1 PITA 5:8 - Yataa 'a Dɔbɛnɛ Nama

⁸ Wo ma bɛndenɛ ni ma tima ɔ tima ko a, wo ya a kaenɛ ɛ. Wo chɛɛ ma nyɔɛ, Sitana, ɛ ben ben tena dau‑a, yɔ yaa ɛ ma mɔɛ yan‑da a nimisa koe a.

1 PITA 5:8 ပူးပေါင်းရင်းမြစ်များ

MATIU 13:39

A sin fan mu n ko don ma nyɔɛ chɛ a, min‑na bin chɛ fasi chin fen chɛ ya a. Chin fen tɛ tima chɛ sin mu dunya danka an na, mbɛ a sin, chin fen tɛ mɔɛ chɛ n mu maeka n fan na.

MATIU 24:42

“Chɛ an‑na a fɔ, wo wo kun ma fɛn, a mu min na, wo ma tee sɔn, tee min na, wo 'a mansa ɛ na‑a.

MATIU 25:41

“Mbɛ n fan mansa chɛ, mɔɛ chɛ nu n manɛ ɔ, n mbe a fɔ‑a wan an ye, n dɔ, an ni ka n ya a. N dɔ, Yataa‑a an danka. N dɔ, an ni ta pan kuɔ fɔ ta man chɛ ɔ, Yataa‑a min dɔ bɛn Sitana ko a, nyina yama n kun ti, an bɛ a 'a nyina yama n na.

MATIU 4:1

Chɛ gbakɔ, mbɛ Yataa Nyina chɛ‑a a ma, Chisɔsi sɛ‑a fuinɛ ma, min mbe a ma, Sitana ni a yiima yan, ni ɛ ko yama ma‑a wan.

MATIU 4:11

Mbɛ Sitana gbu ka‑a Chisɔsi fɛ, a ta‑a. A yen ko, mbɛ maeka n na‑a, an‑na a deman.

MAKI 4:15

Mɔɛ dɔ n mbe wan yɔ chia kuu 'a duu gboo chɛ, chin fen kuu n bea‑a min ma. Ni an‑na Yataa 'a sakana bai a min, mbɛ Sitana ɛ na wan a ya kɔɔɛ a, mbɛ a‑a bai chɛ bɔ an yiima ɔ, a ta‑a a a.

DUKU 21:34

Chisɔsi ɔ, “Wo wo wandi kun ma fɛn. Wo ma daun chɛ ma wo ma gbɔsɔɛ a, a basan gbɛ a kɔɔen minɛ a. A yɛ to, wo ma dunya chɛ ɔ faagbaa n sa wo kun ma. Ni wo‑a chɛ ma, ni n 'na tima che‑a, koe chɛ n gbɛɛ, an mbe a ma wan, n ni wo tɛnɛ.

DUKU 21:36

Chɛ an‑na a fɔ, wo wo kun ma fɛn, a yɛ to, wo samunɛ chɛ tee ɔ tee a. Wo samunɛ chɛ, wo ni gbasaya ma sɔn koe chɛ n gbɛɛ ɔ bia koe a, miin mbe na tena wo tan‑da, mbɛ wo‑a an dɔ tandin. A yɛ to, wo samunɛ chɛ, wo ni che sɔ‑a n chen kɔɔ, wo kunɛ kɔɔ sɔenɛ a, n fan, Mɔ Gbu 'a Denɛ, n mbe na‑a tima min na.”

DUKU 22:31

Mbɛ Chisɔsi‑a a fɔ Pita ye, a ɔ, “Saimɔn, a yen ko, Yataa dɔn‑da Sitana ye, a ni wo gbɛɛ ɔ siman, yɔ sɛnɛ sa mɔɛ ɛ chin fenɛ ɔ fɛ buɛ min dɔ.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

GBOO FEAN BƆƐ KƆYINDI KO A 2:11

Chɛ ni a ma, Sitana ma na mmɔ bɔ yaa a. Koe min na mu, mmɔ‑a a ɔ sɔn fan a yiima ɛ buɛ min dɔ.

Gboo Ɛfisɔsi Ko A 4:27

Wo ma na chia yian Sitana a, wai chɛ koe a.

Gboo Ɛfisɔsi Ko A 6:11

Wo ni Yataa 'a chɛɛ chɛ fenɛ n gbɛɛ bia. Chɛ an mbe a ma‑a, wo ni che sɔ‑a chidi, Sitana ee che‑a wo bɔ‑a a 'a yaa yaa koe n na.

1 TIMOTI 2:15

Chɛɛ musu n mbe bauncha sɔn‑da wan den suunɛ ɔ. Chɛ ɛ ma wan, ni yiimatɛ ma‑a an tachɛ buɛ ɔ, koadia ɛ an faa ɔ, an sin tandenɛ ɛ Yataa tena, an mbe ta‑a an kai fa‑a a a.

1 TIMOTI 2:9

N toen mu to musu n bɛɛ ni basɔmaya ma bɛnɛ chɛ. An ma an fandi a bonchen ba chɛ. An ma an kunɛ ma chɛ, an ni sanu chii, an ni fen baa gbɛ ma chɛ an ma, a basan koa baa gbanden ba a.

