1 PITA 5:3 - Yataa 'a Dɔbɛnɛ Nama

³ Wo ma ma mansa n na mɔɛ chɛ n kun ma, Yataa‑a miin be wo ma an kun ma fɛn koe a. Chɛɛ wo sɔnɛ ni ma tɔmɔsi chɛndɛ a an tena, a nyin an ni bea min fɛ.

1 PITA 5:3 ပူးပေါင်းရင်းမြစ်များ

CHƆN 13:15

N‑na tɔmɔsi an yian ka wo a, min mbe a ma, wo ni a ma, yɔ n‑na a ma dechee buɛ min dɔ wo ko a.

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

GBOO SAA KƆYINDI KO A 11:11

Chɛɛ chɛ gbɛɛ ni ma wɛɛ, mmɔ mu buɛ min dɔ ka mɔ dɔndɔɛ a Mansa Chisɔsi a, ɛ ka wan. Mɔ kaima, a ee ma dechee a wandi ko a, musu wɛɛ, a ee ma dechee a wandi ko a.

GBOO SAA KƆYINDI KO A 3:5

Chɛɛ n fan Pɔɔ, n ma mɔ a, Apɔdɔsi wɛɛ ma mɔ ɔ mɔ a. Min sin sien mu nn ma, Yataa 'a yɔnɛ gbama mu nn na, miin‑na a ma, wo dan‑da Chisɔsi Chasi a. Mansa Yataa‑a nn sɔ wai chɛ‑a buɛ min dɔ, nn‑na a chɛ ka wan.

GBOO SAA KƆYINDI KO A 3:9

Koe min na mu, nn mbe wai chɛ tena Yataa an ko a. Wo sin, wo e wan yɔ wo e a 'a yadi ɔ wan. A yɛ to, wo e wan bɛɛ yɔ a 'a chen sɔenɛ.

GBOO FEAN BƆƐ KƆYINDI KO A 1:24

Nn mbe ee a din tena wo ma fɔsɛɛ a, wo e dan koe min na. Nn‑na a ɔ sɔn fan, wo kai faen fan mu Chisɔsi a gban. Nn mbe a ma tena, tee ɔ tee a, mmɔ bɛ ɛ wai chɛ tena, wo 'a buɔdia ko a.

GBOO FEAN BƆƐ KƆYINDI KO A 4:5

Nn mbe sakana bai min dɔ yian, a ma si ni nn fandi an ma. Chɛɛ a gbu an nɛ, mbɛ Chisɔsi Chasi an mu mansa a. Nn tana sin gbɛ, nn mu wo 'a yɔnɛ n fan na, Chisɔsi ko a.

Gboo Fiipai Ko A 3:17

N suun ma nyɔɛ nu Chasi ɔ, wo bea n sɔnɛ fɛ. A sin, wo ya ma ka chɛ n fɛ, miin mbe koe n ma tena, yɔ nn na‑a miin tɔmɔsi a tachɛ.

Gboo Fiipai Ko A 4:9

Ko ɔ ko, wo‑a n yen miin ma‑a, wo‑a miin kan, an to‑a wo yii ma, wo an ma. An ni ma n da a bai n na, chɛ ma, an ni ma n chɛ chɛ wai n na. A sin, Yataa min mbe faa chima be mmɔ ma, ɛ ma‑a wan wo kɔ.

Gboo Saa Tɛsadonika Ko A 1:7

Chɛ‑a a ma wan, wo ma‑a tɔmɔsi a mɔɛ n tena. Mɔɛ chɛ nu, Masidonia, ni Akaya chɛnyɛ ɔ, miin kai faen ni Chisɔsi Chasi a.

GBOO FEAN BƆƐ TƐSADONIKA KO A 3:9

Nn na‑a chɛ ma koe min na, an nii ma a fɔ ni, mbɛ tea nii nn boo ɔ, wo ɔ tisa koe a nn kɔ koe a. Chɛɛ nn na‑a chɛ ma, ma koe an na tɔmɔsi a, wo e che bea‑a min fɛ.

1 TIMOTI 4:12

I ma a ma mɔ ɔ mɔ ni a yii dɛn i ta kun ma, i kamin tɔngbɔya koe a. Chɛɛ ma tɔmɔsi a an ko a chia sɛsɛ a, i da a bai basan i sɔnɛ ɔ, koadia ɔ, danaya ɔ Chisɔsi a, a sin ma bɔ ee i sɔnɛ ma.

TAITƆSI 2:7

A ɔ yian chia ɔ chia a, ko chɛndɛ ma ɔ, mbɛ mɔ chɛndɛ mu i a. A sin, ni i ma‑a kanɛ chɛ a, a yian mbɛ mɔ tandenɛ mu i a, basɔmaya ni ma i a kan chɛ ma.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.