1 TIMOTI 1:9 - Yataa 'a Dɔbɛnɛ Nama

⁹ Mɔɛ miin mbe don sawa kɔɔ, a ee sa an fan ko a. Chɛɛ ɛ sa mɔ yama n fan ko a, miin mbe ee sawa ya, an mbe ee don a kɔɔ, Yataa sɔn bai nu, miin mbe a gbɛnɛ ma bon. Ɛ chɛ n fan ko a, miin mbe an fa n fa, an ni an de n fa, an bɛ mɔ fa mɔɛ n na.

1 TIMOTI 1:9 ပူးပေါင်းရင်းမြစ်များ

MATIU 10:21

“Mɔɛ n mbe an suun ma nyɔɛ n be‑a wan, an fa koe a. Fa n mbe an 'na denɛ n be‑a wan, denɛ n bɛɛ ni yɛ, an ni an woo mɔɛ n be.

GBOO DOMI KO A 1:30

An mbe bai yama sa a si an nyɔn ma, an ma to ni Yataa nan fan na. An mbe an nyɔn main fan, mbɛ an‑na dɔpandaya bɔ, an mbe ta‑a yonka tɛ‑a. Tima ɔ tima ko a, an mbe yiinachii an na, ko yama ma munda ma koe a. An mɔɛ chɛ nu, an mbe ee baa be an woo mɔɛ n bɛɛ ma.

GBOO DOMI KO A 4:13

Yataa na‑a Ebeami too ɔ dia wan, an bɛ a cheeya n na, mbɛ ɛ dunya chɛ gbɛɛ ma‑a an ta a. Yataa na‑a tooɔdia chɛ chɛ Ebeami a, koe min na mu, a na‑a a kai fa wan Yataa a. Chɛɛ Ebeami na‑a bea min chɛ sawa chɛ fɛ, an ko a nii ma. Chɛ ko a, Yataa‑a a ya wan mɔ tandenɛ a a chen kɔɔ.

GBOO DOMI KO A 5:20

Yataa na‑a sawa a, min mbe a ma, mɔ gbu ni ko yama kun ma sa. Chɛɛ mɔɛ n 'na ko yama kun ma ɛ chɛ buɛ min dɔ, Yataa 'a koadia demanɛ wɛɛ, a ma ɛ munda ka wan.

GBOO DOMI KO A 6:14

Wo ma dɔn to ko yama ni gbasaya sɔn wo kun ma. Wo ee sawa chɛ an kɔɔ, chɛɛ wo e Yataa 'a koadia demanɛ an kɔɔ.

Gboo Kadesia Ko A 3:19

Chɛɛ sawa chɛ nii ma sa ni gbama a. Ko yama ma, an fɛ mu, Yataa‑a sawa chɛ sa dɔbɛn chɛ kaa a. Koe ni ma ka, aan Ebeami cheeya chɛ ni na, tooɔdia chɛ chɛ‑a min na. A sin, Yataa‑a sawa chɛ a ben maeka n fan dɔ, a be koe a Mosisi ma, min ni mɔ gbu n tɛ ɔ an bɛ Yataa a.

Gboo Kadesia Ko A 5:18

Chɛɛ ni Yataa Nyina‑a wo sɔ chia ma, mbɛ wo ee to sawa kɔɔ.

Gboo Kadesia Ko A 5:21

An ya ɛ ma an bɔɛ n boo fenɛ n fan fɛ, an mbe gbɛ wa min, an mbe daun chɛ bɛnɛ bia wan tima ɔ tima ko a, an mbe ko sɛsɛ dɔ gbɛɛ ma. N sin, n na‑a wo a si buɛ min dɔ a saa a, ka n mbe wo a si to sanche. Mbɛ mɔɛ miin mbe koe chɛ n ma‑a, an mbe ee na‑a don‑da Yataa 'a mansaya kɔɔ.

Gboo Kadesia Ko A 5:23

A yɛ to, mɔɛ ni a ma chima, a sin, mɔɛ e kun fan i faa ma. Chɛ nɛnɛ nu, sawa kan kɔ kan mbe ee sɔ an na.

GBOO FEAN BƆƐ TƐSADONIKA KO A 2:8

A tima chɛ a mu, mɔɛ min mbe ee sawa kɔɔ, ɛ yen‑da wan. Chɛɛ ni Mansa Chisɔsi na‑a to, fia min mbe bɔ‑a dechee a da ɔ, an mbe an mɔɛ chɛ fa‑a. Chisɔsi ɛ ma‑a man ba min dɔ, an mbe an mɔɛ chɛ kasaa‑a.

1 TIMOTI 4:7

I ma i boo chɛ tai ɔ, yiimatɛ ee min dɔ, a sin ma gbiti ni Yataa koe ma. Chɛɛ i wandi kan wai chɛ koe a Yataa ko a.

1 TIMOTI 6:20

Timoti, fen chɛ bia i boo fea a, Yataa‑a fenɛ min be i ma. I ma i too ma sɔ wooya chia ɔ bɔɛ ma, chian mbe ee min dɔ Yataa ko a, mɔɛ dɔ n mbe min chee an dɔ yiimatɛ.

2 TIMOTI 2:16

I ma i too ma sɔ wooya bai chɛ n ma, baa ee miin dɔ Yataa ko a, koe min na mu, chɛ ɛ a ma wan mɔɛ n ni ka Yataa chia ma.

