1 TIMOTI 2:6 - Yataa 'a Dɔbɛnɛ Nama

⁶ min‑na a wandi fɔɛ be, min mbe a ma, a ni mmɔ gbɛɛ kun ka. Chɛ‑a a ɔ yian fan a tima chɛ a, mbɛ tima gbu an che‑a ka, Yataa toen mu mmɔ gbɛɛ ni bauncha ma sɔn.

1 TIMOTI 2:6 ပူးပေါင်းရင်းမြစ်များ

MATIU 20:28

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

MAKI 1:15

A‑a a fɔ, a ɔ, “Tima gbu che‑a gbɛ. Ɛnden fan to‑a gbɛ, Yataa ni a 'a mansaya ɔ yian. Wo wo kan kɔ sɔ, wo 'a ko yama n na, wo ni dan sakana bai chɛndɛ chɛ a.”

MAKI 10:45

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

CHƆN 10:15

Ɛ ka wan dechee, yɔ Fa‑a n sɔn buɛ min dɔ chɛndɛ chɛ, n bɛɛ, n‑na a sɔn ka wan. A sin, n ma bɛnden fan mu, n fandi be koe a, n 'na sa n na tɔnɔnɛ ko a.

CHƆN 6:51

N fan mu fɔɛ be daun fen chɛ a, min yii‑a a ka banda bu ɔ. Ni mɔ ɔ mɔ‑a daun fen chɛ daun, ɛ kuɔ fɔ fɔɛ ma sɔn‑da wan. N mbe daun fen chɛ min sin be‑a a ma, a mu n gboo an na. N mbe a be‑a wan, fɔɛ ko a dunya ɔ.”

GBOO DOMI KO A 16:26

Chɛɛ sanche gbɛ, Yataa 'a gbonka chɛ mɔɛ chɛ n‑na fenɛ miin nyɛn Yataa 'a gboo ɔ, a‑a a ma wan mɔ sɛsɛ n‑na tea ko ɔ nunden chɛ ɔ sɔn. A sin, mɔɛ gbɛɛ dunya ma, an‑na an ko ɔ nunden chɛ ɔ sɔn gbɛ. Yataa Mansa, min mbe kuɔ fɔ fɔɛ be, an‑na chɛ ma, min mbe a ma, mɔɛ n ni an kai fa a a, mbɛ an‑na kooya be a ma.

GBOO DOMI KO A 5:6

Tima min na mmɔ nii che basan‑da mmɔ wandi ma, Chasi fa‑a wan mmɔ ko a, mmɔ ko yama ma mɔɛ chɛ nu. Yataa na‑a tima min yian, a fa‑a a tima chɛ an na.

GBOO SAA KƆYINDI KO A 1:6

Chɛ‑a a ɔ yian fan ka, mbɛ nn‑na bai min fɔ wo ye, a si Chisɔsi Chasi ma, mbɛ wo boo a sien mu a kɔɔ chɛndɛ chɛ.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

Gboo Kadesia Ko A 1:4

Mansa Chisɔsi chɛ, an na‑a a wandi be a fa koe a, mmɔ 'a ko yama n ko a. A na‑a chɛ ma, mɔ kun ka koe an na, mmɔ 'a ko yama n boo ɔ dunya chɛ ɔ. Mmɔ Fa Yataa sin faa ma koe, Chasi na‑a an ma ka.

Gboo Kadesia Ko A 4:4

Chɛɛ tima che‑a kɛn chɛndɛ chɛ, Yataa‑a a wandi gbu ta denɛ a na wan dunya ɔ. Musu an‑na a bu ya, mbɛ a‑a a suun mɔgbuya chia a. A sin, a ni sawa an kɔɔ, fɔɛ ɔ.

Gboo Ɛfisɔsi Ko A 1:17

N dɔ, mmɔ 'a mansa Chisɔsi Chasi 'a Yataa a, mmɔ fa min kamayaen mu, a ni a Nyina a yii ma koe a wo fɛ. An Nyina chɛ ni a ma, wo ni yiimatɛ wa ma sɔn, koe n dɔ gbɛ koe a chɛndɛ chɛ. A yɛ to, koe miin dɔ nundenɛ ɛ, a si a ma, wo ni an dɔ gbɛ.

