya a. Nn fan mbe ee bai dɔ gbɛɛ fɔ to, a si a ma. Koe min na mu, nn ma ta kan kɔ kan, mɔɛ n ban‑da a a min‑da.


Chɛ an‑na a fɔ, n mbe to‑a wan fuinya musu tɔngbɔɛ ni kai sɔn to, an ni denɛ n suun, an ni an 'na chenɛ n kun ma fɛn. Chɛ ɛ a ma‑a wan mmɔ chɛɛ ma nyɔɛ ee chia sɔn‑da, mmɔ tɔ yama a fasan koe a.


Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.


Chɛ an fɛ mu, mmɔ na Yataa baima, faa chɛndɛ a, a yɛ to, mmɔ kai faenɛ a a gban. Mmɔ faa ɔ gbɛenɛ ni ma, mmɔ yiima a koenɛ ɛ fo, mmɔ gboo wɛɛ ma koenɛ, mmɔ gbɛenɛ fo.


Wo gbɛn Yataa ma, mbɛ a wɛɛ, ɛ gbɛn‑da wan wo ma. Wo wo boo a ko, wo wan ko yama ma mɔɛ nu. Wo faa ɔ ni gbɛ, wo wan nɛnɛn fea ti nu.


A chia dɔndɔ gbe chɛ a to, wo wan mɔ kaima n bɛɛ ni baa be wo 'a musu n ma. A ni ma wo yii ma, mbɛ wo ɔ gbɛ a ben an ma. Chɛɛ fɔɛ nama ta fɛ chia a, wo e min ma sɔn‑da, wo a kanden fan mu Yataa tena. Chɛ an fɛ mu, wo wo 'a musu n bia chɛndɛ chɛ, wo bɛ an mbe Yataa 'a koadia demanɛ chɛ ma sɔn‑da. Ni wo‑a chɛ ma, ko ɔ ko ee wo 'a samunɛ ka‑a a chia ma.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