1 TIMOTI 1:5 - Yataa 'a Dɔbɛnɛ Nama

⁵ Chɛ fɔen mu i ye, min mbe a ma, koadia ni ma nɔ. Koadia min kaen mu faa ɔ gbɛenɛ ɔ, yiima a koenɛ fion, a basan danaya gbau gbau a Yataa a.

1 TIMOTI 1:5 ပူးပေါင်းရင်းမြစ်များ

MATIU 12:35

A chia dɔndɔ gbe chɛ a, mɔ chɛndɛ ɛ ko chɛndɛ an ma, a mu min na, a faa ɔ gbɛen fan mu. Chɛɛ mɔ yama sin mbe ko yama an ma, a mu min na, a faa ɔ finden fan mu.

MATIU 5:8

“Mɔɛ miin faa ɔ gbɛen mu, an duaen mu. An mbe Yataa yen‑da wan.

CHISƆSI 'A SƆ MƆƐ NU 15:9

A sin ma tɛ bɔ kan kɔ kan yian ni mmɔ tɛ, mmɔ bɛ an na. Chɛɛ a‑a a ma wan, an faa ɔ gbɛ‑a, koe min na mu, an‑na an kai fa Chisɔsi a.

CHISƆSI 'A SƆ MƆƐ NU 23:1

Mbɛ Pɔɔ‑a kuti wa chɛ ma fɛn, mbɛ a‑a a fɔ, a ɔ, “N suun ma nyɔɛ nu, a ka n suun tima ma, aan a sɔ tee chɛ ma, n ma sika ni n fandi ɔ. A sin, n mbe tachɛ tena tea chia an na, Yataa chen kɔɔ.”

CHISƆSI 'A SƆ MƆƐ NU 24:16

Chɛ an fɛ mu, tima ɔ tima ko a, n mbe ko sɛsɛ ɔ bia wan, n yiima a koenɛ ni ma Yataa tena, a basan n bɔ mɔ gbu n bɛɛ a.

GBOO DOMI KO A 10:4

Chasi‑a a ma wan, sawa chɛ, a 'a gbasaya ee to mɔ gbu kun ma. Chɛ an‑na a fɔ, Yataa ɛ mɔ ɔ mɔ ma wan mɔ tandenɛ a a tena, i wɛn mbe i kai fa‑a a a.

GBOO DOMI KO A 12:9

Ni i bɔɛ ko a dia‑a i ye, a ko a ni dia i ye i faa gbɛɛ a. Wo ma to ko yama a, chɛɛ wo ko chɛndɛ ma an bia wo boo fea a.

GBOO DOMI KO A 14:15

Ni e daun fenɛ min daun, a ee na buɔdia a i bɔɛ Chisianɛ n tena, mbɛ koadia an mbe ee ka i faa ɔ an ko a. Koe min na mu, a ma nyin e daun fenɛ min daun, a ni mɔɛ n kasaa, Chasi fa‑a mɔɛ miin ko a.

GBOO DOMI KO A 9:1

N mbe ka tea bai an fɔ tena. N mbe ee fania fɔ tena, a mu min na, Chasi an ta mu n na. N 'na yiinachii gbu wɛɛ, an fea Yataa Nyina a, ɛ min 'na gbasaya kɔɔ, an dɔnden fan mu n 'na tea chɛ ma.

GBOO SAA KƆYINDI KO A 13:1

Chɛnyɛ koɛ sɛsɛ wa chɛ nu, mɔ gbu n mbe miin fɔ, maeka n bɛɛ an mbe miin fɔ, n ni an gbɛɛ fɔ wɛɛ, koadia ni ma n faa ɔ. Chɛɛ ni koadia ee n faa ɔ, n bɔ mɔ gbu ko a, n da a bai chɛ n mbe wan dechee yɔ tainɛ sɔnkɔ sɔnkɔ kuiɛ, chɛ ma, pani tata n mbe ma bɛn bɛn‑da an nyɔn na.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

Gboo Kadesia Ko A 5:22

Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

1 TIMOTI 1:18

N 'na den, Timoti, n toen mu n ni chɛ an fɔ i ye a ma koe a. I yii na chii bai chɛ n ma, Yataa 'a gbonka chɛ mɔɛ n na‑a min fɔ tee, a si i ma. An ya i faa a, min mbe a ma, i ni butuinɛ chɛ Chasi ko a, yɔ soya chɛndɛ.

1 TIMOTI 1:19

Danaya Chisɔsi Chasi ko a, a fea yiima a koenɛ a, a bia i boo fea a. Mɔɛ dɔ n mbe sɛmbɛ wan dan koe a Chasi a, koe min na mu, an mbe koe ma an yiima ma dɔn ni, min ma koe a.

1 TIMOTI 3:9

An ni an boo a chii tea chɛ ma, Yataa‑a min kɔɔ yian. An yiima, a ni ko, a si an tea chɛ ma.

2 TIMOTI 1:3

N mbe Yataa wai bɔ tena i ko a, n mbe wai chɛ tena min ye n yiima a koenɛ a fion, yɔ n bemba n ta bemba n ni a ma tee buɛ min dɔ. N mbe samunɛ chɛ tena i ko a su ɔ tee a.

