1 TIMOTI 1:4 - Yataa 'a Dɔbɛnɛ Nama

⁴ An na si an ni sɛmbɛ tai a bɔɛ a, an mbe ta‑a suunɛ ma dan‑da ta‑a aan. Chɛ ɛ na dechee kɔɔsa an na, an mbe ee deman chɛ, Yataa 'a yiinachii mmɔ ko a, a ni ta ya ɔ ma. Danaya an mbe a ma Yataa 'a yiinachii mmɔ ko a, a ni ta ya ɔ ma.

1 TIMOTI 1:4 ပူးပေါင်းရင်းမြစ်များ

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

Gboo Ɛfisɔsi Ko A 3:2

Mmɔ a ya wɛ, mbɛ wo‑a a a min fan, Yataa‑a n ma buɛ min dɔ wai chɛ mɔɛ a, a ko a. Wo wan ko a mu, a‑a koadia deman chɛ chɛ n na.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

1 TIMOTI 4:7

I ma i boo chɛ tai ɔ, yiimatɛ ee min dɔ, a sin ma gbiti ni Yataa koe ma. Chɛɛ i wandi kan wai chɛ koe a Yataa ko a.

1 TIMOTI 6:11

Chɛɛ min sien mu i ma, i wɛn‑na i wandi be Yataa ma, i ya ka chɛ gbɛɛ a. I tana, tan Yataa tena, ma Yataa fɔɛ ɔ, danaya ni ma i ɔ Chisɔsi ko a, a basan koadia a, faabia, ni machimaya.

1 TIMOTI 6:20

Timoti, fen chɛ bia i boo fea a, Yataa‑a fenɛ min be i ma. I ma i too ma sɔ wooya chia ɔ bɔɛ ma, chian mbe ee min dɔ Yataa ko a, mɔɛ dɔ n mbe min chee an dɔ yiimatɛ.

2 TIMOTI 2:14

Chɛ puin i 'a mɔɛ n yii ma, mbɛ i‑a dasi gbau gbau be an ma Yataa chen kɔɔ, i ɔ an ma koɔ kɔnɔ bai kun ma. Chɛ ee den chɛndɛ suun an ye, chɛɛ ɛ chɛ n fan yɔn gbɔkɔɔ, miin mbe an too ma sɔ‑a a ma.

2 TIMOTI 2:22

Chɛ an‑na a fɔ, i boo bɔ kamin tɔngbɔya fɔɛ ɔ, i ni ma mɔ tandenɛ a, danaya ni ma i ɔ Chisɔsi ko a, koadia wɛɛ ni ma i ɔ, a basan faachima a. Chɛ ma, wo bɛ mɔɛ chɛ n na, wo bɛ ɛ Chisɔsi chee, miin na faa ɔ gbɛenɛ ɔ.

2 TIMOTI 2:23

I ma i boo chɛ wooya kɔɔsa bia ɔ, yiimatɛ ee min dɔ. I‑a a ɔ sɔn fan, mbɛ chɛ ɛ na koɛ an na.

2 TIMOTI 4:4

An mbe ban‑da wan an too ma sɔ koe a tea ma, mbɛ an‑na an too be tai n ma.

TAITƆSI 1:1

N fan Pɔɔ, n fan mbe ka gboo chɛ nyɛn‑da i tena, i wan Taitɔsi. N 'na denɛ mu gbɛ i a, danaya dɔndɔɛ ɔ Chisɔsi ko a. Yataa 'a wai chɛ mɔɛ mu n na, ni Chisɔsi Chasi 'a sɔ mɔɛ to. A‑a n sɔ, min mbe a ma, Yataa‑a a boo sɔ ka mɔɛ miin ma dan koe a a a, n ni a ma, an ni a 'a tea sakana bai a min. Mbɛ n‑na an sɔ chia chɛndɛ ma, ma koe a Yataa fɔɛ ɔ. Mbɛ an yii na tɛenɛ ɛ ma‑a kuɔ fɔ fɔɛ ma, Yataa min mbe ee fania fɔ, a‑a tooɔdia chɛ min na, a e na to dunya a dan‑da. Mmɔ baun mɔɛ Yataa‑a sakana bai chɛ ɔ yian fan, tima chɛndɛ ma, mbɛ a‑a n sɔ a ɔ yian koe a mɔɛ n na. Mmɔ Fa Yataa, an fea Chisɔsi Chasi a, mmɔ baun mɔɛ, an ni i dua, an ni faachima be i ma.

TAITƆSI 1:14

Mbɛ an sɛmbɛ‑a an too ma sɔ koe a Chu n 'na tai chɛ n ma, ni bai chɛ n ma, mɔɛ miin‑na an kan kɔ sɔ tea a, an mbe min fɔ‑a a ma koe a.

TAITƆSI 3:9

Chɛɛ wooya kɔɔsa bia, ni suun ma danɛ, ni ko a fasanɛ, a basan koɛ a Mosisi 'a sawa kun ma, i ma i boo chɛ a ɔ.

GBOO IBU MƆƐ N KO A 13:9

Wo ma dɔn kan sɛsɛ nu, miin kaen mu sakana bai chɛndɛ chɛ ma, an ni wo ka Yataa chia ma. A nyin mmɔ ni faa sɔɛ ma sɔn, koadia demanɛ ɔ, Yataa ɛ min chɛ. Chɛ benden mu bea koe ma sawa n fɛ, miin sien mu daun fenɛ n ma. Mɔɛ miin mbe bea sawa chɛ n fɛ, an nii ma an deman ni.

2 PITA 1:16

Nn‑na a ɔ yian fan wo a, mbɛ mmɔ 'a mansa Chisɔsi Chasi ɛ na‑a wan gbasaya wa ɔ. Nn‑na a 'a gbasaya ɔ yen fan nn ya gbu a. Nn nii ma chɛ tɛ ni nn gboo an ma.