2 TIMOTI 3:2

Koe min na mu, mɔɛ n mbe to‑a an fandi an na dechee, a basan kɔpɔɛ a. An mbe ma‑a dɔdia tɔɛ n fan na, an dɔ pandaenɛ ɛ, an mbe ee baa be mɔ ɔ mɔ ma, an mbe ee an woo mɔɛ n da a kuiɛ ma, an ma wai nyima sɔn, Yataa sɔn bai nu.

TAITƆSI 1:10

Koe min na mu, mɔɛ n mbe nɔ kaka, miin mbe an kaa sa tena kan chɛndɛ chɛ a, fia faenɛ an da ɔ ben‑da an bɔɛ n bun koe a. A bɛbɛɛ gbu chɛ nu, miin ni a fɔ, an dɔ, mɔ ee bauncha ma sɔn, ni i a ma kamincha ni.

TAITƆSI 1:16

An‑na Yataa sɔnɛ ɛ an da ɔ wan, chɛɛ a ee an sɔnɛ ɔ. An ma nyin, an mbe ee Yataa 'a sawa ya, an sin ma nyin fen kɔ fen ko a.

TAITƆSI 1:6

A sin ma bɔ ee ma a ma, musu dɔndɔ gbe an mbe ma a boo ɔ. A 'a denɛ n kai faenɛ ɛ Chisɔsi a. An mbe a kuiɛ ma, an mbe ee wooya koɛ yan.

TAITƆSI 3:3

Mmɔ wandi wɛɛ, tima dɔ a mmɔ wooen ni, mmɔ nii kooya be, mɔɛ n na‑a mmɔ sɔ wan chia yama ma. Mmɔ ni yɔnɛ n fan na, mmɔ faa ma koe n dɔ, a basan dunya ma koe n na. Mmɔ na‑a tima gbɛɛ ya fɔɛ ɔ toomaya an dɔ, mɔɛ n tooenɛ ɛ mmɔ a, mmɔ wɛɛ tooenɛ ɛ mmɔ nyɔn na.

GBOO IBU MƆƐ N KO A 11:31

Daabi na‑a a kai fa wan Yataa a. Chɛ na‑a a ma wan, a ni wɛɛ duu dia a, kanda chɛ na‑a bɔn tima min na, a kun ma to ni a ɔ. Koe min na mu, a na‑a a boo si wan mɔɛ chɛ n kɔɔ, miin na‑a na da tɛ chɛ tena. Mɔɛ tɔɛ n tana, miin nii Yataa da a kuiɛ ma, an kasaa‑a wan.

GBOO IBU MƆƐ N KO A 12:16

Mɔ ɔ mɔ ma ko tɛ ma a ma gbɔsɔɛ a, wo tɛ ɔ. Mɔ ɔ mɔ ma ma wo tɛ ɔ, Yataa wakoe ee min faa ɔ, yɔ Isɔ. Den saa ni a a, chɛɛ a tana, daun fen dɔndɔ gbe ko a, a‑a an tea ma tachɛ wan.

1 PITA 2:7

Wo wɛn kai faen mu a a, senɛ chɛ mu tɔnɔn ba an na wo tena. Chɛɛ wo wɛn ma wo kai fa ni a a, Yataa 'a gboo‑a a fɔ wan, a ɔ, “Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a.”

1 PITA 3:20

Mɔɛ chɛ n fan nii nɛ, miin nii ma kooya be ni Yataa ma. Yataa ni a faa bia tena wan an na, ɛ an ma kɔn‑da, tima min na Nowa ni a 'a dɛndɛ wa nyanɛ a. Mɔ kuundenɛ miin ni an dɛndɛ chɛ ɔ, an ni mɔ sɛi, yii chɛ na‑a miin baun.

1 PITA 4:18

Ɛ wan yɔ Yataa 'a gboo‑a a fɔ buɛ min dɔ, a ɔ, “Bauncha sɔn koe ɔ gbɛ, mɔ tandenɛ n boo ɔ. Mɔɛ chɛ n sin, miin mu Yataa sɔn bai wa an na, mmɔ ma ɔ sɔn an ta ɛ ma‑a buɛ min dɔ.”

CHUDA 1:15

A ɔ, ɛ na‑a wan mɔɛ n gbɛɛ gbɛmbo koe a. A ɔ, mbɛ mɔɛ chɛ nu, miin ma Yataa sɔn, a ɔ, mbɛ kaa a tɛ‑a an 'na ko yama n gbɛɛ ma. A ɔ, ko yama chɛ n gbɛɛ, a ɔ, a basan an 'na bai yama n gbɛɛ a, an‑na miin sa a si a ma.

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”

KO Ɔ NUNDENƐ 22:15

Chɛɛ mɔɛ chɛ n nɛnɛ nu, wuu chɛ nu, an mbe ma‑a an duu wa chɛ fɛnsi kɔ wan. Mɔɛ nu, miin mbe suaya a, ni miin mbe ko tɛ a. Chɛ n bɛɛ miin mbe mɔɛ fa, ni miin mbe fenɛ n fai, min ma Yataa a. A basan chɛ n gbɛɛ a, miin toen mu fania koe n na, an sin mbe fania fɔ tima ɔ tima ko a.