1 TIMOTI 2:1 - Yataa 'a Dɔbɛnɛ Nama

¹ N mbe a fɔ tena wo ye, a saa saa a ɔ, mbɛ wo ni samunɛ chɛ mɔ ɔ mɔ ko a. A sin, ni wo ma‑a Yataa ɔ tisa‑a, wo a disa chinchin koe a an ma, wo ni yɛ to, wo ni a wai bɔ.

1 TIMOTI 2:1 ပူးပေါင်းရင်းမြစ်များ

CHISƆSI 'A SƆ MƆƐ NU 17:30

Tima min na ni wo nii ma a ɔ sɔn, wo ni koe miin ma tena, Yataa‑a a ya ka a nɛnɛ a. Chɛɛ sanche gbɛ, ɛ a fɔ tena mɔ ɔ mɔ ye, dunya gbɛɛ ɔ, mbɛ an ni an kan kɔ sɔ an 'na ko yama n na.

GBOO DOMI KO A 1:8

Koe saa mu min na, n mbe Yataa wai bɔ tena wo gbɛɛ ko a, Chisɔsi Chasi 'a gbasaya ɔ. N mbe Yataa wai bɔ tena, koe min na mu, dunya gbɛɛ, an mbe a fɔ tena wan danaya min mbe wo ɔ Chisɔsi Chasi ko a.

GBOO DOMI KO A 6:17

Wo ni tee yɔnɛ n fan na, wo 'a ko yama n boo ɔ. Chɛɛ n mbe Yataa wai bɔ wan gbɛ wo ko a. Koe min na mu, wo‑a kooya be wo faa gbɛɛ a, wo‑a a be tea chɛ a min koe a, min mbe kan chɛ ɔ, Yataa‑a wo don kanɛ min kɔɔ.

GBOO SAA KƆYINDI KO A 15:3

A nyɛnden mu buɛ min dɔ Yataa 'a gboo ɔ, n‑na a a ben ka wan wo tena. Chɛ an mu koe chenama saa saa a, a ɔ gbɛ koe a. Mbɛ Chasi fa‑a mmɔ 'a ko yama n fan ko a.

GBOO FEAN BƆƐ KƆYINDI KO A 8:6

Chɛ ko a, nn bɛɛ, nn‑na a din fan Taitɔsi ma, min‑na wai chɛ kuu sɔ, a ni a a tun. A ni basan wo ma, wo ni wai chɛ nɛnɛ a ban, min mu koadia wai a.

Gboo Ɛfisɔsi Ko A 3:13

Chɛ an fɛ mu, wo dimu, wo faa ma yɔn, a si tɔɔya chɛ ma, n mbe min chɛ tena wo ko a. A gbu sin ni na basɔmaya a wo tena.

Gboo Ɛfisɔsi Ko A 5:20

Tima ɔ tima ko a, mmɔ Yataa wai bɔ, mmɔ Fa. Mmɔ a wai bɔ fen kɔ fen ko a. Mmɔ chɛ ma, Mansa Chisɔsi Chasi tɔɛ ɔ.

Gboo Ɛfisɔsi Ko A 6:18

Wo samunɛ chɛ, tima ɔ tima ko a, Yataa Nyina ɛ wo sɔ‑a buɛ min dɔ chia ma. Wo 'a samunɛ sin gbɛɛ ɔ, wo Yataa ɔ tisa, a ni basan wo ma. Chɛ ko a, ko ɔ ko ma a ma, wo gboo ɔ ni fa. Ni wo sin ma‑a samunɛ chɛ‑a tima ɔ tima ko a, wo a chɛ Yataa 'a mɔɛ n gbɛɛ ko a.

Gboo Fiipai Ko A 1:3

Tima ɔ tima, ni n‑na n yii na chii wo a, n mbe n 'na Yataa wai bɔ wan.

Gboo Fiipai Ko A 4:6

Ko ɔ ko kan kɔ kan ma wo faa gbaa. Chɛɛ wo 'a samunɛ ɔ, wo 'a Yataa ma nande ɔ, wo a ma, a ni a ɔ sɔn, wo toen mu a ni koe miin chɛ wo ye, tima ɔ tima ko a. A sin, wo a wai bɔ koe n gbɛɛ ko a, a‑a miin chɛ wo ye.

Gboo Saa Tɛsadonika Ko A 3:12

Koadia min mbe wo faa ɔ, wo nyɔn ko a, a basan mɔɛ tɔɛ gbɛɛ a, Mansa Chisɔsi ni a ma munda ta‑a. A ni koa yɔ nn ta koadia wo ko a.

GBOO FEAN BƆƐ TƐSADONIKA KO A 1:3

Nn suun ma nyɔɛ nu Chasi ɔ, nn mbe samunɛ chɛ tena tima ɔ tima wo ko a. A sin nyin fan nn ni a ma ka. Koe min na mu, wo 'a kaifa Chisɔsi a, a ma ɛ munda tena wan kaka. A sin to, koadia ma ɛ munda tena wan wo faa ɔ, wo nyɔn ko a.

1 TIMOTI 2:4

A mu min na, a toen mu mɔ ɔ mɔ ni tea chia sɔn, mɔ ɔ mɔ ni bauncha ma sɔn.

1 TIMOTI 5:5

Fuinya musu chɛndɛ chɛndɛ, mɔ ee min boo ɔ, a yii faen mu Yataa an ma. Su ni tee a, ɛ samunɛ chɛ wan, ɛ ta‑a Yataa ɔ tisa‑a a deman koe a.

2 TIMOTI 2:24

Mansa Yataa 'a wai chɛ mɔɛ sin ma koɔ yan mɔ a. Chɛɛ mɔ chɛndɛ mu a a mɔɛ gbɛɛ tena, kan chɛndɛ chɛ mɔɛ, a sin mbe koe a bia a ma.

TAITƆSI 2:11

Koe min na mu, Yataa‑a a 'a koadia demanɛ ɔ yian, min mbe a ma, mɔ gbu gbɛɛ ni bauncha ma sɔn.

TAITƆSI 3:2

An ma bai yama sa mɔ ɔ mɔ ma, an ni an boo bɔ koɛ ɔ, an ni ma mɔ ma chimaenɛ n na, miin mbe basɔmaya be mɔ ɔ mɔ ma.

GBOO IBU MƆƐ N KO A 6:11

Nn toen mu wo gbɛɛ, wo ni butuin dɔndɔ gbe chɛ chɛ wo faa gbɛɛ a, aan wo 'a fɔɛ danka a. Chɛ an mbe a ma, wo yii na tɛen mu koe miin ma, wo ni an ma sɔn.

CHIMISI 5:16

Chɛ ko a, wo wo 'a ko yama n kɔɔ yian wo nyɔn na. Mbɛ wo‑a samunɛ chɛ wo nyɔn ko a. Chɛ ɛ na‑a wan bauncha a wo tena, wo 'a gbandi n dɔ. Mɔɛ min tanden mu Yataa tena, ɛ samunɛ min chɛ, a faa gbɛɛ a, gbasaya koo min mbe bɔ a ɔ.