1 PITA 5:10 - Yataa 'a Dɔbɛnɛ Nama

¹⁰ Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

1 PITA 5:10 ပူးပေါင်းရင်းမြစ်များ

DUKU 22:32

Saimɔn, chɛɛ n‑na samunɛ chɛ i ko a, i chenɛ ni sɔ gban i 'a danaya ɔ n na. A sin, ni i‑a i ya a yɛ to n ma, a ma i bɔɛ n bɛɛ, an chenɛ ni sɔ gban an 'na danaya ɔ n na.”

GBOO DOMI KO A 15:13

Yataa, min‑na yiinatɛ chɛ be, a ni buɔdia be wo ma. Yataa, a ni faachima be wo ma. A ni koe chɛ n ma wo ye, koe min na mu, wo kai faen mu an na. Yiinatɛ chɛ ma ni mun‑da wo ɔ kaka, Yataa Nyina 'a gbasaya ɔ.

GBOO DOMI KO A 15:5

Yataa an mbe mmɔ faa ma nande, a sin fan mbe a ma to mmɔ ɛ mmɔ faa bia. Chɛ an fɛ mu, Yataa ni a ma wo ni sɔ Chasi chen gba ɔ, faachima ni ma wo ɔ wo nyɔn ko a.

GBOO DOMI KO A 16:25

Mmɔ tando be Yataa ma. A wan mbe kun a ma‑a mmɔ gboo ɔ ee fa‑a, dan koe a a a. N mbe chɛ an fɔ wo ye, n mbe ma sakana bai chɛndɛ chɛ ɔ yian‑da wo a, a si Chisɔsi Chasi ma. A sin fɔen mu ka wan ko ɔ nunden chɛ wɛɛ ɔ, min na bɔ‑a ya a ma. An tea ɔ nunden chɛ, Yataa nii ma a ma ni mɔ gbu ni fua min dɔ sɔn‑da san sɛsɛ sɛsɛ ko a suun.

GBOO DOMI KO A 9:11

Chɛɛ an fɛn chɛ nu, an nii na to suun‑da, an dɔndɔ e na to koe ma‑a min nyin, chɛ ma, min ma nyin, Yataa na‑a koɔ wan Debɛka tena. Chɛ ɛ a ɔ yian fan, mbɛ Yataa ɛ koe ma, a ta chia an na.

GBOO DOMI KO A 9:24

Koe min na mu, a na‑a mɔɛ miin chee, an mu mmɔ wan na. A nii ma mmɔ wan Chu mɔɛ n dechee an chee ni, chɛɛ mmɔ dɔ n bɛɛ, mmɔ wɛn ma Chu mɔ a, a na‑a mmɔ wɛɛ chee wan.

GBOO SAA KƆYINDI KO A 1:10

N suun ma nyɔɛ nu Chasi ɔ, n mbe wo disa tena, mmɔ 'a mansa Chisɔsi Chasi tɔɛ ɔ, kuiɛ dɔndɔya ni ma wo tɛ. Wo sɛmbɛ wo nyɔn kɔɔsa bia koe a. Wo dɔn wo nyɔn ye, wo yiima ni ma dɔndɔ gbe, a ɔ ma du du.

GBOO SAA KƆYINDI KO A 1:9

Yataa ee a da a kuiɛ yɔn. A wan‑na wo chee, ma koe a dia nyɔncha wa chɛ ɔ, wo bɛ a 'a denɛ a, Chisɔsi Chasi, mmɔ 'a mansa.

GBOO FEAN BƆƐ KƆYINDI KO A 13:11

N suun ma nyɔɛ nu Chasi ɔ, an nɛ, wo buɔdia bɔ. Wo butuin chɛ, wo ni wo tachɛ buɛ n dɔ bɛn. Wo wo too ma sɔ n 'na dasi n ma. Wo ma kuiɛ dɔndɔɛ ɔ, wo ni ma faachima ɔ. A sin, Yataa min mbe faachima be, koadia ɛ to a faa ɔ, ɛ ma‑a wan wo kɔ.

GBOO FEAN BƆƐ KƆYINDI KO A 4:17

Nn mbe ko gbɛama miin dɔ bia tena ka sanche, ɛndenɛ mu, a sin, an dɔ ee mɛ tena. Chɛ an mbe na‑a kuɔ fɔ tɔnɔnɛ wa an na, min benden mu kaka ko gbɛama chɛ n ma.

Gboo Fiipai Ko A 4:13

Chasi 'a gbasaya ɔ, ɛ min be n ma, n mbe che wan, n ni ko ɔ ko kan kɔ kan ma.

Gboo Kɔdɔsai Ko A 2:7

Wo ban‑da wo kai fa‑a a a gban. Chɛ an fɛ mu, wo a a tun wo kai fa koe ma a a, wo ma yɛ kuu kɔ. A sin, wo‑a wo kai fa ka buɛ min dɔ a a, wo ma yɛ to kuu kɔ, yɔ a fɔen mu buɛ min dɔ wo ye. Tima ɔ tima ko a, wo Yataa wai bɔ.