Gboo Ɛfisɔsi Ko A 1:7

Mmɔ mu mɔ dɔndɔɛ a, mmɔ bɛ Chasi chɛ an na. A na‑a mmɔ kun ka wan, a wii chɛ a min bɔ‑a, a fa tima a. Yataa‑a a boo bɔ wan mmɔ 'a ko yama n dɔ. Yataa 'a koadia demanɛ da a ko gba.

Gboo Ɛfisɔsi Ko A 3:5

Suun, koe n fan nɛ, miin dɔ nii yian mɔ gbama n na. Yataa Nyina‑a a ɔ yian fan mɔɛ n na, miin mbe tenchen Yataa ko a. A‑a a ɔ yian Chasi 'a sɔ mɔɛ n na, an bɛ Yataa 'a gbonka chɛ mɔɛ n na.

Gboo Ɛfisɔsi Ko A 5:2

Koadia faa ni ma wo ɔ, yɔ Chasi to‑a buɛ min dɔ mmɔ a. A sin, a‑a a wandi fɔɛ be wan mmɔ ko a, a ma‑a yɔ yasi, min mbe Yataa faa chima.

GBOO FEAN BƆƐ TƐSADONIKA KO A 1:10

Chɛ an mbe ma‑a, ɛ na‑a tima min na an tee wa chɛ ma, tando ma sɔn koe a, a basan basɔmaya a. A ma sɔn koe a, a ka a ta mɔɛ chɛ n gbɛɛ a, miin kai faen mu a a. Wo wɛɛ, wo e ma‑a wan an tɛ ɔ. Koe min na mu, wo‑a wo kai fa sakana bai chɛ a, nn‑na min fɔ wo ye.

1 TIMOTI 6:15

An na chɛ, a tima ɛ Yataa an boo ɔ, tando ɛ min ma, mansa n kun ma mansa dɔndɔ gbe, mansa wa mansa n gbɛɛ ko a.

2 TIMOTI 1:8

Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

GBOO IBU MƆƐ N KO A 9:12

Kaina chɛ, min mbe tenchen Yataa ko a, a bɛbɛɛ gbu, a don‑da nɔ dɔndɔ gbe, a sin, a danka‑a an ma. A nii ma ta ni nɔ ba wii a, a boo ɔ, a ma ta ni ninchi tɔngbɔ wɛɛ wii a, mɔɔ dechee a wandi wii. A na‑a che ka wan kuɔ fɔ fɔɛ ma sɔn‑da mmɔ ko a.

1 PITA 2:24

Chisɔsi Chasi wandi gbu‑a mmɔ 'a ko yama n ya wan a gboo ɔ, a ta kɔn gbengbandenɛ ma, a‑a mɔnɛ ɔ bia an ko a nɔ. A na‑a chɛ ma, min mbe a ma, ni ko yama ma koe mu to, mbɛ mmɔ su mu gbɛ. Mmɔ ɛ gbɛ fɔɛ chɛndɛ an dɔ. Magba min chɛ‑a a a, an‑na a ma, wo‑a bauncha ma sɔn.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.

1 CHƆN 4:10

An ma a fɔ ni, mbɛ mmɔ wan to‑a Yataa a, chɛɛ a wan to‑a dechee mmɔ a. Chɛ‑a a ma wan, a wan Yataa, a‑a a 'a den chɛ a na, a ni ma yasi a mmɔ 'a ko yama n ko a. Koadia chɛ mu chɛ an na.

KO Ɔ NUNDENƐ 1:5

A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.

KO Ɔ NUNDENƐ 5:9

Mbɛ an‑na si nama a bɔ, an dɔ, “Gbasaya bɛnden mu i wan ma, gboo chɛ bia koe a, yuu tɛ koe a a ma. An‑na i wan fa, i 'a saya chɛ sin‑na a ma, i‑a mɔ gbu gbɛɛ kun ka Yataa ko a. Chɛ nu chɛnyɛ kunɛ n dɔ, chɛnyɛ koɛ n dɔ, ni dambi nu, an bɛ mɔ gbu kan kɔ kan na.