2 TIMOTI 1:5

Danaya gbau gbau min mbe i ɔ Chisɔsi ko a, a puin‑da n yii ma. Danaya min nyɔn sima ni i mama Doyisi ɔ an fea i de Yunisi a, n danden fan mu a a, mbɛ an mbe i ɔ.

2 TIMOTI 2:22

Chɛ an‑na a fɔ, i boo bɔ kamin tɔngbɔya fɔɛ ɔ, i ni ma mɔ tandenɛ a, danaya ni ma i ɔ Chisɔsi ko a, koadia wɛɛ ni ma i ɔ, a basan faachima a. Chɛ ma, wo bɛ mɔɛ chɛ n na, wo bɛ ɛ Chisɔsi chee, miin na faa ɔ gbɛenɛ ɔ.

TAITƆSI 1:15

Mɔ ɔ mɔ tena min yiima a koen mu, fen kɔ fen nyin fan. Chɛɛ mɔɛ min yiima a ma ko ni, danaya ee mɔɛ min dɔ Chisɔsi ko a, fen kɔ fen ma nyin. Koe min na mu, a yiima ɔ chɛen fan mu, a basan a 'a yiinachii a.

GBOO IBU MƆƐ N KO A 10:22

Chɛ an fɛ mu, mmɔ na Yataa baima, faa chɛndɛ a, a yɛ to, mmɔ kai faenɛ a a gban. Mmɔ faa ɔ gbɛenɛ ni ma, mmɔ yiima a koenɛ ɛ fo, mmɔ gboo wɛɛ ma koenɛ, mmɔ gbɛenɛ fo.

GBOO IBU MƆƐ N KO A 13:18

Wo wo boo a chii samunɛ ma, nn ko a. Nn danden fan mu a a, mbɛ nn yiima a koenɛ mu fion. Koe min na mu, nn mbe butuin chɛ tima ɔ tima ko a, tea koe an ma koe a.

GBOO IBU MƆƐ N KO A 9:14

Ni soe wii ɛ chɛ ma wan, a ɔ gbɛ Chasi ta wii? A wɛn nii ma ko yama kan kɔ kan ma ni, chɛɛ a‑a a wandi fɔɛ be, mmɔ ko a, Yataa Nyina 'a gbasaya ɔ, min mbe kuɔ fɔ ko a. Chɛ an fɛ mu, Chasi wii ni mmɔ yiima a ko, a ni koe n ka mmɔ yii ma miin mbe na saya a, mmɔ ni Yataa fai, min mbe kuɔ fɔ ko a.

CHIMISI 4:8

Wo gbɛn Yataa ma, mbɛ a wɛɛ, ɛ gbɛn‑da wan wo ma. Wo wo boo a ko, wo wan ko yama ma mɔɛ nu. Wo faa ɔ ni gbɛ, wo wan nɛnɛn fea ti nu.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 PITA 3:16

Chɛɛ wo tima ya a ɔ yian koe a an na, basɔmaya chia a. Wo yiima a koenɛ ni ma, min mbe a ma, wo main mɔɛ n ni mau wo ma. Mɔɛ chɛ nu, miin mbe bai yama sa wo ma, wo e ma ko chɛndɛ n ma‑a. Wo e chɛ ma, koe min na mu, wo ma‑a mɔ dɔndɔɛ a, wo bɛ Chasi a.

1 PITA 3:21

Chɛ ni tɔmɔsi an na, yii ɛ chɛ buɛ min dɔ mɔɛ n kunɛ ɔ, Yataa chia a, bauncha sɔn koe a sanche. A ma dechee nɔɛ ko koe an na, mɔɛ n gboo ma. Chɛɛ tooɔdia mu, mɔɛ ɛ min chɛ Yataa a, yiima a koenɛ a. An mbe na bauncha a, min ma sɔn‑da, a bɔ Chisɔsi 'a sɔ koe ɔ, a ka saya ɔ.

1 PITA 4:8

Min mbe ko ɔ ko kun ma, wo to wo nyɔn na wo faa gbɛɛ a. Koe min na mu, koadia ɛ a ma wan mmɔ ni mmɔ ya ka ko yama sɛsɛ a.

2 PITA 1:7

Chɛ sin to, wo a wɛɛ ma munda bia chɛndɛ a, wo e min chɛ wo nyɔn na. A dankama nɛnɛ an nɛ, wo an ma munda koadia a, wo nyɔn ko a.

1 CHƆN 3:10

Yataa 'a denɛ nu, ni Sitana 'a denɛ nu, mmɔ ɛ na tena an tɛ bɔɛ sɔn‑da ka wan. Mɔɛ min mbe ee tan‑da, Yataa 'a den ma a mɔɛ chɛ a, n mbe ee baa mɔɛ chɛ ma, min ma to ni a suun ma nyɔɛ a.

1 CHƆN 3:23

A sin, a 'a sawa gbu an nɛ, mbɛ mmɔ ni mmɔ kai fa a 'a denɛ Chisɔsi Chasi a. A yɛ to, mmɔ ni to mmɔ nyɔn na, yɔ a 'a sawa‑a min fɔ mmɔ ye.

1 CHƆN 3:3

A sin, mɔ ɔ mɔ, danaya chɛ ɛ min dɔ a ko a, a mɔɛ chɛ ee dɔn a ni a boo chɛ ko yama kan kɔ kan dɔ. Koe min na mu, Chisɔsi ee a boo chɛ ko yama ɔ.