1 PITA 5:5 - Yataa 'a Dɔbɛnɛ Nama

⁵ Wo wan mɔ tɔngbɔɛ n nan sin, a chia dɔndɔ gbe chɛ a, a nyin wo ni kooya be chenanɛ n ma. Wo ma dɔpandaya bɔ, wo e ma wai chɛ‑a wo nyɔn ye. Koe min na mu, Yataa 'a gboo‑a a fɔ wan, a ɔ, “Yataa ma to ni dɔpanda tɔɛ n na, chɛɛ ɛ koadia demanɛ chɛ‑a wan chɛ n na, miin dɔ ma panda ni.”

1 PITA 5:5 ပူးပေါင်းရင်းမြစ်များ

DUKU 22:26

Chɛɛ wo tana, wo ma ma ka yɔ mɔɛ chɛ nu. Mɔɛ min toen mu a ni ma mɔ chenama a wo tɛ ɔ, a ni ma yɔ den mɛsɛ, mbɛ wo ya ɔ sɔɛ wɛɛ ni ma yɔ bɔi denɛ.

GBOO DOMI KO A 12:10

Wo to wo nyɔn na chɛndɛ chɛ wo faa gbɛɛ a, yɔ mɔɛ ɛ to buɛ min dɔ a suun ma nyɔɛ n na. A sin, wo ma bɛndenɛ ni ma basɔmaya be koe a wo nyɔn ma, tima ɔ tima ko a.

GBOO DOMI KO A 13:14

Chɛɛ wo e min ma, wo to mmɔ 'a mansa Chisɔsi Chasi kɔ, a ni butuinɛ chɛ wo ko a. Wo sɛmbɛ wo yiima a ta koe a wo faa ma koe yama chɛ n tena, bea koe a an fɛ.

Gboo Ɛfisɔsi Ko A 5:21

Wo chian‑da ka buɛ min dɔ Chasi ma, wo don wo nyɔn kɔɔ.

Gboo Fiipai Ko A 2:3

Wo ma ko ɔ ko ma, wo wandi ta tɔnɔnɛ ko a dechee. Wo ma yonka tɛ, wo wandi ɔ koa koe a. Chɛɛ wo wo wandi ma yii, wo ni mɔ dɔ mende n ya, a ben wo wandi gbu ma.

Gboo Kɔdɔsai Ko A 3:12

Wo gbɛɛ, wo e gbɛ Yataa an na boo ma. A to‑a wan wo a, a sin‑na a boo sɔ wan wo ma, a ta mɔɛ n na. Chɛ an‑na a fɔ, chinchimaya faa ni ma wo ɔ, ni ko chɛndɛ ma faa. A yɛ to, wo ni wo wandi ma yii, wo ni wo ma chima, a sin, wo ni wo faa bia.

1 TIMOTI 5:1

I ma koɔ ma sɛen chɛ chenan kai n tena. Chɛɛ koɔ a tena basɔmaya a, yɔ e koɔ buɛ min dɔ i fa tena. Kamin tɔngbɔɛ n bia yɔ i dɔ kaima nu.

GBOO IBU MƆƐ N KO A 13:17

Wo kooya be wo ya ɔ sɔɛ n ma, wo ni bea an da a kuiɛ n fɛ. An fan mbe wo kun ma fɛn tena, tima ɔ tima ko a. Koe min na mu, an mbe na‑a wan a ɔ yian‑da Yataa a, an ni wo kun ma fɛn buɛ min dɔ. Ni wo‑a kooya be an ma, an mbe an 'na wai chɛ‑a buɔdia an na. Ni wo ma kooya be ni an ma, an mbe a chɛ‑a faa yɔnɛ an na. A sin mbe ee ma‑a ko a tenden na wo tena.

CHIMISI 4:6

Chɛɛ Yataa 'a koadia demanɛ koo, min been mu mmɔ ma. Chɛ an fɛ mu, Yataa 'a gboo chɛ‑a a fɔ, a ɔ, “Yataa ma to ni dɔpanda tɔɛ n na, chɛɛ ɛ koadia demanɛ chɛ‑a wan mɔɛ chɛ n na, miin dɔ ma panda ni.”

1 PITA 3:8

Ka n mbe n da a bai chɛ kunɛ a bia nɛ, mbɛ wo yiima ni ma dɔndɔ. Wo ni to wo nyɔn na wo faa gbɛɛ a. Chinchimaya ni ma wo ɔ wo nyɔn ko a, wo sin ma dɔpandaya bɔ.

1 PITA 4:1

Chɛ an fɛ mu gbɛ, Chasi‑a tɔɔya ɔ bia ka buɛ min dɔ a gboo ɔ, wo wɛɛ wo sɔnɛ ni bɔ a ta a a. Wo ma bɛndenɛ ni ma tɔɔya ɔ bia koe a. Koe min na mu, ni wo‑a tɔɔya ɔ bia wo gboo ɔ Chasi ko a, wo ee ko yama ma.

1 PITA 4:5

Chɛɛ an‑na koe miin gbɛɛ ma, an mbe a ɔ yian‑da wan Yataa chen kɔɔ. A ma bɛndenɛ mu gbɛ kaa a tɛ koe a fuɛ n ma, an bɛ chɛndɛ ba an na.