1 TIMOTI 3:11

A musu n bɛɛ sɔnɛ a ni dondan, an ma tɔ ɔ tɛ chɛ, an ni ma basɔmaya tɔɛ n na, an tandenɛ ni ma ko ɔ ko ɔ.

1 TIMOTI 3:2

A mɔɛ chɛ ɛ ma mɔ tandenɛ an na. Musu dɔndɔ gbe an mbe ma a boo ɔ, mɔɛ min kosan a wandi bia‑a, basɔmaya tɔɛ, sonda bia mɔɛ, a sin kosan mɔɛ n kan‑da.

2 TIMOTI 4:17

Chɛɛ Mansa Chisɔsi sɔ‑a wan n kɔ gban, a‑a a ma n che‑a a 'a sakana bai fɔ‑a chɛndɛ chɛ. Chɛ‑a a ma wan, mɔɛ miin ma Chu mɔ a, an gbɛɛ‑a a a min. A sin to, a‑a n kun ka wan.

TAITƆSI 1:8

Chɛɛ mɔɛ min ya kɔɔɛ di sonda n tena, ko chɛndɛ ko a di min ye. Mɔɛ min mbe yiinatɛ bɔ a tachɛ buɛ a, a tanden mu, baa ɛ a boo ɔ Yataa ko a, a sin kosan a wandi bia‑a.

TAITƆSI 2:12

A sin mbe mmɔ kan tena, mmɔ ni mmɔ boo bɔ Yataa sɔn baiya ɔ, a basan dunya ma buɔdia a. A yɛ to, mmɔ ni mmɔ wandi bia chɛndɛ, mmɔ tandenɛ ni ma, mmɔ ni ma Yataa sɔn mɔɛ a dunya chɛ ɔ.

TAITƆSI 2:2

A fɔ mɔ kaima ma taenɛ n ye, an ma gbɛ wa min, an ni ma basɔmaya tɔɛ n na, yiimatɛ tɔɛ nu, danaya ɛ miin dɔ Chisɔsi ko a chɛndɛ chɛ, a basan koadia a, ni faabia.

TAITƆSI 2:4

Chɛ ɛ a ma‑a wan, an ni sunkun tɔngbɔɛ n kan to koe a an chɛɛ n na, a basan an 'na denɛ n na.

TAITƆSI 2:6

A fɔ kamin tɔngbɔɛ n bɛɛ ma, an ni tachɛ yiimatɛ a.

CHIMISI 4:7

Chɛ an‑na a fɔ, wo kooya be Yataa ma. Wo ma dɔn Sitana ni kun wo ma. Ni wo‑a chɛ ma, ɛ a bui‑a wan, a ni ka wo fɛ.

1 PITA 1:13

Chɛ an fɛ mu, wo wo yiima ɔ bɛn gbɛ chɛndɛ chɛ, wai n chɛ koe a, wo e min chɛ. Wo kun wo tachɛ buɛ kun ma fɛn‑da tima ɔ tima ko a, wai chɛ koe a. Wo yii na tɛenɛ ni ma gbae dua chɛ ma, min mbe be‑a wo ma. Dua chɛ, wo e min sɔn‑da, Yataa ɛ Chisɔsi Chasi yian‑da tima min na.

1 PITA 4:7

A ɔ ma yansan to, mbɛ ko ɔ ko che‑a a danka a. Wo ma bɛndenɛ ni ma, wo ni kun tachɛ koe a wo wandi a chɛndɛ chɛ, wo ni kun samunɛ chɛ a, a chɛ buɛ a.

KO Ɔ NUNDENƐ 12:10

Mbɛ n‑na mɔɛ koɔ kuiɛ a min, a ka banda bu ɔ. A koɔ‑a gbankon, a ɔ, “Mmɔ 'a Yataa‑a chɛɛ fo gbɛ. Ɛ a 'a gbasaya a tachɛ wan gbɛ, a 'a mansaya dunya kun ma. Yataa 'a Chasi wɛɛ, mmɔ kun ka mansa, ɛ a 'a gbasaya yian‑da wan dunya ɔ. Nyina yama n 'na mansa chɛ ee to sɔ ɔ Yataa chen kɔɔ, a ee to nɔ, kun yama si koe a mmɔ bɔɛ n kun ma su ɔ tee. Nyina yama chɛ fesan‑da nɔ, a a dɛ‑a dunya ɔ.

KO Ɔ NUNDENƐ 12:12

Wo buɔdia bɔ, wo gbɛɛ, wo wɛn mbe banda bu ɔ. Chɛɛ wo wɛn mbe duu gboo ma, miin mbe kɔ yii ɔ, kasaa naen mu gba wo ko a. Nyina yama n 'na mansa, a fesan‑da nɛ, a a yii‑a nɔ wo kun ma, a faa gbandima wa ɛ, a‑a a ɔ sɔn fan, mbɛ tima ma dɔɔya‑a, a 'a wai chɛ koe a.”

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.

KO Ɔ NUNDENƐ 20:2

Mbɛ a‑a fɔɛ fen chɛ bia gban, fɔɛ fen ma chianden ba chɛ. An fɔɛ fen chɛ mu ka kɔkɔ wa chɛ an na, nyina yama n 'na mansa chɛ, min tɔ mu Sitana. Mbɛ maeka chɛ‑a a chii fɔin kundu yɔɔɛ chɛ a, san wu dɔndɔ (1,000) ko a.