Gboo Saa Tɛsadonika Ko A 2:12

Nn‑na wo nande wan, nn‑na wo bu ɔ dia. Nn‑na a ma din fan wo tena, mbɛ wo ni ma fɔɛ ɔ, min na di Yataa ye. A wan mbe wo chee tena, ma koe a a 'a mansaya kɔɔ, manɛ ɔ.

GBOO FEAN BƆƐ TƐSADONIKA KO A 2:14

Nn ni sakana bai chɛndɛ min sa ka wo tena, Yataa na‑a wo chee an dɔ, bauncha chɛ ma sɔn koe a. A na‑a wo chee, min mbe a ma, a ni basɔmaya be wo ma, yɔ a na‑a min nyɔn sima be mmɔ 'a mansa Chisɔsi Chasi ma.

GBOO FEAN BƆƐ TƐSADONIKA KO A 2:17

A ni wo faa ma nande, wo ɔ ni gbɛa. Chɛ ni a ma, tima ɔ tima ko a, wo ni bai sa min nyin, a yɛ to, wo ni koe ma min nyin.

GBOO FEAN BƆƐ TƐSADONIKA KO A 3:3

Chɛɛ Mansa Chisɔsi ee a da a kuiɛ yɔn. Ɛ a ma‑a wan wo faa ni sɔ, a ni wo kun ma fɛn Sitana boo ɔ.

1 TIMOTI 6:12

Butuinɛ chɛ i 'a danaya ko a Chisɔsi a, butuin chɛndɛ an nɛ. I che‑a wan kuɔ fɔ fɔɛ ma sɔn‑da. I sin‑na a fɔ wan den mɔ sɛsɛ ya kɔ, mbɛ i‑a i kai fa Chisɔsi Chasi a. Kuɔ fɔ fɔɛ chɛ bia i boo fea a.

2 TIMOTI 1:9

A‑a mmɔ baun fan, mbɛ a‑a mmɔ chee ma koe a a ta mɔɛ n na. A ma chɛ ma ni mmɔ sɔn chɛndɛ an ko a. Chɛɛ Yataa e na to dunya a dan‑da, a wandi na‑a a ɔ bɛn ka wan, a 'a koadia demanɛ ɔ, a‑a min dɔ yian Chisɔsi Chasi ɔ.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

GBOO IBU MƆƐ N KO A 9:15

Chɛ an fɛ mu, Chasi an mbe mmɔ tɛ Yataa a, dɔbɛn nama chɛ ko a. Chɛ ni a ma, Yataa ɛ mɔɛ miin chee‑a, an ni kuɔ fɔ fɔɛ chɛ ma sɔn, min bakoe na‑a don an too ɔ. Koe min na mu, Chasi ban‑da gbɛ saya chɛ‑a, mɔɛ kun ka koe a, a bɔ an 'na ko yama n dɔ, an na‑a miin ma dɔbɛnɛ kɔma kɔɔ.

1 PITA 1:15

Chɛɛ wo e koe miin ma, an ni ma ko chɛndɛ n dechee an na. Wo ni ma yɔ Yataa, min na‑a wo chee, a ee ko yama kan kɔ kan ma.

1 PITA 4:10

Wo gbɛɛ, Yataa‑a wo dua wan chia sɛsɛ a, dɔndɔ dɔndɔɛ a. An chia chɛ n sin, basan koe a mu wo nyɔn ma. Chɛ an mbe a ɔ yian‑da, mbɛ Yataa‑a koadia demanɛ min chɛ wo a, wo e tachɛ tena wan a a chɛndɛ chɛ.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.

2 PITA 1:3

Chasi 'a gbasaya ɔ, fen kɔ fen been fan mu mmɔ ma, min mbe a ma, mmɔ ni ma mɔɛ n na, Yataa wakoe ɛ miin faa ɔ. Chɛ ɛ ma‑a koe min na, mmɔ ma‑a gbɛ Yataa sɔn mɔɛ n na. A wan Yataa an‑na mmɔ chee a tena. A‑a chɛ ma, min mbe a ma, mmɔ wɛɛ ni a 'a gbasaya ɔ daun. A yɛ to, a 'a ko chɛndɛ ma ni ma mmɔ 'a fɔɛ ɔ.

1 CHƆN 2:25

A‑a mmɔ too ɔ dia chɛ an na, kuɔ fɔ fɔɛ.

CHUDA 1:24

Sanche gbɛ, mmɔ tando be Yataa ma. An mu dechee mmɔ 'a Yataa a, an mbe mmɔ baun, a 'a denɛ Chisɔsi Chasi ɔ, mmɔ 'a mansa. A wan Yataa, an mbe a ma, mmɔ ee bea, mbɛ a‑a a ma, mmɔ sɔ‑a a chen kɔɔ manɛ ɔ, mabɔ kan kɔ kan mbe ee mmɔ ma, mɔɔ buɔdia mmɔ ɔ. Mansaya, ni bemaya, a basan gbasaya a, a ka suun ma, aan sanche, ɛ Yataa an boo ɔ, kuɔ fɔ, ni kuɔ fɔ ko a. A ni ma ka.